Helmut Kohl
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
.jpg?lang=li)
Helmut Josef Michael Kohl (Ludwigshafen am Rhein, 3 april 1930 - ouch dao, 16 juni 2017) waas 'nen Duutsje politieker veur 't CDU, 'nen historieker enne bóndjskanseleer van Duutslandj van 1982 toet 1998.
Mit zienen ambstied van zèstieën jaor is hae de langs-zittendje Duutsje kanseleer sieër Otto van Bismarck. In dezen tied waas 't inj vanne Kajen Oorlog. Kohl wuuert door väöl luuj betrach es d'n houfarsjitek vanne Duutsje vereiniging, en wuuert same mitte Franse prizzendènt François Mitterrand gezeen es d'n aanstifter van 't Verdraag van Mestreech, waat de Europese Unie oprichdje.
Kohl waas 'ne sterken aanhenger veur 't stationere van Amerikaanse kruutsrakètten in Wès-Europa veure val det de Sovjet-Unie neet ingóng op óngerhanjelinge vanne bepirking van atoeamwaopes. Dees meining deildje d'r mit ziene veurgenger Helmut Schmidt, mer anges es dem kreeg Kohl waal 'n mieëderheid veur det beleid in zien eige pertie.
Kohl waerde es bóndjskanseleer opgevolg door Gerhard Schröder.