Frecciabianca

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Vos principala: Le Frecce.

Frecciabianca a l'è 'na categoria de servizzi di treni Trenitalia che dal 2010 l'ha fiancaa e dal dicember 2011 l'ha sostituii l'Eurostar City Italia.

Anca se in la familia di Frecce el Frecciabianca a l'è minga a volta velocità e l'è, a nivell tariffari e de velocità, intermedi in tra l'AV e in tra i InterCity.

Del 2016 l'è scominciada la sostituzion del servizzi: in su la dorsal padana l'è sostituii del Frecciarossa, in su l'Adriatica e la Tirrenica Sud del Frecciargento menter la sort di treni de la Tirrenica Nord l'è ancamò descognossuda.

Material rotabil

I treni doperaa per el servizzi Frecciabianca a hinn:

Locomotiv E.414 cont di carrozz Gran Confort o UIC-Z1 che viaggen a massim 200 km/h
Elettrotreno Cisalpino ETR.470 che 'l viaggia a 200 km/h
Elettrotreno FS ETR.460 che 'l viaggia a 250 km/h

Storia

El progett a l'è nassuu in del 2006 cont l'introduzion de la noeuva categoria Eurostar City che la gh'aveva de sostituì i lign Eurostar in su l'Adriatich e eren faa cont i ETR 500, che poeu repellicolaa e modifegaa hinn deventaa i Frecciarossa. El primm a l'è staa el Milan-Lecce, poeu seguii del Milan-Venezia.

Cont el temp han sostituii i treni de la ferrovia Adriatica e han giontaa anca di stazion che prima eren faa no. In del 2011 a l'è nassuda offizialment la categoria Frecciabianca, pussee regolara e cadenziada respett ai treni precedent. Dal dicember 2012 anca Ancona e Reggio Calabria a hinn quattaa del servizzi. Semper dal 2012 a hinn staa giontaa al servizzi i Locomotiv E.402B.

In tra el 2015 e 'l 2016 i treni Venezia-Milan-Turin a hinn staa sostituii di Frecciarossa. In l'orari invernal del 2017 in sui ETR.460 a l'è staa disattivaa el pendolament, che l'è restaa attiv in sul 470.

Tratt

I Frecciabianca viaggen domà in sui lign tradizionai ma permetten ai center minga servii de l'AV de 'vègh on servizzi comfortevol e de qualità e hinn in servizzi in sui lign:

Turin/Milan/Venezia - Costa Adriatica
Roma - Grosseto - Campiglia M.ma (-Piombino - Porto - Elba) - Pisa - La Spezia - Genova - Milan/Turin
Roma - Napoli - Salerno Centrala - Sapri - Paola - Lamezia T. - Vibo - Rosarno - Gioia Tauro - Villa S.G. - Reggio Calabria
Roma - Falconara M.ma - Pesaro - Rimini - Ravenna

Vos corelaa