Grecia

Republica Helenica Ελληνική Δημοκρατία Elinikí Dimokratía
(En detalle) (En detalle)
Lema nacional: Eleftheria i thanatos (griego; Libertat u Muerte)
Himno nacional: Imnos pros tin Eleftherian
Situación de Grecia
Capital  • Población	Atenas 664.046
Mayor ciudat	Atenas
Idiomas oficials	griego
Forma de gubierno President Primer ministro	Republica parlamentaria Katerina Sakellaropoulou Kyriakos Mitsotakis
Independencia Declarata Reconoixita	de l'Imperio Otomán 25 de marzo de 1821 1829
Superficie  • Total  • % augua Mugas	Posición 94º 131.957 km² 0,86% 1.935
Población  • Total (2020)  • Densidat	Posición 74º 10.718.565 81,22 hab/km²
PIB (PPA)  • Total (2019)  • PIB per capita	Posición 27º EUR€300.333.000.000 EUR€28.004
Moneda	Euro (€)
Chentilicio	Griego/a u heleno/a
Zona horaria  • en Verano	UTC UTC+2
Dominio d'Internet	.gr
Codigo telefonico	+30
Prefixo radiofonico	SVA-SZZ / J4A-J4Z
Codigo ISO	300 / GRC / GR
Miembro de: UE, OTAN, ONU, OCDE, OSCE

Grecia (oficialment Republica Helenica) ye un país d'o sud-este d'Europa que fa parte d'a Unión Europea (UE).

Situato en a parti sud d'a Peninsula Balcanica, muga por tierra con Bulgaria, Macedonya d'o Norte, y Albania a lo norte, a l'este con Turquía y con auguas en a Mar Echea y a l'este y sud en a Chonica y Mediterrania.

A suya población ye de 10.815.197 habitants en una superficie de 131.957 km², con una densidat de población de 81,96 hab/km² (2011). Amás important ciudat de Grecia ye a suya capital, Atenas (encluindo o puerto d'o Pireu), encara que bi ha atras ciudaz importants, como Tesalonica, Patras, Irákleio u Larisa.

A capital d'o país ye a ciudat d'Atenas; o suyo president ye Karolos Papoulias y o suyo primer ministro ye Lukás Papadimos. Grecia declaró a suya independencia (d'antis mas yera territorio de l'Imperio Otomán) o 25 de marzo de 1831, independencia que fue reconoixita o 3 de febrero de 1830.

O país fa parte de cuantas organizacions internacionals, como a Unión Europea, a OTAN, a Organización d'as Nacions Unidas, a OCDE u a OSCE.

Cheografía

Bista d'o Mont Olimpo.

O país ye formato por una ampla aria continental situata a lo sud d'os Balcans; a peninsula d'o Peloponeso, deseparata d'o continent por a canal de l'istmo de Corinto; y un buen numero d'islas, que incluyen, entre d'atras, Creta, Rodas, Eubea, Lesbos, Quios, Tassos, Samotracia, Lemnos y os archipelagos d'o Dodecaneso, as Cicladas y as Esporadas, totas situatas en a mar Echea, y Corfú, Leucada, Cefalonia y Zante en a mar Chonica. Grecia tien mas de 14.880 km de costa y nomás 1.160 km de mugas terrestres, con una superficie total de 131.940 km² y una población de 10.665.989 habitants (2004).

Un 80% de Grecia ye montanyoso. A mayor parti d'o país ye xuto y rocoso, por lo que nomás un 28% d'o terreno ye cautivable. En a Grecia occidental bi ha lacos y paúls. O Pindo, a sierra central, tien una altaria meyana de 2.650 m. O mont Olimpo ye o punto mas alto de Grecia, con 2.911 m sobre a livel d'a mar.

Clima

Lo clima de Grecia ye en a mayor parti mediterranio con hibiernos templaus y humidos y veranos calidos y ixucaus. Iste clima predomina en totas as rechions costeras, incluyindo Atenas, as Cicladas, o Dodecaneso, Creta, o Peloponiso, as islas Chonicas y partis d'a rechión de Grecia Central. A cordelera d'o Pindo afecta enormement o clima d'o país, pus as comarcas a l'ueste d'as montanyas son considerablement mas humidas que la resta, a resultas d'a mayor exposición a los sistemas suroccidentales que trayen con él mas humedat, mientres que as redoladas orientals sufren de l'efecto d'a uembra orografica.

