Ibrahim
 | |||
| Namo dalam bahaso usali | (ar) إبراهيم  | ||
|---|---|---|---|
| Biografi | |||
| Lahia | <abbr title="Kira-kira (id)  ">k. 1810 dekade SM Ur (id) | ||
| Kamatian | nilai indak dikatahui (3826/3836 tahun (id) ) Hebron (id) | ||
← Shaleh (id) – Luth (id) → | |||
| Kagiatan | |||
| Karajo | Pengkhotbah (id) jo nabi (id) | ||
| Creative work | |||
Karya nan tanamo
| |||
| Kaluarga | |||
| Pasangan hiduik | Sara (id) Hajar (id) | ||
| Anak | Isma'il (id) Ishaq (id) | ||
| Abak | Azar (id) | ||
| Kerabat (id) | Luth (id) (fraternal nephew (en) , keponakan laki-laki (id) ) Yaʿqub (id) (son's son (en) )Muhammad (suku sakat (id) ) | ||
Ibrahim (bahaso Arab: إبراهيم ) marupokan nabi dalam agamo Samawi. Baliau bagala Khalilullah (خلیل اللہ, Kesayangan Allah).[1] Ibrahim basamo anaknyo, Ismail, tanamo sabagai pandiri Baitullah. Baliau diangkek manjadi nabi nan diutuih kapado kaum Kaldan nan talatak di nagari Ur, nan kini disabuik sabagai Irak. Ibrahim marupokan sosol tauladan utamo untuak umaik Islam dalam babagai hal. Ibadah Aji jo mandabiah binatang kurban pado Idul Adha marupokan babarapo parayoan untuak mamparingati sikap baktinyo Ibrahim kapado Allah.
Ibrahim tamasuak golongan manusia piliahan di sisi Allah, sarato tamasuak golongan Ulul Azmi. Namo Ibrahim diabadian sabagai namo sabuah surek, sarato disabuik sabanyak 69 kali di Al-Qur'an.
Etimologi
[suntiang | suntiang sumber]Dalam buku nan bajudul "Muhammad Sang Nabi - Penelusuran Sejarah Nabi Muhammad Secara Detail," karya Omar Hashem, bakatoan basonyo namo Ibrahim barasa dari duo suku kato, iyolah ib/ab (إب) jo rahim (راهيم). Jikok disatuan mako namo itu mampunyoi arati "ayah nan panyayang".[2][3]
Salasilah
[suntiang | suntiang sumber]Ibrahim marupokan putra Azar bin Nahur bin Sarugh bin Ra'u bin Faligh bin Abir bin Shaleh bin Arfakhsad bin Sam bin Nuh. Al-Hafidz ibnu Asakir mariwayaikan baso mandeh kanduang Nabi Ibrahim banamo Amilah. Samantaro manuruik al Kalbiy, mandeh kanduang Nabi Ibrahim banamo Buna binti Karbina bin Kartsi, nan barasa dari Bani Arfakhsyad.
Azar mampunyoi tigo putra: Ibrahim, Haran, jo Nahor. Ibrahim dilahiaan di sabuah wilaya banamo Faddam Aram, nan talatak di karajaan Babilonia. Ibnu Asakir mariwayaikan dalam kitab at-Tarikh dari Ishaq bin Basyar al-Kahiliy baso Nabi Ibrahim bagala "Abu ash-Dhaifan". Ibrahim mampunyoi duo putra nan tamasuak golongan nabi, yakni Nabi Ismail jo Nabi Ishaq, sadangkan Nabi Ya'qub marupokan cucu Ibrahim. Haran juo mampunyoi surang putra nan tamasuak golongan nabi, iyolah Nabi Lut.
Bini-bini
[suntiang | suntiang sumber]Katiko bini Ibrahim (Sarah) ka ditawan rajo Mesir untuak dijadian silia, Allah maagiah palinduangan ka bakeh bin Ibrahim sainggo rajo Mesir indak dapek manjadian bini liau sabagai silia. Sasudah manyadari baso Allah alah manurunan babagai azab ka nagarinyo dek soalan bini Ibrahim ko, rajo ko mamulangan baliak sang bini kapado Ibrahim. Kudian rajo Mesir mahadiahan budak untuak bini Ibrahim sabagai panabuihan dosa. Adopun budak nan dihadiahan ko adolah surang permaisuri karajaan Mesir nan banamo Hajar.[4]
Istri-istri Ibrahim jo anak-anak nan dilahiaan deknyo di antaronyo:
- Sarah: Ishaq
- Hajar: Ismail
- Qanthura binti Yaqthan: Zimran, Yaqsyan, Madan, Madyan, Syiyaq dan Syuh
Rujuakan
[suntiang | suntiang sumber]- ↑ Tercantum di Surah An-Nisa:125 "...dan siapakah nan lebih baik agamanya daripada orang nan ikhlas menyerahkan dirinya kepada Allah, sedang ia pun mengerjakan kebaikan, dan ia mengikuti agama Ibrahim nan lurus? dan Allah mengambil Ibrahim menjadi kesayanganNya."
- ↑ Surah At-Taubah: 114
- ↑ "Muhammad Sang Nabi" - Penelusuran Sejarah Nabi Muhammad Secara Detail, karya Omar Hashem, Bab 1. Kondisi Geografis - Kafilah Nabi Ibrahim, Hal.9.
- ↑ refisi nama-nama nan tidak tercatat barasa dari Kitab Qishashul Anbiya karya Ibnu Katsir