Ilarratzeko abadia

Ilarratzeko abadia Gurutze Zainduaren eliza
UNESCOren gizateriaren ondarea
Nafar bidea
Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Esteribar
Koordenatuak	42°54′29″N 1°31′31″W
Gizateriaren ondarea
Erreferentzia	669-302
Eskualdea	Europa eta Ipar Amerika
Izen-ematea	bilkura)
302

Ilarratzeko abadia Esteribarko Ilarratz eta Ezkirotz lekuen artean XVI. mendeko kristiau eliza bat da.

Eraikina

Gurutze Zainduaren eliza (lehen San Martingo eliza), gaur egun Abadia bezala ezagutzen dena, Iruñeko Artzapezpikutzak partikular bati saldu zion 2008an. Ilarratz eta Ezkirotz arteko erdibidean dagoen eraikuntza da, harriz egina, gotiko berantiar estilokoa (XVI. mendea), nabe bakarrekoa, alboko kapera bat duena (ebanjelioaren aldekoa), habeartearen altuera berekoa, burualdea burualde zuzena duena eta oinaldean kanpandorrea duena. Geroagoko aldaketa batzuek (XVII. mendetik aurrera) eragina izan zuten eraikinaren egituran eta altzarietan. Epistolaren aldeko hormatik sartzen da, arkupeak babesten duen erdi-puntuko arkudun ate batetik. Estalkia gurutze-ganga izartuz estalita dago, eta giltzarriak ditu eremu guztietan, oinaldeko atalean izan ezik, hor baitago goi-korua, dorrearen beheko zatiarekin bat datorrena, dinteldua baita. Erretaula nagusia, urre koloreko egurrez eta polikromatua, Artzapezpikutzak saldu aurretik kendu zuena, gaur egungo obra da, eta erdiko horma-hobian Santa Luziaren irudia du, fardel biribilekoa. Elizaren ondoan Santa Luzia baseliza eta gaur egun erabiltzen den hilerria zeuden.

Erreferentziak

• «Esteribar | Ilarratz» esteribar.org (Noiz kontsultatua: 2021-09-11).

Ikus, gainera

• Ilarratz

Kanpo estekak

• Datuak: Q65970906
• Multimedia: The Abbey (Ilarratz) / Q65970906