Golden Globe
|
C'l artìcul chè 'l è scrit in
Miranduléś |
Al Golden Globe (Golden Globe Award) 'l è 'n prèmi cinematugràfic e televiśìṿ americàṅ ch'a s tîṅ tut i an da 'l 1944 a 'l dè 'd incō, da Śnar a Favràr. La giurìa ch'la dà i prèmi l'è fata da nuànta giurnalìsta a 'l incìrca dla stampa furastéra iscrìt a la Hollywood Foreign Press Association.
La serimògna l'è traśmìsa da Los Angeles da 'l canàł NBC. Fra gl'artìsta ch'i èṅ stâ premiâ più vòlti a 'rcurdém la Meryl Streep (sèt vòlti) e Jack Nicholson (siē vòlti).
Esénd ch'i Golden Globe i vìnan cunsgnâ dū méś prima rispèt a i Prèmi Òscar, in na quàlc manéra cal prèmi chè 'l è cunsiderâ na sò antisipasiòṅ.