Het Hogeland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Gemeinte Het Hogeland
Provincie	Groninge
Hoofplaats	Uithuizen
Börgemeister (lies)	Henk Bolding (CDA, woernummend)
Opperflaakde – daovan water	907,63 km² 421,91 km²
Inwoeners – deechde:	47.813 98/km²

Het Hogeland (Gronings: ’t Hogelaand) is 'n gemeinte in 't noorde vaan de Nederlandse provincie Groninge, aon de kös vaan de Waddezie. De gemeinte strek ziech euver de ganse breidde vaan de provincie oet vaan de grens mèt Friesland tot aon d'n Eems en umvat good 900 km²; bekaans de hèlf daovaan is water of droegvallende groond (wadde). Hoofplaots is Uithuizen; de gemeinte kint nog väöl aander kerne. 't Hogeland, al iewe e geografisch begrip, oontstoont es gemeinte in 2019 oet 'n fusie vaan de aw gemeintes Bedum, Eemsmond, De Marne en e groet deil vaan Winsum.

Kerne

De gemeinte Hogeland umvat de volgende kerne: Adorp, Baflo, Bedum, Broek, Den Andel, Doodstil, Eenrum, Eppenhuizen, Groot Wetsinge, Hornhuizen, Houwerzijl, Kantens, Klein Wetsinge, Kleine Huisjes, Kloosterburen, Kruisweg, 't Lage van de Weg, Lauwersoog, Leens, Mensingeweer, Molenrij, Niekerk, Noordwolde, Oldenzijl, Onderdendam, Oosteinde, Oosternieland, Oudeschip, Pieterburen, Rasquert, Roodeschool, Rottum, Saaxumhuizen, Sauwerd, Schouwerzijl, Stitswerd, Tinallinge, Uithuizen, Uithuizermeeden, Ulrum, Usquert, Vierhuizen, Warffum, Warfhuizen, Wehe-den Hoorn, Westernieland, Winsum, Zandeweer, Zoutkamp, Zuidwolde en Zuurdijk. Uithuizen is wie gezag de hoofplaots; de gemeinte beujt ouch deenste aon in Bedum, Leens en Winsum.

Daoneve kint de gemeinte nog tientalle naobersjappe. Ouch hure de Eemshave en de eilendsjes/zandplate Rottumeroog en Rottumerplaat bij Het Hogeland.

Taol

In de gemeinte Hogeland weurt 't Hogelandsters gesproke. Dit weurt dèks verstande es 't stereotyp Gronings dialek.

Politiek

Gemeinteraod

Op 21 november kóste de inwoeners vaan de touwkumstege gemeinte keze veur de raod. D'n oetslaag waor de volgende:

Partij	Zetele
Gemeentebelangen	8
CDA	6
ChristenUnie	5
PvdA	4
GroenLinks	3
SP	2
VVD	2
Totaol	30

Börgemeister

Henk Bolding vaan 't CDA is tot woernummende börgemeister beneump.

Historie

Oonder 't Hogeland versteit me in Groninge vaanajds al de ziekleilen in 't noorde vaan de provincie. De naom verwijs neet nao de ligking op de kaart, wel nao 't feit tot dees kleilen rillatief hoeg ligke opgezeen tege de veengroond direk noordelek vaan de stad Groninge. 't Gebeed roond Bedum, wat wel bij de gemeinte Hogeland huurt, ligk vaanajds neet in de landstriek Hogeland meh in 't Legeland.

D'n ierste kier tot de naom Hogeland officieel woort gebruuk waor in 't gebeed Hoogelandsteradeel. Dit waor 'n oodnerdeil vaan 't Ummeland Fivelingo en besloog 't gebeed roontelum Loppersum. Dit distrik heet vaan 1659 tot 1749 bestande. Later breide 't begrip ziech oet nao 't corresponderend deil vaan Hunsingo ('t noordwestelek Ummeland vaan de provincie).

De weeg nao minder en groeter gemeintes woort in 1990 serjeus ingezat, wie in de ganse provincie tientalle gemeintes woorte heringedeild. Zeker ouch in 't noorde vaan de provincie móste väöl gemeintes same (zuug oonder). Roond 2010 kaome discussies euver 'n nui fusiegolf op gaank. Veur de provincie mós Groninge oetindelek nog mer zès gemeintes umvatte. Oetindelek besloot me tot 't minder radicaol aontal vaan tien. De fusiegolf weurt tösse 2018 en 2021 in drei stappe oetgeveurd. Noord-Groninge kaom in 2019 aon de beurt. In 2017 moch de bevolking stumme euver de nuie naom. 75% koos veur Het Hogeland, tege de alternatieve Het Marenland en Hunsingo.

Euverziech herindeilinge

Zuug ouch: Lies vaan geweze gemeintes in Groninge

• Het Hogeland (sinds 2019)
  • Bedum (tot 2019)
  • Eemsmond (1979-2019; tot 1992 Hefshuizen geheite)
    • Kantens (tot 1990)
    • Uithuizen (tot 1979)
    • Uithuizermeeden (tot 1979)
    • Usquert (tot 1990)
    • Warffum (tot 1990)
  • De Marne (tot 1992 Ulrum; ; geheite)
    • Eenrum (tot 1990)
    • Kloosterburen (tot 1990)
    • Leens (tot 1990)
  • (Winsum, tot 2019; deils nao Westerkwartier)
    • Adorp (tot 1990)
    • Baflo (tot 1990)
    • Ezinge (tot 1990; dörp Ezinge in 2019 neet nao Het Hogeland gegaange)

Bron

Dit artikel is gebaseerd op, meh neet vertaold oet, 't corresponderend Nederlandstaoleg artikel, en wel in dees versie.

Externe link

• Website vaan de gemeinte