Iraans kalender

Dootem efter a
Iraans kalender:

7. Dey 1403
(= 28. Deetsember 2024)
[aktualisiare]

Di Iraans kalender, of uk Dschalālikalender (näämd efter Dschalal ad-Dawlah Malik Schah, 1055–1092) woort sant 1925 üs amtelk kalender uun a Iraan brükt, leeder uk uun Afghaanistaan.

Hi racht ham efter at sanjuar an begant tu Nouruz (wosbegan). Det juar hää 365 daar an uun skregeljuaren 366 daar. A muuner haa 31, 30 of 29 daar. A skregeljuaren san oober ööders ferdiald üs bi a Gregoriaans kalender, an diaram ferspring a daar leewen ans am ään dai tu föören of tu bääften.

Di neimuudis Iraans kalender gongt üüb di Nouruz-Nameh-Kalender faan't juar 1079 turag, di salew üüb a zoroastrisk kalender apbaut.

Det tidjreegnang begant mä't ütjwaanrang (Hidschra) faan a profeet Mohammed faan Mekka tu Medina. Sodenang wiar faan a 21. Maarts 2007 bit 19. Maarts 2008 efter a Iraans kalender det juar 1386. För dooten tesken a 1. Janewoore an a 20. Maarts skel 622 juar faan a Gregoriaans kalender uftaanj wurd, för dooten tesken a 21. Maarts an a 31. Detsember 621 juar.

A muuner

A nöömer kem faan't ualpersisk uf, uun Afghaanistaan wurd nöömer faan 12 stäärbilen brükt.

Tidjrüm^[1]	Iraans nööm (Persisk)	Madelpersisk (Pahlavi)^[2]	Awestisk	Bedüüdang	Stäärbil	Afghaanisk-persisk (= stäärbil)	Pashto (= stäärbil)	Tage	Ööders wat
21. Maarts bit 20. April	Farwardin ‏فروردين‎ [færværdin]	Farwardīn	Fravashinam	Driiwen krääft	Room	Ḥamal ‏حمل‎	Wrai ‏وری‎	31	Wosbegan
21. April bit 21. Mei	Ordibehescht ‏ارديبهشت‎ [ordiːbeheʃt]	Ardwahischt	Asha Vahista	Woorhaid an rianhaid	Hole	Saur ‏ثور‎	Ġwayai ‏غوايي‎	31
22. Mei bit 21. Jüüne	Chordād ‏خرداد‎ [χordɑd]	Hordād	Haurvata	Sünjhaid	Twanlanger	Jauzā ‏جوزا‎	Ġbargolai ‏غبرګولی‎	31
22. Jüüne bit 22. Jüüle	Tir ‏تير‎ [tiːr]	Tīr	Tishtria	Rinengel	Kraab	Saraṭān ‏سرطان‎	Čangaś ‏چينګاښ‎	31	Somerbegan
23. Jüüle bit 22. August	Mordād ‏مرداد‎ eegentelk: Amordād	Amurdād	Ameretat	Iiwag leewent	Lööw	Asad ‏اسد‎	Zmarai ‏زمری‎	31
23. August bit 22. September	Schahriwar ‏شهريور‎ [ʃæhriːvær]	Schahrewar	Kheschtravarija	Huuchhaid	Jongfoomen	Sunbula ‏سنبله‎	Waźai ‏وږی‎	31
23. September bit 22. Oktuuber	Mehr ‏مهر‎ [mehr]	Mihr	Mithra	San, frinjskap, leefde	Waag	Mīzān ‏میزان‎	Təla ‏تله‎	30	Harefstbegan
23. Oktuuber bit 21. Nofember	Ābān ‏آبان‎ [ɑbɑn]	Ābān	Apam	Bewaarer faan't weeder	Skorpioon	ʿAqrab ‏عقرب‎	Laṛəm ‏لړم‎	30
22. Nofember bit 21. Detsember	Āsar ‏آذر‎ [ɑzær]	Ādur	Atar	Ial	Böögsjiter	Qaus ‏قوس‎ (= böög)	Lindəi ‏ليندۍ‎	30
22. Detsember bit 20. Janewoore	Déi ‏دی‎ [dɛj]	Day	Dino	Skeeber	Stianbok	Jadi ‏جدی‎	Marġumai ‏مرغومی‎	30	Wonterbegan
21. Janewoore bit 19. Febrewoore	Bahman ‏بهمن‎ [bæhmæn]	Wahman	Wahuman	Gud soochter	Weedermaan	Dalv(a) ‏دلو(ه)‎ (= amer)	Salwāġa ‏سلواغه‎	30
20. Febrewoore bit 20. Maarts	Essfand ‏اسفند‎ [ɛsfænd]	Spandarmad	Spendaramd	Sünaghaid	Fasker	Ḥūt ‏حوت‎	Kab ‏کب‎	29 of 30	uun skregeljuaren

Luke uk diar

Kalender

Referensen

↑ Di dai uun a Gregoriaans kalender fersprangt leewen am ään dai, auer a ünlik skregeljuaren.
↑ Di madelpersisk kalender käänt uk en skregelmuun (Frawardīgān).

[1] Di dai uun a Gregoriaans kalender fersprangt leewen am ään dai, auer a ünlik skregeljuaren.

[2] Di madelpersisk kalender käänt uk en skregelmuun (Frawardīgān).

[1]

[2]