Fristaten Preussen

Historia til Brandenburg og Preussen
Nordmark før 1100-talet		Gammalprøyssarane før 1200-talet
Markgrevskapet Brandenburg 1157–1618 (1806)		Ordensstaat 1224–1525
		Hertugdømet Preussen 1525–1618	Det kongelege (polske) Preussen 1466–1772
Brandenburg-Preussen 1618–1701
Kongedøme i Preussen 1701–1772
Kongedømet Preussen 1772–1918
Fristaten Preussen 1918–1947
Brandenburg 1947–1952 / 1990–

Fristaten Preussen (tysk Freistaat Preußen) var ein tysk stat oppretta då Kongedømet Preussen vart avskaffa etter den første verdskrigen. Han var den store staten i Tyskland under Weimarrepublikken og utgjorde om lag fem åttandedelar av både areal og folkesetnad. Fristat er eit tysk uttrykk for Republikk som vart nytta som ein motvekt til det latinske uttrykket, som var assosiert med fienden Frankrike hos mange tyskarar på denne tida. Den demokratiske fristaten Preussen vart sett til side då han vart teke over under eit kupp i 1932/33 og Otto Braun vart fjerna frå embetet.

Fristaten Preussen i Tyskland under perioden med Weimarrepublikken

Regjeringa hans gjekk til retten på grunn av dette og etter den andre verdskrigen møtte Otto Braun dei amerikanske styresmaktene for å få gjeninnsett den rettmessige prøyssiske regjeringa. Amerikanarane og dei andre allierte styrkane, som no okkuperte heile Tyskland, var ikkje interessert og erklærte Preussen for avskaffa i 1947.

Kjelder

• Denne artikkelen bygger på «Free State of Prussia» frå Wikipedia på engelsk, den 7. juni 2008.

Fotnotar

Denne geografiartikkelen som har med Preussen å gjere, er ei spire. Du kan hjelpe Nynorsk Wikipedia gjennom å utvide han.