Iholdi Beristain
| Iholdi Beristain | |
|---|---|
 Go!azen telesailean (2018) | |
| Bizitza | |
| Jaiotza | Portugalete, 2000ko martxoaren 21a (24 urte) |
| Herrialdea |  Bizkaia, Euskal Herria |
| Familia | |
| Haurrideak | ikusi
|
| Hezkuntza | |
| Heziketa | Asti Leku Ikastola Euskal Herriko Unibertsitatea |
| Hizkuntzak | euskara gaztelania |
| Jarduerak | |
| Jarduerak | abeslaria eta aktorea |
| Lan nabarmenak | ikusi
|
| Kidetza | Elai-Alai Kultur Elkartea Emaiok Euskara Taldea |
| Musika instrumentua | ahotsa |
  | |
Iholdi Beristain Martinez (Portugalete, Bizkaia, 2000ko martxoaren 21a) euskal abeslari eta aktorea da.
EITBko Bago!azeko 2017ko irabazlea izan zen.[1]
Biografia
[aldatu | aldatu iturburu kodea]Portugaleteko Asti Leku Ikastolan egin zituen lehen hezkuntza, bigarren hezkuntza eta Batxilergoko ikasketak. Asti Lekun zegoela, Emaiok Taldearen kide izan zen, ikastolako euskara taldea, beste kideekin batera, horien artean, Asier Alcedo bertsolaria.
Txikitatik euskal dantzak ikasten aritu da. Ballet, dantza klasiko, garaikidea eta modernoa ere ikasi ditu. Hainbat aurresku ta dantza suelto txapelketetan parte hartu du eta Ezkaixe dantzari taldearen partaidea da. Muskizko ikastolan dantza irakasle egon da. Etxean hasi zen abesten Iholdi, ta Portugaleteko bertso eskolara joan da. Txistua jotzen ikasi zuen lehendabizi, ondoren gitarra jotzen ere bai. Eta kantu eskolak ere jaso ditu. Musika barrua hustutzeko modua da berarentzat; sentimentu guztiak azaleratzen laguntzen dio.
Gustatzen zaizkion estiloen artean daude, popa, ska, soula eta baita baladak ere. Bere abestiekin jendearen bihotzera heldu nahi du.[2]
Go!azen txapelduna
[aldatu | aldatu iturburu kodea]Iholdirekin batera, Karmele Gurbindo, Iñaki Torralbo eta Maria Ereña iritsi ziren Zuriñe Hidalgok ETB1en aurkezten zuen saioko finalera. Finalaren lehen zatian Iñaki Torralbok Ed Sheeranen 'Thinking out loud' abestu zuen. Maria Ereñak Aerosmithen 'Cryin' aukeratu zuen, bere alde rockeroa erakutsiz. Karmele Gurbindo Janis Joplinen paperean sartu zen 'Me and my Bobby McGee' abestuz. Eta Iholdi Beristainek Adelen 'Someone like you' aukeratu zuen.
Lehen botazioaren ondoren, epaimahaiak Karmele Gurbindo eta Iholdi Beristain aukeratu zituen azken txanparako. Nor baino nor aritu ziren Portugaleteko eta Atarrabiako gazteak, bakoitza berak aukeratutako kanta banarekin: 'Aimer jusqu'a l'impossible' Iholdi Beristainek eta 'Who's lovin' you' Karmele Gurbindok.
Biek kritika oso onak jaso bazituzten eta Karmelek Xabier Saldiasek berriz ere negar egitea lortu bazuen ere, Iholdi Beristain izendatu zuen garaile epaimahaiak azkenean. Alex Sarduik, askorentzat epaimahaikide zorrotzena izan denak, "bere onena" eman zuela adierazi zion.[3]
Goǃazen eta ondorengo lanak
[aldatu | aldatu iturburu kodea]Goǃazen 4.0n Naia Badiolaren papera egin zuen, denboraldi horretan oinarritutako antzerki musikalean parte hartu zuen eta baita beste saio batzuetan ere, besteak beste gabon zahar gaueko saio berezian. Hurrengo denboraldian (Goǃazen 5.0) ere Naiaren papera egin zuen, eta antzerki musikalean parte hartu ez arren Bagoǃaz lehiaketako bigarren edizioan agertu zen coach gonbidatu gisa, baita Herri Txiki Kantari gabon gaueko saio berezian eta Goǃazen 2019 gabon zahar gaueko saio berezian ere. 2019ko otsailaren 15ean, denboraldiko azken atala emititu baino ordu batzuk lehenago, Iholdik telesailari agur esan zion bere Instagram kontuan argitaratutako mezu baten bidez eta hurrengo urtean ez zuela Goǃazen-en jarraituko eman zuen aditzera.[4]
2020an Goǃazen 2020 gabon zahar gaueko saio berezian parte hartu zuen, eta koronabirusaren pandemiaren ondorioz ekoitzitako Goǃazen etxean telesailean Naia Badiolaren papera egitera itzuli zen. 2020ko ekainean aurkezle lanetan hasi zen ETB 3ko Erronkan saioan.[5]
2021eko udazkenean Gazteak estreinatu duen eta Marmoka Films, Pimpi&nella Films eta Piszifaktoriak produktoreen "Daniel[a]" web serie digitalean [6] parte hartzen du "Ipar" pertsonaian eta Erromako Digital Media Festen emakumezko taldeko aktorerik onenaren saria irabazten du.[7]
2022 urtetik emanaldi musikatu batean aritzen da bere ahizpa Ibabe Beristainekin batera, euskarari buruzko bakarrizketa musikatu bat. Honekin batera "Etzigarriak" proiektuan gazteak eta euskararen etorkizunaz abesten dute.[8][9][10]
Bizitza pertsonala
[aldatu | aldatu iturburu kodea]Portugaleten bizi da. Bere ahizpa Ibabe Beristain dantzari eta musikaria da. Bere aita Román Beristain irakasle eta euskaltzalea da.
