George Montagu
  | |
| Biografía | |
|---|---|
| Nacemento | 1753 Wiltshire, Reino Unido |
| Morte | 20 de xuño de 1815 (61/62 anos) Kingsbridge, Reino Unido (pt)  |
| Causa da morte | Tétano |
| Actividade | |
| Campo de traballo | Historia natural, ciencias naturais, Ornitoloxía e servizo militar |
| Ocupación | naturalista, zoólogo, ornitólogo, soldado |
| Membro de | |
| Carreira militar | |
| Rango militar | tenente coronel |
| Obra | |
Obras destacables | |
| Abreviatura do autor en zooloxía | Montagu |
| Familia | |
| Cónxuxe | Anne Courtenay (1773–) |
| Parella | Elizabeth Dorville |
| Fillos | George Conway Courtenay Montagu (  ) Anne CourtenayLouisa Crawford ( ) Anne Courtenay |
| Pais | James Montagu e Elizabeth Hedges |
| Descrito pola fonte | Dictionary of National Biography Dicionario Enciclopédico Brockhaus e Efron |
 | |
George Montagu, nado en 1753 en Lackham House, Wiltshire, (Hampshire, Inglaterra) e finado o 20 de xuño de 1815 en Kingsbridge, Devon, foi un naturalista inglés.
Traxectoria
[editar | editar a fonte]Montagu é coñecido sobre todo pola súa obra Ornithological Dictionary (1802), que contribuíu de forma significativa ao coñecemento das aves do Reino Unido. Montagu mostrou que moitas das especies que se supoñían diferentes eran en realidade a mesma ave pero coas plumaxes de verán e inverno, ou ben machos e femias da mesma especie.
O seu estudo das especies do xénero Circus levouno ao descubrimento de que Circus pygargus, coñecido como Montagu's Harrier en inglés, criaba no sur de Inglaterra. Montagu tamén estivo implicado nos primeiros rexistros de certas aves no Reino Unido (como por exemplo, Larus minutus, Emberiza cirlus, Bubulcus ibis e Gelochelion nilotica.
En 1798 Montagu deixou á súa muller instalándose en Knowle House, cerca de Kingsbridge, en Devon. Foi alí onde escribiu os dous volumes de Ornithogical Dictionary; or Alphabetical Synopsis of British Birds.
Montagu estivo tamén interesado na bioloxía mariña e fluvial e, en 1803, publicou Testacea Britannica, a History of British Marine, Land and Freshwater Shells. Nesta obra describe 470 especies de moluscos, 100 das cales eran novas para Gran Bretaña.
Montagu describiu algunhas especies novas de crustáceos para William Elford Leach, do Museo Británico, e foi o primeiro en informar sobre a presenza de varias especies de peixes das que no se tiña constancia en augas inglesas, así como do descubrimento de novas especias como Coryphoblennius galerita. Tamén foi o primeiro en describir o morcego pequeno de ferradura Rhinolophus hipposideros.
Montagu morreu de tétano despois de pisar un cravo oxidado en Knowle House.
A colección de aves de Montagu foi comprada polo Museo Británico, e unhas 200 delas se encontran na actualidade no Tring Museum. As súas copias con anotacións do Dictionary, Testacea foron legadas á Sociedade linneana de Londres.
Abreviatura
[editar | editar a fonte]A abreviatura Montagu emprégase para recoñecer a George Montagu como autoridade na descrición e nomenclatura en zooloxía.
Véxase tamén
[editar | editar a fonte]Bibliografía
[editar | editar a fonte]- Mearns, Barbara & Mearns, Richard (1988): Biographies for Birdwatchers. Academic Press. ISBN 0-12-487422-3
- Moss, Stephen (2004): A Bird in the Bush: A Social History of Birdwatching. Aurum. ISBN 1-84513-085-5
