I fiumi di porpora (film)
|
C'l artìcul chè 'l è scrit in
Miranduléś |
 Les rivières pourpres
| ||
| I fiumi di porpora | ||
 Jean Reno e Vincent Cassel in na figùra dal film | ||
| La cumèdia dal putēr 2000 | ||
|---|---|---|
| Regìa: Mathieu Kassovitz | ||
| Scritōr: Jean-Christophe Grangé • Mathieu Kassovitz | ||
| Atōr: Jean Reno • Vincent Cassel • Dominique Sanda Nadia Farès • Karim Belkhadra • Jean-Pierre Cassel | ||
| Müsica: Bruno Coulais | ||
| Léngua: Francéś | ||
| Dürä dal film: 106 minüt | ||
| Nasiōṅ: Frància | ||
I fiumi di porpora (I fiùm ad pórpura) 'l è 'n thriller francéś dal 2000 ad Mathieu Kassovitz trat da 'n rumànś umònim ad Jean-Christophe Grangé. Al gh'à abû 'n séguit in dal 2004 dirèt p'r Olivier Dahan, I fiumi di porpora 2 - Gli angeli dell'Apocalisse.
Custàda quatórdas migliòṅ ad dòlar, la pelìcula la 'n à pò fat sù ssanta in tut al mónd.
Sunt
In sal muntàgni dl'Élta Savòja a vîṅ catâ 'l cadàvar dal bibliutecàri dl'università dal pòst, Rémy Caillois (Laurent Avare), turturâ a mòrt, sénsa maṅ e sénsa òć, mis in dla puśisiòṅ 'd un fēt. Al caś al finìs in càr'g a 'l cumisàri speciàł Pierre Niemans (Jean Reno), un dûr che però al gh'à scarésa di caṅ. In cal méntar, in dal campsànt 'd un paiśèṅ lè darènt, a vîṅ purtàda via la salma dna putìna mòrta déś an prima ch'l'éra finìda spaplàda sóta 'n càmion. Sò màdar, p'r al daspiaśēr, la s éra fata sōra c'n al nóm ad Sister Andrée (Dominique Sanda). Al pulisiòt Max Kerkerian (Vincent Cassel) al taca a indagàr pinsànd ch'i sìan stâ 'n grup ad naśi-skin anc se la dóna l'à dit ch'i éran stâ di dèmu e ch'adès i èṅ turnâ.
In séguit a salta fóra 'l cadàvar sóta 'l giàs 'd 'n àtar ch'al lauràva a l'università, Philippe Sertys (Olivier Morel), e pò qvél dal dutōr Bernard Chernezé (Jean-Pierre Cassel), e i dū caś i tàc'n a incruśàr-as.