As comarcas montanyosas d'o nordueste griego —partes d'Epiro, Grecia Central, Tesalia, Macedonya Occidental— asinas como os monts d'as partis centrals d'o Peloponiso —incluidas cualques arias d'Acaya, Arcadia y Laconia— tienen un clima alpino con nevazos intensos. L'interior d'as rechions d'o norte, como Macedonya Occidental y Macedonya Oriental y Tracia, tienen un clima templau con veranos calidos y ixucaus y hibiernos fredos y humidos con tronadas electricas frecuents. Os nevazos ocurren toz os anyos en o norte y en as redoladas montanyosas, mesmo os nevazos chicoz se pueden presentar en rechions mas a lo sud y con menos altitut, como Atenas.

Historia

O Partenón d'Atenas.

25 de marzo de 1821: Germanos de Patras, besando a bandera de Grecia en Agia Lavra. Theodoros Vryzakis, 1865.

Expansión territorial de Grecia entre 1830 y 1947.

Grecia estió a primera aria d'Europa a on emerche a primera civilización. A primera apareixió en a isla de Creta, a civilización minoica, y dimpués en a Grecia continental, a civilización micenica. Dimpués, as ciudaz-estato emerchen por tota la peninsula griega y s'estendillan a traviés d'as costas d'a Mar Negra, o sud d'Italia y Asia la Chica gosando tener grans nivels de prosperidat que resultoron en un gran desarrollo cultural, esprisato en l'arquitectura, a literatura, a ciencia y a filosofía, y que leboron a Atenas a un ambient democratico. Atenas y Esparta encapezoron a luita contra l'Imperio Persa en as Guerras Medicas refusando-lo. As dos ciudaz s'enfrontinoron tamién entre ellas en a Guerra d'o Peloponeso. Mas entabant as dos fuoron eclixatas por Tebas y dimpués por o Reino de Macedonya, que, baixo lo mando d'Aleixandre lo Gran unió y encapezó o mundo griego enta la victoria sobre os persas, establindo lo periodo helenistico que dominó lo mundo civilizato conoixito mientres cuasi dos sieglos, dica que os romanos s'establioron como dominadors de totas as tierras de parla griega arredol de l'anyo 146 aC.

A posterior mezcla d'as culturas romana y helenica se sintetizoron en establir-se l'Imperio Bizantín en l'anyo 330 dC arredol d'a ciutat de Costantinoble (l'antiga Bizancio griega), a cuala tenió la mayor parti d'o poder cultural y militar mientres os siguients 1.123 anyos, dica la suya cayita a mans d'os turcos otomans en 1453. Mientres os siguients anyos Grecia remanió en a subchección otomana, y muitos intelectuals griegos emigraron a la Europa Occidental portiando con ellos a cultura de l'Antiga Grecia y fendo parti important d'o dito Renaiximiento europeu. De forma paralela, os griegos ortodoxos s'unioron a traviés d'a relichión, desarrollado mas tardi un papel fundamental en a formación d'a moderna identidat griega.

Dimpués d'o trunfo en a Guerra d'Independencia griega sobre l'Imperio Otomán entre 1821 y 1829, o nuevo estato griego estió a la fin reconoixito en o Protocolo de Londres. En 1827, Ioannis Kapodistrias, un noble griego d'as Islas Chonicas, fue esleito primer gubernador d'a nueva Republica. Con tot y con ixo, dimpués d'o suyo asasinato s'instauró a monarquía con o rei Otón I de Grecia, d'a dinastía Wittelsbach d'orichen bavaro. En 1843, o rei fue aforzato a guaranciar a constitución y una asamblea representativa. Pero por a suya vocación autoritaria, fue destronato en 1863 y reemplazato por o prencipe Vilhelm de Dinamarca, qui adoptó lo nombre de Chorche I de Grecia y encluyo con el a lo territorio as Islas Chonicas, regalo de coronación d'o Reino Uniu.

Como resultato d'as Guerras Balcanicas, Grecia consiguió incrementar o suyo territorio y población, ocupando territorios que no yeran de mayoría griega ya en a Primera Guerra Balcanica y forachitando dimpués muitos macedonyos eslaus u bulgaros. Os siguients anyos, a luita entre Constantín I de Grecia y o primer ministro Eleftherios Venizelos sobre a política forana en viespras d'a I Guerra Mundial dominó a escena politica griega, y dividió lo país en dos grupos oposatos.

