Gangguan gejala somatis

Gangguan gejala somatis atau somatoform (bahaso Inggirih: somatic symptom disorder) adolah kalainan psikologis nan ditandoi jo sakumpulan gejala fisik nan indak bakatantuan sarato indak tampak dalam pamaresoan fisik. Pasien jo gangguan ko biasonyo mangaluah banyak gangguan di badannyo, tapi indak tabukti katiko dipareso dek dotor.

Jinih-jinih

• Konversi: ado kalainan neurologi bak cando buto jo lumpuah, tapi dari pamaresoan hasianyo normal.
• Somatisasi: banyak kaluahan (subjektif), tapi hasianyo normal. Biasonyo pasien ko pai ka banyak dotor (shopping doctor).
• Hipokondriasis: yakin bana mandarito ciek panyakik (biasonyo barek cando kanker), tapi hasia pamaresoan normal.
• Psikosomatik: panyakik fisik muncua, biasonyo dipicu dek stres.
• Malingering: icak-icak sakik untuak tujuan eksternal, misanyo dek maleh karajo atau untuak mandapek narkoba.
• Factitious disorder: icak-icak sakik supayo mandapek paratian atau parawatan, bukan dek tujuan eksternal. Kondisinyo memang manjadi panyakik.