George Wells Beadle

George Wells Beadle (* 22. Oktober 1903 in Wahoo, Nebraska; † 9. Juni 1989 in Pomona, Kalifornien) weer en US-amerikaansch Bioloog, de sück vörrangig mit Genetik befaat hett.

He kreeg 1950 den Albert Lasker Award for Basic Medical Research un 1958 gemeensam mit Edward Lawrie Tatum en half Nobelpries för Physiologie oder Medizin. Grund för disse Utteken weer hör Opdecken, dat Gene biochemisch Vörgänge binnerhalb vun Zellen reguleeren. De tweet Hälft vun den Nobelpries 1958 gung an Joshua Lederberg.

Beadle un Tatum hemm in hör wetenschaplich Ünnersöken den Brotschimmel Neurospora crassa Röntgenbestrahlungen utsett un hebbt dordör Mutatschonen hervörropen. In en Reeg vun Experimenten kunnen se wiesen, dat dör disse Mutaschonen Veränderungen vun spezifisch Enzyme hervörropen wurrn. Disse Experimente hemm hör to de These führt, dat en direk Tosommenhang tüschen Genen un enzymatischen Reaktschonen vörliggt. Disse Hypothese wwurrd ok as Een-Gen-een-Enzym-Hypothese betekent.

Beadle kreeg 1928 vun de University of Nebraska sien Bachelor of Science. Sien Doktertitel hett 1931 an de Cornell University maakt. 1933 hett he mit den Nobelpriesdräger Thomas Hunt Morgan an dat California Institute of Technology (Caltech) tosommenarbeit. As Perfesser weer he sowohl an de Harvard University as ok an de Stanford University tätig. De University of Chicago hett he as Präsident van 1961 bit 1968 leit. 1946 weer Beadle Präsident vun de Genetics Society of America.

Beadle weer tweemal verheiraadt. Mit sien eerst Fru harr he en Söhn, sien tweet Fru weer de Schrieversche Muriel McClure (1915-1994). To sien hobbies hörrn Bargstiegen, Skifohren un Gordenarbeiten.

Warken

• George Wells Beadle und Muriel Barnett Beadle: The Language of Life. An Introduction to the Science of Genetics. Doubleday, New York 1966.
  • dt.: Die Sprache des Lebens. Eine Einführung in die Genetik. Übersetzt von Hermann Becht. S. Fischer, Frankfurt am Main 1969 (= Conditio humana).

Weblenken

• George Wells Beadle up de Sieden vun den Nobelpries (engelsch)
• Norman Horowitz: George Wells Beadle 1903-1989. A Biographical Memoir (mit Foto un Bibliographie; PDF; 1,3 MB) up de Websteed vun National Academy of Sciences (engelsch)
• DNB-Katalog