Hans Tilkowski
Hans Tilkowski (* 12. Juli 1935 in Düörpm-Husen; † 5. Januar 2020) weer en düütsch Footballspeler un –trainer.
Böverliga West un Bundesliga
[ännern | Bornkood ännern]Tilkowski speel as Doorhöder in de Böverliga West för Westfalia Herne (1956-1963) un in de Bundsliga för Borussia Dortmund (1963 -1967) un Eintracht Frankfurt (1967-1969). Van 1963 bit 1967 hett he 81 Bundsligaspelen för Borussia Dortmund bestreeden. Van 1967 bit 1969 keemen noch 40 för Eintracht Frankfurt dorto.
Mit Düörpm wurr he 1965 Düütsch Pokalwinner un wunn 1966 den Europapokal vun de Pokalwinners.
1965 weer he ok düütsch Fotballspeler vun dat Johr, he weer dormit de eerste Doorhöder, de disse Utteknung kreeg.
Natschonalmannschap
[ännern | Bornkood ännern]Tüschen 1957 un 1967 hett Tilkowski 39 Länderspele makt (18 dorvan, as he noch bi Westfalia Herne speelt hett un 21 för Borussia Dortmund).
1962 stunn he in dat Upgebot för de Football-Weltmeesterschap 1962 in Chile. Jeder hett docht, dat he ok spelen de, aber de damalig Bundstrainer Sepp Herberger truck den jungen Wolfgang Fahrian vör. Tilkowski wull den Kram all in’d Eck smieten. 1966 in England speel he denn aber doch und wurr mit de düütsch Mannschap Viez-Weltmeester. Mit 2:4 verloren se dat Endspeel tegen England un he kasseer dat beröhmte Wembley-Door, wat Geoge Hurst schaten hett.
Trainer
[ännern | Bornkood ännern]Nah sien aktiv Tiet as Speler weer he denn noch Trainer bi TSV 1860 München, 1. FC Nürnberg, Werder Bremen, 1. FC Saarbrücken un AEK Athen. Aber dorbi harr he nich so völ Spood.
Böker
[ännern | Bornkood ännern]- Und ewig fällt das Wembley-Tor. Die Geschichte meines Lebens. ISBN 3-89533-518-5
- Keine Angst vor scharfen Schüssen. Copress-Verlag, Hermann Hess, München, 1965.
Weblenken
[ännern | Bornkood ännern]- Utföhrlich Biografie (hoochdüütsch)
