ISOSEK
ISOSEK institutum quoddam Esperanticum fuit, quod cursum Internacia Supera Skriba Esperanto-Kurso ad idioma Zamenhofianum melius ediscendum edidit.
In animo fuit, ut esperantistae tirones ad perfectionem ducerentur praesertim quoad genus scribendi. Quorum maxime enthei ad examina pararentur, ut ipsi aliquando Esperantica docere possent. Insuper contactus internationales et variationes colebantur correctoribus variis ex terris oriundis.
Grapheum centrale istius consociationis didacticae situm fuit Heerlen in Provincia Limburgensi in Batavia. Periodicum officiale, quod a sociis editum est, praetitulabatur Nia Informilo; discipulis gratis distributum est. Sectionem Danicam magno studio duxit Laurentius Friis.