Gioachino Rossini

Ing "Rossini" lilipat ya keni. Para keng aliwang gamit, lawen ye ing Rossini (disambiguation).

I Gioachino Antonio Rossini'^[1] (Italian pronunciation: [dʒoaˈkiːno anˈtɔːnjo rosˈsiːni] (Giovacchino Antonio Rossini king baptismal certificate)^[2] (29 Febrero 1792 – 13 Noviembre 1868) metung yang kompositor a Italianung sinulat atllung pulu't syam (39) a opera as ampong banal a musika, chamber music, kanta, ampong pyesang para kareng instrumentu ampong pianu. Kayabe la kareng kayang pekakilalang opera ding komediang Italianung Il barbiere di Siviglia (Ing Barberu ning Sevilla) ampo ing La Cenerentola ampo reng epiku king amanung Pranses, deng Moïse et Pharaon ampong Guillaume Tell (William Tell). Kapansin-pansin ing kayang kaburyan kareng lawiwi o tonu (melodies) a balamu kanta king kabilugan da reng kayang score, a penibatan ning palayong "Ing Italianung Mozart." ("The Italian Mozart."). Anggang migretiru ya anyang 1829, i Rossini ing pekasikat a kompositor da reng opera king kabilugan ning amlat o kasalesayan (the most popular opera composer in history).^[3]

Notes

Kareng kayang komposisyun, e mikakunung mangopya kareng sarili nang obra i Rossini, metung a bageng maralas dang gagawan deng kompositor anyang panaun a itang masisipit kareng deadline. Ditak la mu kareng kayang operang alang samut a anti kanita, a mibibili kapamilatan da reng aria o overture. Alimbawa, king Il Barbiere ating aria para king Konde (a maralas e ra pálage) "Cessa di più resistere", a ginamit nang Rossini (a inalilan nang bagya) king cantatang Le Nozze di Teti e di Peleo ampo king La Cenerentola (ing cabaletta para king rondo nang Angelina rondo alus e miyalilan). Bukud kaniti, deng apat kareng pekakilala nang overture, (La cambiale di matrimonio, Tancredi, La Cenerentola ampong The Barber of Seville), maki kapareu lang opera bukud karetang pekakilalang makaugne kareti.

Ing metung a hilig nang gawan Rossini king orchestral scoring, ing makaba ampong bagya-bagyang pamanikdu o pamangimut ning katni (sound) king metung a pigurang ostinato figure, a maglalang bagyu kareng tasang magumpisa king sitsti at mumukiat king bagyung sasabeung ampong kikislap ("tempests in teapots by beginning in a whisper and rising to a flashing, glittering storm,")^[4] which earned him the nickname of "Signor Crescendo".

Mindatila/menatili lang sikat king mabilug nang bieng Rossini deng mapilan kareng opera, at taglus-taglus la kasikatan manibat kanita; deng aliwa, mitikdo la manibat king e pamikilala anyang tauli nang dake ning kadwang pulung dilanua o siglu, ketang ausan dang "bel canto revival."

Agpang king talambye nang Herbert Weinstock a misulat anyang 1968 biography (lon ya king lalam), maki alaga yang 2.5 milyung francs ing kayang pibandyan kamate na anyang 1868, a katumbas ning 1.4 milyung US dollars. Bukud kareng indibidwal a pamana para king asawa na ampong kamaganak,^[5] Pepamana ne murin ing kabilugan ning kayang pibandyan king Commune ning Pesaro.^[6] Mibili ya o me-invest ing pamana bayang mitátag ing metung a Liceo Musicale (Conservatory) king balen. Anyang 1940, nung kapilan mibili king lalam ning kapamahalan ing Liceo at megi yang Conservatorio Statale di Musica "Gioachino Rossini", ing aguman nung nu miyalis ing pamana nang Rossini, kinwa ne ing lagyung Fondazione G. Rossini. Aktibu la pa muring papalyari deng parasan na o kapakayan ning institusyon, a saupan la reng gagawan Conservatorio at manimuna king pamanigaral ampong pamikalat ning pangatau ampong obra nang Rossini. Manibat king pamagmula na niti, mekiugnayan ya ing institusyon king Rossini Opera Festival.^[7]

Mamye ya murin pondu ing pamana nang Rossini king Prix Rossini, metung a galal o premyu para kareng kayanakan a kompositor ampong susulat libretto o librettist. Mipalyari ya ining probisyon anyang 1878 kamate ning kayang byuda, at bibye ne ining galal ning Académie des Beaux-Arts. Migpalage ya kareng sinambut a obra ing Société des Concerts, Institut de France, manibat 1885 anggang 1911.^[8]

Obra

Pun bulungs: List of compositions by Gioachino Rossini and List of operas by Rossini

Dalerayan

Notes

↑ "Andyang "Gioacchino" ing karaniwang pamisulat ning lagyu, "Gioachino" ing gagamitan nang Rossini mismu, at ini na ing tatanggapan a pamisulat ning kayang mumunang lagyu" – Richard Osborne: Rossini (The Master Musicians series), London: Dent, 1986, p. xv. The New Grove Dictionary of Opera (1992), edited by Stanley Sadie, vol 4, pp. 56–67 and elsewhere, Baker's Biographical Dictionary of Musicians ampo reng most Rossini scholar (kayabe ya ing Fondazione G. Rossini [1] at ing Center for Italian Opera Studies king University of Chicago [2] Archived Setyembri 24, 2013 at the Wayback Machine) gagamitan ne ing "Gioachino".
↑ Lon ya ing Italian Wikipedia
↑ Fisher, Burton D. The Barber of Seville (Opera Classics Library Series). Grand Rapids: Opera Journeys, 2005.
↑ Faddis, H., 2003, Program Notes for the Overture to La scala di seta, Cape Anne Symphony Archived Juliu 25, 2011 at the Wayback Machine (accessed 2 May 2007); See also Rossini Overtures, Liner Notes, Chandos (Chan 9753)
↑ Dininan ne muring pangkabangbyeng banwa-banwang alaga bukud kareng matwa nang imalan ing kayang waiter, i Antonio Scanavini
↑ cf. Template:It Testamentu nang Rossini king CRT Pesaro Urbino
↑ Template:It Fondazione Rossini – Storia
↑ Holoman, D. Kern (2004). The Societ́e ́des concerts du conservatoire, 1828-1967.

Ining artikulu atin yang dakeng mekopia king Encyclopædia Britannica Eleventh Edition, metung a kasulatan a makapaintulut na king malda.

Sources

Fisher, Burton D., The Barber of Seville (Opera Classics Library Series). Grand Rapids: Opera Journeys, 2005.
Gossett, Philip, "Rossini, Gioachino" in Grove Music Online (Oxford Music Online, November 17, 2009)
Osborne, Richard, Rossini: His Life and Works (Oxford: Oxford University Press, 2007)
Osborne, Richard, "Rossini" in The Musical Times, Vol. 127, No. 1726 (December 1986), 691 (Musical Times Publications Ltd.) http://www.jstor.org/stable/964669
Steen, Michael, The Lives and Times of the Great Composers (NY: Oxford University Press, 2004)
Weinstock, Herbert, Rossini: A Biography (New York, 1968)