Heyneke Meyer

Heyneke Meyer
Geboortedatum	6 Oktober 1967 (1967-10-06)
Geboorteplek	Nelspruit, Suid-Afrika
Skool	Bergvlam HS, Nelspruit
Universiteit	Universiteit van Pretoria
Beroep	Rugbyafrigter
Rugbyloopbaan
Loopbaan as afrigter
Jare	Klub / span
1998–2000 2000–02 2002–07 2008–09 2012–2015	Arende Noordelike Bulle Blou Bulle Leicester Tigers Suid-Afrika

Heyneke Meyer (gebore 6 Oktober 1967 in Nelspruit, Suid-Afrika) is 'n rugbyafrigter. Hy is op 27 Januarie 2012 vir 'n vierjaartermyn as Springbokafrigter aangestel. Hy het Peter de Villiers in die pos opgevolg. Hy het die Springbokke tydens die Rugbywêreldbeker 2015 afgerig.

Loopbaan

Nadat hy sportsielkunde aan die Universiteit van Pretoria studeer het, rig Meyer 'n verskeidenheid van kleiner klubs af voordat hy in 2007 as assistentafrigter by die Arende aansluit. 'n Jaar daarna word hy bevorder tot hoofafrigter en lei die span tot die sewende plek in die Curriebeker, en tot die halfeindronde die daaropvolgende jaar. In 2000 sluit hy by die Noordelike Bulle as hoofafrigter aan. In 2002 word hy die hoofafrigter van die Blou Bulle en behaal vier Curriebekertitels tussen 2002 en 2006. In 2007 word sy span die eerste Suid-Afrikaanse span om die Super 14 kompetisie te wen.

Die rugbypubliek het verwag dat Meyer in Februarie 2008 vir Jake White as nasionale afrigter sou opvolg. Peter de Villiers word egter in die pos aangestel, waarna Meyer rugby opsê en 'n seniorpos by 'n maatskappy wat sportaanvullers vervaardig aanvaar.

In Junie 2008 word hy aangestel as hoofafrigter van die Leicester Tigers om Marcelo Loffreda op te volg. In Januarie 2009 neem hy menslikheidsverlof om aan familiesake in Suid-Afrika aandag te gee, waarna hy sy bedanking op 28 Januarie 2009 ingedien het.

Verwysings

Voorafgegaan deur Peter de Villiers

Springbokafrigters 2012–2015

Opgevolg deur Allister Coetzee