Friedrich Schottky

Friedrich Schottky
	;
Biografía
Nacemento	(de) Friedrich Hermann Schottky ; 24 de xullo de 1851 ; Wrocław (Reino de Prusia)
Morte	12 de agosto de 1935 (84 anos); Berlín, Alemaña
Lugar de sepultura	Friedhof Steglitz (en)
Formación profesional	Doutor en Matemáticas
Educación	Universidade Frederico Guillerme de Berlín - doutoramento (–1875); Universidade de Breslau (1870–1874)
Tese académica	Über die conforme Abbildung mehrfach zusammenhängender ebener Flächen (en) (1875 )
Director de tese	Karl Weierstrass e Hermann von Helmholtz
Actividade
Campo de traballo	Matemáticas, análise matemática, función, função elíptica (pt) e função de várias variáveis (pt)
Lugar de traballo	Berlín ; Zürich ; Marburgo ; Wrocław
Ocupación	matemático, profesor universitario, científico
Empregador	Universidade Frederico Guillerme de Berlín (1902–1922) ; Universidade Philipps de Marburgo (1892–1902) ; ETH Zürich, mestre (1882–1892) ; Universidade de Breslau, profesor universitario (1878–1882)
Membro de	Academia Prusiana das Ciencias ; Academia de Ciencias de Gotinga
Alumnos	Paul Bernays (pt)
Obra
	Obras destacables Schottky problem (en) ; Schottky form (en) ; teorema de Schottky (pt) ;
Doutorando	Robert Jentzsch (en) , Heinrich Jung (pt) , Konrad Knopp (pt) , Paul Koebe, Leon Lichtenstein, Herman Müntz (pt) , Walter Schnee, Erich Stiemke (en) , Erich Brehm (en) , Heinrich Zurkuhlen (en) e Arthur Hamburger (en)
Familia
Cónxuxe	Henriette Hammer
Fillos	Walter Schottky, Ernst Max Schottky
Pais	Hermann Friedrich Schottky e Louise Winkler
	Sinatura
Descrito pola fonte	Nordisk familjebok

Friedrich Hermann Schottky, nado en Wrocław (Polonia) o 24 de xullo de 1851, e finado en Berlín o 12 de agosto de 1935, foi un matemático alemán.

Traxectoria

Naceu en Wrocław, Silesia, por entón pertencente ao Imperio Alemán, fillo de Hermann Friedrich Schottky, profesor de inglés, e da súa esposa Louise Winkler. Desde 1865 fixo o bacharelato na escola secundaria Maria-Magdalenen-Gymnasium da súa vila natal. De 1870 a 1874 estudou matemáticas na Universidade desa cidade, e despois acadou o doutoramento na Universidade Humboldt de Berlín, onde estudou con Karl Weierstraß e Hermann von Helmholtz.

A súa tese Über die conform Abbildung mehrfach zusammenhängender ebener Flächen (Sobre a representación conforme de superficies planas multiconectadas) considérase unha disertación histórica.

En 1878 obtivo a habilitación para a ensinanza de filosofía na Universidade de Wrocław, ondea ensinou até 1882, cando foi nomeado profesor de matemáticas na Escola Politécnica Federal de Zürich, onde permaneceu dez anos. En 1892 foi nomeado profesor na Universidade de Marburgo, onde permaneceu até a súa xubilación en 1922.

As súas principais áreas de traballo foron as funcións elípticas, as funcións abelianas e as funcións theta. Publicou 55 artigos e o libro "Abriß einer Theorie der Abel'schen Functionen von drei Variablen" (Ao redor da teoría das funcións abelianas en tres variábeis).

Tamén fixo importantes contribucións á teoría das transformacións conformes. A súa xeneralización dos teoremas de Émile Picard e Edmund Landau coñécese en matemáticas como o "conxunto de Schottky".

Propuxo unha hipótese, coñecida como o "problema de Schottky", sobre a caracterización das variedades xacobianas entre as variedades abelianas. O problema foi resolto por Takahiro Shiota en 1986, pero o tema aínda está en discusión.

Tivo unha filla e catro fillos, dos que dous deles tamén foron científicos: Ernst Max Schottky, botánico, estudoso da flora asiática, e Walter H. Schottky, físico, introdutor dunha variedade de conceptos de semicondutores.

Distincións

Schottky foi elixido membro correspondente da Academia de Ciencias de Prusia (hoxe Academia de Berlín) en 1900, e membro numerario dous anos despois.

Véxase tamén

Ligazóns externaas

Friedrich Hermann Schottky Biografía en Mac Tutor. University of St Andrews, Scotland (en inglés).
Friedrich Hermann Schottky Arquivado 08 de xullo de 2020 en Wayback Machine. Biografía en Mathematics Genealogy Project. Department of Mathematics. North Dakota State University (en inglés).