Guillaume Rischard
| Guillaume Rischard | |
|---|---|
| Gebuer |
10. Juni 1910 Lëtzebuerg |
| Gestuerwen |
5. Dezember 1963 Lëtzebuerg |
| Nationalitéit | Lëtzebuerg |
| Aktivitéit | Ingenieur |
 | |
De Guillaume (Gilly) Rischard, gebuer den 10. Juni 1910 an der Stad Lëtzebuerg, an do gestuerwen de 5. Dezember 1963[1], war Direkter vun der lëtzebuergescher Forstverwaltung[2].
De G. Rischard huet zu Gembloux am Institut agronomique de l'État an zu Nanzeg an der École nationale des eaux et forêts studéiert. 1934 krut hie säin Diplom als Ingénieur civil des eaux et forêts. No sengem Stage an der Forstverwaltung krut hien 1937 eng Nominatioun als Garde général adjoint[3].
Am Zweete Weltkrich gouf hie vun den Nazien an de Prisong geheit, wou e vum 16. August 1941 bis de 6. August 1942 als politesche Prisonéier am Gronn souz[4].
1946 gouf hie Garde général[5] an de 27. Januar 1954[6] ass hien Direkter vun der Forstverwaltung genannt ginn[2],[7].
Säi Virgänger war den Nicolas Obertin, deen den 28. Oktober 1946 Direkter gouf. An der Zäit virun deem senger Nominatioun huet de Guillaume Rischard d'Forstverwaltung provisoresch als Direkter ff. geleet[8].
No dem G. Rischard ass den Emile Gillen Direkter vun der Forstverwaltung ginn.
De G. Rischard ass 1938 Member vun der Société des naturalistes luxembourgeois ginn[4]. Hie war President vum Veräi vun 1946 bis 1948[9]. Hie war President vum Conseil supérieur de la chasse[1].
Gielercher[1]
[änneren | Quelltext änneren]- Chevalier vum Ordre de la couronne de chêne
- Officier avec couronne vum Ordre d'Adolphe de Nassau
- Großes Verdienstkreuz vun der Bundesrepublik Däitschland
Literatur
[änneren | Quelltext änneren]- ch., 1954. Der neue Forstdirektor. De Letzeburger Sportfescher 1954 (9-12), S. 128.
- Massard, J.A., 1990. La Société des Naturalistes Luxembourgeois du point de vue historique. Bulletin de la Société des naturalistes luxembourgeois 91 (1990): 5-214.
- Massard, J.A., 2015. La Société des naturalistes luxembourgeois de 1890 à 2015. Bulletin de la Société des naturalistes luxembourgeois 116, S. 5-302.
- Reichling, L., 1966. [Notice nécrologique sur Guillaume Rischard ]. Bulletin de la Société des naturalistes luxembourgeois 68 (1963), S. 242-243.[3]
- Stumper, R., 1966. Nécrologie. Guillaume Rischard 1910-1963. Bulletin de la Société des naturalistes luxembourgeois 68 (1963), S. 3-4.[4]
- Wolter, F., 2015. Aperçu de l'évolution historique de l'Administration depuis sa création en 1840. In: Administration de la nature et des forêts, 1840 - 2015: 175 Joer am Déngscht vu Mënsch an Natur. Luxembourg, Administration de la nature et des forêts, S. 141-189.[5]
Referenzen
[Quelltext änneren]- ↑ 1,0 1,1 1,2 Luxemburger Wort 1963, Nr. 241/242 (7. Dezember), S. 24 (Doudesannonce).
- ↑ 2,0 2,1 Massard 2015, S. 115.
- ↑ Stumper 1966, Massard 1990, S. 168, Massard 2015, S. 115.
- ↑ 4,0 4,1 Massard 1990, S. 168.
- ↑ Mémorial 1946, N° 7, S. 101 (Par arrêté grand-ducal du 18 janvier 1946, M. Guillaume Rischard, garde-général-adjoint, a été nommé garde-général au service de l'aménagement des bois administrés).[1]
Mémorial 1946, N° 54, S. 846 (Par arrêté grand-ducal du 13 novembre 1946, M. Guill. Rischard, garde-général au service de l'aménagement des bois administrés, à Luxembourg, est nommé garde-général du cantonnement de Luxembourg-Est).[2] - ↑ Wolter 2015, S. 181
- ↑ ch. 1954.
- ↑ Cf. Luxemburger Wort 1946-01-17, S. 2, Nr. 17 (Fauna) Archivéiert de(n) 09.10.2020. Gekuckt de(n) 16.11.2015.
- ↑ Massard 2015, S. 115, Reichling 1966.