Holland & Holland

Holland & Holland zo ur embregerezh saoz diazezet e Londrez hag a brodu hiziv-an-deiz armoù-tan evit ar chase graet gant an dorn ha dilhad uhel o friz.

Istor

Savet e voe an embregerezh e 1835 gant Harris Holland, a lakaas brevedoù war fuzuilhoù da wintañ ijinet gantañ. E 1876 e teuas Henry Holland, niz Harris, da genrener an embregerezh, a voe adanvet Holland & Holland. E 1898 e voe digoret un uzin e Harrow Road e Londrez. E 1912 e voe ijinet ar c'hartouchennoù .357 H&H Magnum gant an embregerezh. Implijet e vezont c'hoazh evit chaseal loened bras Afrika hiziv-an-deiz. E 1922 e voe brevedet gant Holland & Holland ar self opening-gun, ur sistem hag a lakae ar fuzuilh da wintañ da zigeriñ hec'h-unan goude an tenn diwezhañ. 23.117 fuzuilh-resisted Lee-Enfield n°4 T a voe produet gant an embregerezh e-pad an Eil Brezel-bed. Ar familh Holland, a oa chomet e penn ar jeu betek-neuze, a werzhas an afer e 1960, ha brud a dapas Holland & Holland e 1963 pa voe choazet evel pourvezer armoù chaseal ar priñs Philip Mountbatten. Perzh eo abaoe 2021 eus ar Beretta Holding.

Ouzhpenn da Londrez ez eus bet digoret ur stal e Dallas (Texas, Stadoù-Unanet).

Kartouchennoù ijinet

Ouzhpenn d'an armoù-tan en deus Holland & Holland ijinet kalz kalibroù munisionoù. Ar braz anezhe a zo dezhe boledoù uhel o c'halibr, savet evit chaseal loened bras.

• .240 Apex (1920, stummoù dezhe ur bourled pe ur greuzenn)
• .244 H&H Magnum (1955)
• .297/250 Rook (a-raok 1880)
• .275 H&H Magnum (1912, stummoù dezhe ur bourled pe ur greuzenn)
• .300 Rook anvet ivez .295 Rook
• .300 H&H Magnum (1912, stummoù dezhe ur bourled pe ur greuzenn)
• .375 Flanged Nitro Express (1899)
• .375 H&H Magnum (1912, stummoù dezhe ur bourled pe ur greuzenn)
• .400/375 Belted Nitro Express (1905)
• .400 H&H Magnum (2003)
• .500/450 Nitro Express (fin ar bloavezhioù 1890)
• .465 H&H Magnum (2003)
• .500/465 Nitro Express (1907)
• .600/577 Rewa (1929)
• .700 Nitro Express (1988)

Notennoù ha daveennoù

  Stag eo ar bajenn-mañ ouzh Porched an Armoù-tan