Great Balls of Fire

Great Balls of Fire Singel av Jerry Lee Lewis
B-side	«You Win Again»
Språk	engelsk
Utgjeve	11. november 1957
Innspelt	8. oktober 1957, Sun Studio i Memphis i Tennessee
Sjanger	Rock'n'Roll, rockabilly, country
Lengd	1:52
Selskap	Sun #281
Komponist	Otis Blackwell, Jack Hammer
Tekstforfattar	Otis Blackwell, Jack Hammer
Låtskrivar(ar)	Otis Blackwell, Jack Hammer
Produsent	Sam Phillips
Jerry Lee Lewis-kronologi
«Whole Lotta Shakin' Goin' On» (1957)	Great Balls of Fire	«You Win Again» (1957)

«Great Balls of Fire» er ein song av Otis Blackwell og Jack Hammer frå 1957. Songen er mest kjend i Jerry Lee Lewis si utgåve frå 1957. Han vart spelt inn i Sun Studio i Memphis i Tennessee den 8. oktober 1957 og vart gjeven ut på singel på Sun i november 1957. Han nådde andreplassen på Billboard-lista, 3. plass på R&B-lista og toppen av countrylista. Han nådde òg toppen av salslistene i andre land, som Storbritannia. Songen er av Rolling Stone rangert på 96. plass av dei 500 største songane gjennom tidene.. Songen selde ein million eksemplar dei første ti dagane etter han kom ut i USA og selde til slutt over fem millionar eksemplar der, noko som gjer han til ein av dei bestseljande singlane nokon gong i USA.

Songen kjem frå eit amerikansk uttrykk, som enkelte kristne rekna som blasfemisk, og som referer til då Den heilage ande synte seg som eldtunger for dei tolv apostlane. I Tatt av Vinden frå 1939 uttaler Scarlett O'Hara (spelt av Vivien Leigh) fleire gonger «Great balls of fire!»

Salslister

Liste (1957–1958)	Plassering
Nederland (Nederlandsk Topp 40)	30
New Zealand (RIANZ)	8
UK Singles Chart (The Official Charts Company)	1
U.S. Billboard Hot Country Singles	1
U.S. Billboard Hot 100	2

Andre innspelingar

• The Crickets gav ut ein versjon av songen i 1960 på albumet In Style With The Crickets.
• Ein versjon av Billy J. Kramer and the Dakotas kom ut på albumet Little Children i 1964.
• The Kingsmen gav ut sin versjon i 1964 på albumet The Kingsmen Volume II.
• Tiny Tim spelte inn ein versjon som B-sida til «Tiptoe Through the Tulips» i 1968.
• The Newbeats gav ut ein versjon som B-sida til singelen «Thou Shalt Not Steal» i 1969.
• The Hassles (med den då ukjende Billy Joel) gav ut songen på singel i 1969.
• Gary Lewis and the Playboys gav ut ein versjon i 1970 som B-sida til songen «I'm On The Right Road Now.»
• Aerosmith framførte songen på ein konsert 6. november 1970.
• New Grass Revival spelte inn ein bluegrassversjon av songen i 1972 på albumet The Arrival of the New Grass Revival.
• Electric Light Orchestra spelte inn ein versjon av songen i 1974 på konsertalbumet The Night the Light Went On in Long Beach.
• Dolly Parton spelte inn ein versjon i 1979 og han vart tittellsporet på albumet hennar Great Ball of Fire. Songen vart ein liten hit hausten 1979.
• Amii Stewart spelte ein versjon i 1981 på albumet Images.
• Alvin and the Chipmunks spelte in ein versjon for «The Amazing Chipmunks,» ein episode av TV-serien deira.
• OV7 spelte ein spansk versjon kalla «Grandes luces de fuego» i 1989.
• Fleetwood Mac gav ut songen i 1999 på konsertalbumet Shrine '69, som vart spelt inn i Shrine Auditorium i 1969
• The Misfits spelte ein versjon i 2003 på albumet Project 1950.
• Teitur spelte inn ein versjon i 2006 på albumet Stay Under the Stars.
• Den franske songaren Dorothée spelte inn ein duett med Jerry Lee Lewis i 1992 og denne kom ut på albumet Une histoire d'amour.
• Offenbach inkluderte songen på ein konsert-DVD av albumet Ultime (2007).
• Dean Delannoit spelte inn songen for debutalbumet (2007).
• Alan Merrill spelte inn ein versjon på Double Shot Rocks i 2003.
• Det amerikanske doo-wop-bandet The Flamingos spelte inn ein versjon på albumet Unspoken Emotions.
• Johnny Winter spelte inn ein versjon på albumet Johnny Winter And.... Live.
• Seamus, ein sjørøvar i animasjonsserien «Family Guy», framførte songen på eit kyrkjeorgel i episoden «Boys Do Cry» (sesong 5).
• Ein versjon av songen var kjenningsmelodi for animasjonsserien Madballs.
• Mae West spelte inn ein versjon på albumet med same namn, Great Balls of Fire.
• The Jolly Boys spelte songen i ein reklamefilm for Old Jamaica Ginger Beer i 2010 og denne finst på albumet deira Great Expectation.
• Ronnie Dio & the Prophets spelte inn songen for albumet Live at Domino's den 24. februar 1963.
• Garth Brooks i 2013 på albumet Blame It All on My Roots: Five Decades of Influences.
• Take That framførte songen live med Gary Barlow på solovokal under Everything Changes Tour (1993–1994).

Kjelder

• Denne artikkelen bygger på «Great Balls of Fire» frå Wikipedia på engelsk, den 23. september 2008.
  • Wikipedia på engelsk oppgav desse kjeldene:

97:  «Roll Over Beethoven»  Chuck Berry

Plassering på lista til Rolling Stone frå 2010 over dei 500 beste songane gjennom tidene 96 «Great Balls of Fire»  Jerry Lee Lewis

95:  «Blue Suede Shoes»  Carl Perkins