Georg Simon Ohm

Georg Ohm

Géorg Simon Ohm (16 Maret 1789 – 6 Juli 1854) nyaéta saurang fisikawan Jerman anu réa medar tiori widang éléktrisitas. Karyana anu paling kawentar téh nyaéta tiori ngeunaan hubungan antara aliran setrum, tegangan, jeung tahanan konduktor dina sirkuit, anu umumna disebut Hukum Ohm.

Géorg Ohm lahir ti pasangan Johann Wolfgang Ohm, saurang tukang konci, jeung Maria Elizabent Beck, saurang tukang jait. Sanajan bapana ngan saukur boga pakasaban jadi tukang konci, tapi anjeunna mampuh méré barudakna pangatikan anu luhur ngaliwatan ajarananan sorangan. Sabenerna, Géorg Ohm téh lahir minangka 7 urang duduluran, tapi ngan saukur tilu urang anu bisa tahan ngaliwatan mngsa budakna, nyaéta Georg Martin (matématikawan kawentar]], jeung Elizabeth Barbara. Dina taun 1805, Ohm asup ka universitas Erlngen tapi kaluar dina semester tilu jeung tuluy indit pikeun ngajar matématika di sakola Gottstadt bei Nydaud, Swiss. Géorg Ohm ninggalkeun éta sakola dina bulan Maret 1809 pikeun jadi guru privat di Neuchâtel. Alatan peupeujeuh ti Karl Christian von Langsdorf, anjeunna nuluykeun deui studi dina widang matématika. Dina bulan April 1811 anjeunna balik deui ka Universitas Erlangen.

Dina dua makalahna taun 1836, Ohm méré déskripsi matématis ngeunaan konduksi modél sirkuit tina hasil panalungtikan Fourier ngeunaan konduksi panas. Éta makalah téh nuluykeun hasil déduksi Ohm tina bukti percobaan kadua kalina, anjeunna mampuh ngajukeun hokum anu mangrupa wincikan jalan pikeun ngajelaskeun hasil tina pagawéan séjénna ngeunaan éléktrisitas galvanic.

Sumber

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.