Fritz Schärer
Dr Friedrich Schärer (* 17. Augschte 1918 Duemerge; † Augschte 2008 z Wiil) isch e dytsche Mundart- un Haimetautor gsii.
Läbe un Beruef
[ändere | Quälltäxt bearbeite]Dr Fritz Schärer isch z Duermerge ufgwagse. Im Zweete Wältchrieg isch er schwär verwundet in britischi Chriegsgfangeschaft grote un bi Rimini in e Lager chuu. Wäg däne Erfahrige het er speter dr Kameradenkreis der Gebirgstruppe Lörrach grindet, het sich fir di dytsch Chriegsgreberfirsorg engaschiert un sich in dr Europa-Union Deutschland e. V. fir Fride un Versehnig unter dr Velker yygsetzt. Ain vu syne Laitsätz in däm Zämmehang isch gsii:
„Fremde sind auch Menschen und sind daher menschlich zu behandeln.“
Dr Schärer isch Mitglid vu dr CDU gsii un isch au fir syy Bartei vu 1972 bis 1976 im Gmairot vu Löörech gsässe.
Syt 1981 het dr Schärer zämme mit syre Frau Helga z Ötlige gwohnt, är het sich aber bis zue sym Dod mit Duermerge äng verbunde gfielt.
Wu am 1. Dezämber 1958 dr alt Durnverain vu Duermerge wider grindet woren isch, wu s no 1936/37 praktisch nimmi gee het, isch dr Schärer zum erschte Vorstand gwehlt wore. Des Amt het er bis anne 1962 uusgfiert.
Dr Fritz Schärer isch Mitgrinder vum Altenclub Tumringen vu dr Evangelische Chilchegmai Röttele gsii un au 35 Johr lang Vorsitzende vu däm Verain gsii. Fir des Engaschment zämme mit syre Frau het en d Löörecher Oberburgermaischteri Gudrun Heute-Bluhm bim Neijohrsempfang 2006 gwirdigt, wu si "stilli Hälfer" in dr Löörecher Altenarbet gehrt het.
Mit 70 Johr het dr Schärer aafange schryybe. Syy eerscht Buech isch e Wärch iber dr Duemerger Flugplatz gsii. Är het vor allem iber lokali Theme gschribe, Anekdote un chlaini Verzellige. In sym letschte Buech het er au Erinnerige an syy Chriegsgfangeschaft verschafft.
Syy Frau Helga isch im Jänner 2008 bin eme Uufall um s Läbe chuu. Dr Fritz Schärer isch e baar Däg no syym 90. Geburtsdag im Augschte 2008 gstorbe.
Biecher
[ändere | Quälltäxt bearbeite]- Der Flugplatz Lörrach in Tumringen. Ein Stück Lörracher und Tumringer Geschichte aus den Jahren 1919-1921 und 1925. Kropf & Herz, Lörrach-Tumringen 1988
- Alte Dorfgeschichten. Resin, Binzen 1992. ISBN 3-923066-33-3
- Tumringen wie es einmal war. Fotografische Kostbarkeiten. Zusammenstellung und Texte von Fritz Schärer. Kropf & Herz, Lörrach-Tumringen. Bd. 1: 1864 bis 1964 (1997). Band 2 1812 bis 1972 (1999).
- Erinnerungen und Anekdoten. Altenclub Tumringen Lörrach 1999
Zitat
[ändere | Quälltäxt bearbeite]„Zähle deine Jahre nicht, zähl’ auch deine Haare nicht, zähle nur wie oft du lachst und die andern glücklich machst.“
Uuszaichnige
[ändere | Quälltäxt bearbeite]- 1997: Ehrenoodle vum Land Bade-Wirttebärg fir s Engaschment im Altenclub Tumringen
Literatur
[ändere | Quälltäxt bearbeite]- Autoren aus dem Dreiländereck. In: Alemannisch dunkt üs guet I/II 2000, S. 46–47
Weblink
[ändere | Quälltäxt bearbeite]- Dr Fritz Schärer uf dr Websyte vu dr Muettersproch-Gsellschaft
- Ein Tumringer mit vielen Talenten, Badische Zeitung, 16. August 2008
- Sein Herz schlug für Tumringen, Badische Zeitung, 22. August 2008