Dimpués d'a I Guerra Mundial se produció a luita que enfrontinó a Grecia con os nacionalistas turcos lideratos por Mustafa Kemal, una guerra que prevocó un intercambio important de población entre os dos países dimpués d'o Tratato de Lausana. A inestabilidat y os succesivos golpes d'estato marcoron a siguient era, que fue eclixata por a faina d'encorporar mas d'un millón y meyo de refuchiatos griegos d'Asia Menor a la sociedat griega. O 28 d'octubre de 1940 a Italia faixista demandó a rendición de Grecia, pero lo dictador griego Ioannis Metaxas se i oposó y prevocó a consiguient Guerra griego-Italiana, a on que Grecia forachitará a las fuerzas italianas a Albania, dando a los Aliaus a primera victoria sobre as Potencias de l'Eixe. Posteriorment habió d'enfrontinar-se a las fuerza alemanas mientres a Batalla de Grecia.

Dimpués d'a liberación, Grecia caye en a guerra civil entre as fuerzas monarquicas y as comunistas, que provocó una grieu crisis economica y grieus tensions socials entre as dreitas y as ezquierdas os siguients 30 anyos. Os siguients 20 anyos se caracterizoron por a marguinación d'a chent d'ezquierdas aintro d'a esfera politica y social gricas, pero con un considerable creiximiento economico, gracias en parti a lo Plan Marshall.

En 1965 prencipia un periodo de turbulencia política que levó a lo golpe d'estato lo 21 d'abril de 1967 d'o Rechimen d'os Coronels, con o refirme d'os Estaus Unius. En noviembre de 1973 un debantamiento en a Universidat Politecnica d'Atenas prevocó un golpe contrario que instaló a Dimitrios Ioannidis como dictador. O 20 de chulio de 1974, con a invasión turca d'a isla de Chipre o rechimen griego caye.

L'antigo primer ministro Konstantinos Karamanlis retornó de París a on que heba vivito dende o suyo exilio en 1963, prencipia la era dita Metapolitefsi. O 14 d'agosto de 1974 as fuerzas griegas albandonoron a estructura militar d'a OTAN en protesta por a ocupación turca d'o norte de Chipre. En 1975 s'instauró a constitución d'a republica democratica y s'abolió a monarquía por referendum. Andreas Papandreou fundó lo Movimiento Socialista Panhelenico (PASOK), en respuesta a lo partiu Nueva Democracia de Konstantinos Karamanlis, combertindo-sen en as dos fuerzas politicas dominants en a politica griega mientres as decadas siguients. Grecia tornó a la OTAN en 1980.

Grecia se convirtió en o deceno miembro d'a Unión Europea l'1 de chinero de 1981, experimentando dende allora un notable creiximiento economico. O país adoptó l'Euro en 2001 y organizó los Chuegos Olimpicos de verano de 2004 en Atenas.

Organización politico-administrativa

Periferias

Ta más detalles, veyer l'articlo Periferias de Greciaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Grecia se trestalla administrativament dende 2011 en trece periferias y un estau autonomo:

Mapa	Numero	Periferia	Capital	Aria (km2)	Población
	1	Atica	Atenas	3,808.10	3,828,434
	2	Grecia Central	Lamía	15,549.31	547,390
	3	Macedonya Central	Tesalonica	18,810.52	1,882,108
	4	Creta	Irákleio	8,259	623,065
	5	Macedonya Oriental y Tracia	Komotiní	14,157.76	608,182
	6	Epiro	Ioánina	9,203.22	336,856
	7	Islas Chonicas	Corfú	2,306.94	207,855
	8	Echea Septentrional	Mitilene	3,835.91	199,231
	9	Peloponiso	Trípoli	15,489.96	577,903
	10	Echea Meridional	Ermúpoli	5,285.99	309,015
	11	Tesalia	Lárisa	14,036.64	732,762
	12	Grecia Occidental	Patras	11,350.18	679,796
	13	Macedonya Occidental	Kozani	9,451	283,689
	Numero	Estau autonomo	Capital	Aria (km2)	Población
	(14)	Mont Athos	Karyes	390	1,830

Diez ciudaz mas importants

As suyas diez ciudaz mas importants son:

Puesto	Ciudat	Censo de 1991	Censo de 2001	Censo de 2011	Periferia
1	Atenas	772,072	745,514	664,046	Atica
2	Tesalonica	383,967	363,987	315,196	Macedonya Central
3	Patras	152,570	160,400	167,446	Grecia Occidental
4	Peiraiás	182,671	175,697	163,688	Atica
5	Lárisa	112,777	124,394	144,651	Tesalia
6	Irákleio	115,270	130,914	140,730	Creta
7	Peristeri	137,288	137,918	139,981	Atica
8	Kallithea	194,233	109,609	100,641	Atica
9	Ajarnés	61,052	75,329	99,346	Atica
10	Kalamariá	80,698	87,255	91,279	Macedonya Central

Cheografía humana y sociedat

Demografía

Seguntes l'organismo estatistico oficial de Grecia, l'Autoridad Estadistica Helenica (ELSTAT), a población total d'o país en 2011 yera de 10.816.286 habitants. Eurostat sitúa a población actual en 10,7 millons en 2018.

