Ganggang

Ganggang utawa ganggeng tegesé kabèh vegetasi kang tuwuh ing banyu (banyu tawa utawa banyu sagara), mligi kang ukurané cukup gedhé (bisa dineleng mata), kerep mbentuk massa kang gedhé awangun berkas. Istilah ganggang iki ora duwé makna biologi nanging biyasa dipigunakaké ing babagan transportasi banyu kanggo ngendhani tlatah banyu kang angèl dilayari.

Istilah ganggang sajeroning biologi naté dianggo nyebut golongan organisme alga, nanging olèh tentangan amarga sawatara anggota tetuwuhan ngembang kang tuwuh ing banyu uga sinebut ganggang (kaya ta Hydrilla, Ceratophyllum, lan Cabomba). Kanggo nyegah kasalahpahaman, istilah "ganggang" disélaki sajeroning babagan botani.