Heckler & Koch

Heckler & Koch GmbH (H&K) er eit tysk våpenselskap.

Heckler & Koch er kjend for sine produksjonsseriar av ulike handvåpen, til dømes pistolen P30L, som er tenestepistol i Politi- og lensmannsetaten i Noreg, maskinpistolen MP5 og automatgeværet G3. Sistnemnde har Kongsberg Våpenfabrikk lisensprodusert for Det norske forsvaret som AG-3 (Automatgevær 3).

H&K vart grunnlagd av Edmund Heckler, Theodor Koch og Alex Seidel i 1949. I byrjinga produserte dei symaskinar og annan finmekanikk. Dette forandra seg då selskapet produserte ei rifle for det tyske forsvaret i 1956. I 1991 vart H&K kjøpt opp av British Aerospace (noverande BAE Systems). Dette førte til at H&K fekk britiske oppdrag som til dømes oppgraderinga av SA80. På 2000-talet vart H&K kjøpt av lokale tyske investorar.

Selskapet held til i Oberndorf am Neckar sør for Stuttgart i den tyske delstaten Baden-Württemberg, men har òg dotterselskap i USA.

Kjende våpen frå H&K

Pistolar: HK USP, HK UCP, HK P7, P30L, VP70
Maskinpistolar: MP5, MP7, UMP
Automatgevær : G3/AG-3, HK417, HK416, HK G36, HK 33, HK53, HK XM8, HK 433
Halvautomatiske sportsvåpen: HK SL6, HK SL7, HK SL8, HK 630, HK 770, HK 940
Skarpskyttarrifler: HK MSG-90, HK PSG-1
Maskingevær: HK21E, HK MG4
Granatkastarar: HK 69, HK79, AG36, HK GMG

Kjelder

Denne artikkelen bygger på «Heckler & Koch» frå Wikipedia på bokmål, den 1. januar 2018.