Gore Vidal

Gore Vidal
Persona informo
Gore Vidal
Naskiĝo	3-an de oktobro 1925 (1925-10-03) en Uesta Punkto
Morto	31-an de julio 2012 (2012-07-31) (86-jaraĝa) en Holivudaj Montetoj
Mortis pro	Naturaj kialoj vd
Mortis per	Pneŭmonito vd
Tombo	Rock Creek Cemetery (en) vd
Religio	ateismo vd
Lingvoj	angla vd
Ŝtataneco	Usono vd
Alma mater	Lernejo Phillips Exeter Sidwell Friends School (en) St. Albans School (en) vd
Partio	Demokrata Partio vd
Familio
Patro	Eugene Luther Vidal (en) vd
Patrino	Nina S. Gore (en) vd
Edz(in)o	Howard Austen (en) vd
Amkunulo	Howard Austen (en) (1950–2003) vd
Profesio
Alia nomo	Edgar Box vd
Okupo	dramaturgo sciencfikcia verkisto verkisto de nefikcio politikisto prozisto ĵurnalisto publikigisto literaturkritikisto eseisto aktoro verkisto scenaristo romanisto aŭtoro vd
Aktiva dum	1946– vd
Verkado
Verkoj	Myra Breckinridge vd
Honorigoj Honorigoj (2009)  Nacia Libra Premio (1993)  Nacia Libra Premio (1955)  Premio Edgar  Kavaliro de la Artoj kaj la Leteroj  National Book Critics Circle Award in Criticism (en) vd
Membrecoj Membrecoj Usona Akademio de Artoj kaj Beletro Writers Guild of America, West (en) vd
vd	Fonto: Vikidatumoj

Gore VIDAL (naskiĝis la 3-an de oktobro 1925 kiel Eugene Luther Vidal jr. en West Point — mortis la 31-an de julio 2012 en Losanĝeleso) estis usona verkisto, aktoro kaj politikisto.

Gore Vidal. Fotografita de Carl Van Vechten, 1948.

Gore Vidal venas el politikista familio kaj estas fora parenco de Al Gore, la iama vic-prezidanto de Usono.

Vivo

Gore Vidal studis en 1940–1943 en la Philips Exeter Academy. Li estis apoganto de America First Committee, porizola movado de 1940/41 kaj kiu provis obstakli partoprenon de Usono en la dua mondmilito. Li do servis en la usona armeo en administra tereno.

Li laboris ekde 1945 kiel unua matroso sur transporta ŝipo. Sur tiuj spertoj baziĝis lia debuta romano, la Williwaw (1946), kiu estis tiel sukcesa, ke Gore en 1947/48 veturis en Gvatemalon kaj en Eŭropon. Li ŝanĝis en 1950 al Novjorko kaj ekverkis scenlibrojn kiel ekz. por la filmo Ben Hur. Li ankaŭ verkis por Broadway (Visit to a Small Planet estis 400-foje prezentita).

Li kandidatiĝis en 1960 per la slogano „You'll get more with Gore“ („Gore proponas pli“) sensukcesa al Domo de reprezentantoj de Usono. En 1970 li estis kunfondinto kaj prezidanto de la maldekstra liberala People's Party. Li same partoprenis kandidatiĝon en 1982 por la usona senato, sed same sensukcese.

Lia politika kredo estas, ke Usono estas polica ŝtato, en kiu la Respublikana Partio kaj la Demokrata Partio agadas por interesoj de la grandaj konzernoj, dum la telekomunikiloj estas nuraj propagandiloj. Tie Vidal en 2003/04 elparolis dum manifestacioj kontraŭ la Iraka milito.

Gore Vidal apartenis al tiuj 5 personoj, kiujn akceptis Timothy McVeigh (amasmurdisto) kiel okulatestantojn por sia ekzekuto.

Gore Vidal vivas ekde 2004 en Los Angeles, post kiam li pasis tempon en Italio, kun sia amatino.

Citaĵoj de Gore Vidal

• „Ekde kiam Usono ekzistas, ĉio okazis por tio, ke ĝi dominu aliajn ŝtatojn. Ni igis ilin ekonomie dependaj. Ni donas la tonon militariste. Kaj ni efektivigas nian politikon, danke al CIA kaj FBI, sur iliaj teritorioj.“

• „Usono havas unupartian sistemon kun du dekstraj partioj.“

• „Post Pearl Harbor atakis nin neniu alia lando. Ni ĉiam batis al aliaj landoj kie unuaj. Kaj ni havis ĉiam pretan pardonpeton. Tiuj landoj kaŝigis aŭ sendis al ni teroristojn, volis forlasi la Liberan Mondon kaj iĝis komunistaj. Per similaj argumentoj bombardis aspirinan fabrikon en Sudano Clinton.“ – Gore Vidal en intervjuo post la teroratako de la 11-a de septembro 2001 en Usono.