Dantza txapelketak
[aldatu | aldatu iturburu kodea]- 2014, 3. Saria, Kerman Rengelekin batera, Amurrioko Suelto Txapelketan (Bizkaia)
Filmografia
[aldatu | aldatu iturburu kodea]Telebista
[aldatu | aldatu iturburu kodea]| Urtea | Izenburua | Papera | Katea | Oharrak |
|---|---|---|---|---|
| 2017-2019 | Bagoǃaz | Lehiakidea / Coach gonbidatua | ETB 1 | Lehiakidea (2017, 10 atal)
Coach gonbidatua (2018-2019, 3 atal)
|
| 2017-2020 | Goǃazen | Naia Badiola | ETB 1 | Pertsonaia nagusia (2017-2019, 26 atal)
Gonbidatua (2020, 7 atal)
|
| 2018 | Gure kasa | Gonbidatua | ETB 1 | Atal 1 |
| 2018 | Goǃazen 2018 | Bere burua | ETB 1 | Gabon zahar gaueko saio berezia |
| 2019 | Goǃazen 2019 | Bere burua | ETB 1 | Gabon zahar gaueko saio berezia |
| 2020 | Goǃazen 2020 | Bere burua | ETB 1 | Gabon zahar gaueko saio berezia |
| 2020 | Erronkan | Aurkezlea | ETB 3 | Ekain Ibargurenekin batera |
Erreferentziak
[aldatu | aldatu iturburu kodea]- ↑ https://astileku.eus/eu/iholdi-beristain-asti-lekuko-ikaslea-eitb-ko-bagoaz-eko-irabazlea/
- ↑ https://web.archive.org/web/20180310073925/http://www.eitb.eus/eu/telebista/programak/bagoaz/parte-hartzaileak/osoa/4632182/iholdi/
- ↑ http://www.diariovasco.com/culturas/tv/201705/05/iholdi-beristain-izan-bago-20170505095216.html
- ↑ Beristain, Iholdi. (2019-02-15). «"Udalekutako azken egunak beti dira gogorrenak. Askotan ere gehien gogoratzen ditugunak. Atzera begiratu eta gure ibilbide osoa ikusten uzten digutenak, argi ikusi ez arren, lainotuta ikusten uzten digutenak. Gaur, pozik begiratzen diot sortuz sortu dugun eta gaituenari, pluralitatea ahaztu gabe, taldeak sortu gaitu. Plazer handia izan da zu antzeztea, eta zurekin haztea Naia. Plazerez bizi eta hil naiz zurekin batera hainbat aldiz azken bi urte hauetan. Naia Iholdik sortu du bai, baina Iholdik beti edukiko du Naiarentzako lekutxo bat. Laster arte lagun. Gaur, azken aldiz 21:00etan Go! Azen. Eskerrik asko."» Instagram (Noiz kontsultatua: 2019-02-16).
- ↑ «Ikastetxeen arteko erronka dibertigarriak, ETB3ko Erronkan saio berrian» Euskal Irrati Telebista 2020-06-11 (Noiz kontsultatua: 2020-06-29).
- ↑ Daniel(a) EITBren proiektu transmedia bat da. .
- ↑ Iholdi Beristainek taldeko aktorerik onenaren saria. .
- ↑ «Iholdi eta Ibabe Beristain: Gaztea, euskara eta beste piztia mitologikoak» EITB 2022-12-12 (Noiz kontsultatua: 2023-04-02).
- ↑ «"Euskararen etorkizuna irudikatzeko asmoz sortu da Etzigarriak proiektua" - Laudio» Aiaraldea.eus (Noiz kontsultatua: 2023-04-02).
- ↑ Euskalgintza, Aiaraldeko. (2022-12-19). «Aiaraldeako gazteak euskararen inguruan mintzo» Euskararen normalizazioan beste urrats bat. (Noiz kontsultatua: 2023-04-02).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q50404832