A sociedat griega ha cambiau rapidament en os zaguers decenios, coincidindo con a tendencia europea mas ampla de disminución d'a fertilidat y enviellimiento rapido. A taxa de natalidat en 2003 se situó en 9,5 per 1.000 habitants, significativament inferior a la taxa de 14,5 per 1.000 en 1981. A lo mesmo tiempo, a taxa de mortalidat augmentó liucherament de 8,9 per 1.000 habitants en 1981 a 9,6 per 1.000 habitants en 2003. Estimaciones a partir de 2016 amuestran que a taxa de natalidat disminuyió encara mas dica lo 8,5 per 1.000 y a mortalidat augmentó dica o 11,2 per 1.000.

A taxa de fecundidat d'1,41 fillos per muller ye muit per debaixo d'a taxa de reemplazo de 2,1 y ye una d'as mas baixas d'o mundo, considerablement per debaixo d'o maximo de 5,47 fillos naixius per muller en 1900. Posteriorment, a edat meya de Grecia ye de 44,2 anyadas d'edat, a setena mas alta d'o mundo. En 2001, o 16,71 % d'a población teneba 65 anyos u mas, o 68,12 % teneba entre 15 y 64 anyos y o 15,18 % teneba 14 anyos u menos. Pa 2016, a proporción d'a población de 65 anyos u mas i heba augmentau a 20,68 per ciento, mientres que a proporción de personas de 14 anyos u menos se redució a un poquet menos d'o 14 per ciento.

As taxas de nuncialidat empecipioron a disminuyir de cuasi 71 per 1.000 habitants en 1981 a 2002, nomás pa augmentar liucherament en 2003 a 61 per 1.000 y dimpués tornar a cayer a 51 en 2004. Amás, as taxas d'esvurcio han augmentau de 191,2 per 1.000 matrimonios en 1991 a 239,5 per 1.000 matrimonios en 2004.

Como resultau d'estas tendencias, o fogar griego promeyo ye mas chicot y mas viello que en cheneracions anteriors. A crisi economica ha exacerbau iste desembolique, con 350.000-450.000 griegos, predominantment adultos chóvens, emigrando dende 2010.

Gastronomía

A moussaka (ezquierda) y l'ensalada griega clasica (dreita d'a imachen) son virollas pro comunas.

A cocina griega ye caracteristica d'a saludable dieta mediterrania, personificada per os platos de Creta. A cocina griega incorpora ingredients frescos en una variedat de platos locals como moussaka, pastitsio, ensalada griega clasica, fasolada, spanakopita y souvlaki. Cualques platos se remontan a l'antiga Grecia como skordalia (un puré espeso de nueces, almendras, allo mallau y aceite d'oliva), sopa de lentillas, retsina (vin blanco u rosau sellau con resina de pin) y pasteli (barra de chicolate con simients de sesamo enfornadas con miel). En tota Grecia, as personas a ormino desfrutan de minchar platos chicoz como meze con cuantos untos como tzatziki, pulpo a las esparrillas y peix chicot, queso feta, dolmades (roz, rosellas y pinyols embolicaus en fuellas de parra), cuantas legumbres, olivas y queso. L'aceite d'oliva s'adhibe a cuasi toz os platos.

Beluns postres dulces incluyen melomakarona, diples y galaktoboureko, y bebidas como ouzo, metaxa y una variedat de vins, incluyida la retsina. A cocina griega difiere muito en diferents partis d'o continent y d'una isla a unatra. Utiliza cualques aromas con mas frecuencia que atras cocinas mediterranias: oregano, menta, allo, bruno, aneto y fuellas de laurel. Atras hierbas y especias comuns incluyen albaca, tremoncillo y fenullo. Muitas recetas griegas, especialment en as partis d'o norte d'o país, fan servir especias dulzas en combinación con carne, per eixemplo, canela y clau en guisos.

Vinclos externos

• Se veigan as imáchens de Commons sobre Grecia.
• (el)(en)(pt)(es)(fr)(de) Web informativa sobre Grecia.
• (el)(en) Pachina web d'o Parlamento griego.
• (es)(en)(pt)(el) Pachina de Turismo de Grecia.

Referencias

• Datos: Q41
• Multimedia: Greece / Q41