Hot Fuzz
|
C'l artìcul chè 'l è scrit in
Miranduléś |
 Hot Fuzz
| ||
 Simon Pegg e Nick Frost in na figùra dal film | ||
| Pula bujénta 2007 | ||
|---|---|---|
| Regìa: Edgar Wright | ||
| Scritōr: Simon Pegg • Edgar Wright | ||
| Atōr: Simon Pegg • Nick Frost • Timothy Dalton Jim Broadbent • Martin Freeman • Bill Nighy Paddy Considine • Rafe Spall • Billie Whitelaw | ||
| Müsica: David Arnold | ||
| Léngua: Ingléś | ||
| Dürä dal film: 121 minüt | ||
| Nasiōṅ: Régn Unî • Frància | ||
Hot Fuzz (Pula bujénta) l'è na cumèdia ingléśa e francéśa dal 2007 'd Edgar Wright, secónda part dla „trilugìa dal Curnét“ dòp L'alba dei morti dementi dal 2004 e prima 'd La fine del mondo dal 2013.
Al film 'l à fat sù da piò 'd utànta migliòṅ ad dòlar in di sōi Stat Unî dòp ès'r-an custâ dódas.
Sunt
Invidióś d'l agìnt Nicholas Angel (Simon Pegg) ch'al lavóra dimóndi e dònca al gh fà far bruta figùra, i sò culéga dal Metropolitan Police Service ad Lóndra i decìd'n ad dar-ag na prumusiòṅ a sergìnt giùst par paràr-al via e trasferìr-'l acsè in un paisèṅ dimóndi trist dal Gloucestershire, a sud dl'Inghiltèra. Chè al taca a lauràr in còpia cun Danny (Nick Frost), al fiōl imbranâ dal capitàṅ ad pulisìa Frank Butterman (Jim Broadbent).
In dal paéś i tàc'n a sucédar di fat ad sangṿ par via dna figùra c'n un capùs in cô ch'la taca a masàr dla gint faghénd crédar ch'i sìan sucèsi dal daśgràsi. Prima al taja la tèsta a dū atōr ad teàtar, Martin Blower (David Threlfall) e a la dipendènta dal cumùṅ sò amànta Eve Draper (Lucy Punch), pò al fà saltàr p'r ària la cà d'l imprendidōr George Merchant (Ron Cook) cun lò dèntar e par finìr da 'l campanìl dna céśa al tirà adòs na maśàgna in cô a 'l giurnalìsta Tim Messenger (Adam Buxton) ch'al vliva cuntàr di fat a Angel e ch'al gh'iva dònca dâ apuntamènt davànti a 'l simitèri.
Quànd a mōr anc la fiuràra, la sgnōra Leslie Tiller (Anne Reid), Angel 'l è sicûr ch'al sasèṅ al sia 'l pruprietàri dla cadéna 'd supermarcâ dal paéś, Simon Skinner (Timothy Dalton), ch'al vliva far na speculasiòṅ edilìsia.