Iparraldeko xake-tximeleta

Iparraldeko xake-tximeleta
	Irudi gehiago
Iraute egoera
	; Arrisku txikia (IUCN 3.1)
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Hesperiidae
Generoa	Carterocephalus (en)
Espeziea	Carterocephalus palaemon; Pallas, 1771
Datu orokorrak
Ostalaria	Molinia caerulea, Calamagrostis purpurascens, Larre-olo, Brachypodium sylvaticum eta Calamagrostis purpurea
Zabalera	25,5 mm

Iparraldeko xake-tximeletaa (Carterocephalus palaemon) Hesperiidae familiako lepidopteroen espezie bat da. Europan eta Asian hedaturik dago. Iberiar penintsulan iparraldean soilik aurkitzen da, Asturiastik Piriniotara.

Peter Simon Pallas zoologo alemaniarrak deskribatu zuen 1771. urtean.

Deskribapena

Tximeleta txiki-ertaina da, 26-30 mm arteko hegal zabalera du. Hegalak marroi ilunak dira eta orban laranjak aurrealdean eta urre kolorekoak atzealdean dituzte, xake taula baten antzera. Hegalen ertzak zuriak dira. Hegalen azpialdean antzerako patroia mantentzen da, baina kolore argia dute eta orban horixkak lerro ilunez inguraturik daude^[1].

Arra eta emea antzekoak dira koloreei dagokionez, baina emeak pixka bat handiagoak dira.

Bizi zikloa

Belaunaldi bakarra ateratzen duen tximeleta da. Martxo-apiriletik uztailera ikusten dira imagoak hegan. Tximeleta arrak lurraldekoiak izaten dira^[2]. Emeak beldarra elikatuko den landarearen hostoetan banan bana jartzen ditu arratzak. Beldarra fina eta berdea da, hibernatu ondoren kolore arrea hartzen du. Hosto bat kiribildu egiten du babesleku gisa eta bertan bizi da. Jateko soilik ateratzen da bertatik^[1].

Gramineoen hosto lehorretan ezartzen du pupa eta handik tximeleta heldua jaioko da.

Habitata

Zelai hezeetan eta basoetako soilguneetan aurkitzen da, beti ere ura albioan duela, izan ere imagoak sarritan ikusten dira putzu ertzetan ura edaten. 200 m eta 1.400 m arteko altueran aurkitzen dira.