Gemini 11

Gemini 11
	Insignia da misión Gemini 11
Tipo	Tripulado
Organización	NASA
Destino actual	Reentrado na atmosfera.
Data de lanzamento	12 de setembro de 1966, 14:42:26.546 GMT
Foguete portador	Titan II GLV
Sitio de lanzamento	Centro Espacial de Cabo Cañaveral, rampla LC-19
Duración da misión	2,97 días (71 horas, 17 minutos e 8 segundos)
Obxectivo da misión	Experimentos e prácticas de manobras con nave tripulada.
Decaemento	15 de setembro de 1966
NSSDC ID	1966-081A
Masa	3798,4 kg
	v; c; e;

Gemini 11 foi unha das misións tripuladas do programa Gemini. A tripulación da Gemini 11 estaba formada por Charles Conrad e Richard Gordon, sendo a tripulación de apoio Neil Armstrong e William Anders.^[2]^[6]

Desenvolvemento da misión

Gemini 11 foi a novena misión tripulada do programa Gemini. Foi lanzada o 12 de setembro de 1966 ás 14:42:26.546 UTC (9:42:26 EST) desde o Complexo 19 de Cabo Cañaveral e insertado nunha órbita inicial de 160,5 km de perixeo e 279,1 km de apoxeo. A cápsula Gemini atopouse co GATV 11 (Gemini Agena Target Vehicle 11) cinco manobras orbitais e 1 hora e 25 minutos máis tarde. O GATV 11 foi lanzado unha hora e media antes que a Gemini 11. O acoplamento entre as dúas naves completouse ás 11:16 EST, na primeira órbita, e consumindo menos propelente do planeado. Cada astronauta fixo un par de exercicios de acoplamento co GATV 11 para ás 2:14:14 EST deixar o conxunto de naves acopladas nunha órbita de 287 x 304 km mentres os astronautas durmían.^[2]

O día seguinte ás 9:44 EST (ás 24 horas e 2 minutos do inicio da misión) a cabina foi despresurizada e os zapóns abertos para o primeiro paseo espacial da misión, levado a cabo por Richard Gordon. A saída, con umbilical, durou 107 minutos, durante os cales recolleu o experimento de micrometeoritos e despregou unha corda de 30 metros entre o GATV e a Gemini 11. A caminata espacial foi máis dura do esperado, forzou o sistema de soporte vital do traxe de Gordon e deixou sen visión do ollo dereito ó astronauta debido ó esforzo. Conrad ordenou o regreso de Gordon á cabina, que se introduciu nela ás 10:12 EST, pechándose o zapón ás 10:17, represurizandoa. ÁS 11:19 os astronautas abriron de novo os zapóns para expulsar equipo que xa non ían usar.^[2]

Despois de durmir, os astronautas encenderon o motor do GATV durante 25 segundos, ás 2:12:41 EST do día 14 de setembro. Co encendido o apoxeo da órbita elveouse ata os 1374,1 km, establecendo un novo récord que só se batiría co voo do Apollo 8 cara a Lúa. Tras dúas órbitas usouse de novo o motor do GATV durante 22,5 segundos para devolver as naves a unha órbita de 287 x 304 km. Ás 7:49 EST Gordon levou a cabo unha nova caminata espacial, cunha duración de 2 horas e 8 minutos, durante a cal realizou diversos experimentos fotográficos. O astronauta regresou á cabina ás 9:57 EST e pouco despois a Gemini 11 separouse do GATV 11, aínda unidos pola corda que Gordon colocara no primeiro paseo espacial. Á distancia máxima de 30 metros que permitía a corda, Conrad manobrou para moverse arredor do GATV, iniciándose a rotación das dúas naves unidas pola corda e producindo unha lixeira "gravedade artificial" debido á forza centrífuga, sendo a primeira vez que se demostrou esta técnica no espazo. Ao principio da rotación producíronse oscilacións que se atenuaron aos 20 minutos. Ao acelerar a velocidade de rotación producíronse novas oscilacións, que de novo cesaron ata que o conxunto quedou estabilizado. Tras unhas tres horas de rotación, as naves separáronse.^[2]

Unha das células de combustible da Gemini 11 fallou ás 16:13 EST, co resto de células asumindo a carga extra sen problemas. Ás 4:22 do día 15 de setembro a Gemini 11 atracou de novo co GATV sen usar o radar, averiado previamente. Tras separarse por última vez, a Gemini 11, na súa revolución número 44 arredor da Terra, ás 8:24:03 EST do, encendeu os seus retrofoguetes para iniciar o regreso á superficie. A da Gemini 11 foi a primeira reentrada atmosferica dirixida de maneira totalmente automática dunha nave estadounidense. A cápsula amarou no Atlántico occidental a 24,25° N e 70,0° O, a 4,9 km do punto planeado e ás 8:59:35 EST. A tripulación foi recollida e levada ó portaavións U.S.S. Guam ás 9:23 e a cápsula foi recuperada ás 9:58. O tempo total transcorrido da misión foi de 71 horas, 17 minutos e 8 segundos.^[2]

Notas

↑ ^1,0 ^1,1 ^1,2 N2YO (2011). Real Time Satellite Tracking, ed. "GEMINI 11" (en inglés). Consultado o 12 de febreiro de 2013.
↑ ^2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 NASA (14 de maio de 2012). "Gemini 11" (en inglés). Consultado o 12 de febreiro de 2013.
↑ "Letter dated 21 December 1966 from the Permanent Representative of the United States of America addressed to the Secretary-General" (PDF). 21 de decembro de 1966. Consultado o 24 de marzo de 2020.
↑ Claude Lafleur (2010). "Gemini XI" (en inglés). Consultado o 12 de febreiro de 2013.
↑ Gunter Dirk Krebs (2011). Gunter's Space Page, ed. "Gemini 2, 3, 4, 5, 6, 7, 8, 9, 10, 11, 12" (en inglés). Consultado o 12 de febreiro de 2013.
↑ ^6,0 ^6,1 ^6,2 Mark Wade (2011). "Gemini 11" (en inglés). Consultado o 12 de febreiro de 2013.

Véxase tamén

Outros artigos

[n2yo-1] 1,0 ^1,1 ^1,2 N2YO (2011). Real Time Satellite Tracking, ed. "GEMINI 11" (en inglés). Consultado o 12 de febreiro de 2013.

[NSSDC-2] 2,00 ^2,01 ^2,02 ^2,03 ^2,04 ^2,05 ^2,06 ^2,07 ^2,08 ^2,09 NASA (14 de maio de 2012). "Gemini 11" (en inglés). Consultado o 12 de febreiro de 2013.

[UNOOSA-3] "Letter dated 21 December 1966 from the Permanent Representative of the United States of America addressed to the Secretary-General" (PDF). 21 de decembro de 1966. Consultado o 24 de marzo de 2020.

[claude-4] Claude Lafleur (2010). "Gemini XI" (en inglés). Consultado o 12 de febreiro de 2013.

[gunter-5] Gunter Dirk Krebs (2011). Gunter's Space Page, ed. "Gemini 2, 3, 4, 5, 6, 7, 8, 9, 10, 11, 12" (en inglés). Consultado o 12 de febreiro de 2013.

[astronautix-6] 6,0 ^6,1 ^6,2 Mark Wade (2011). "Gemini 11" (en inglés). Consultado o 12 de febreiro de 2013.

[1]

[2]

[3]

[4]

[5]

[6]