Isolacion termica
L’isolacion termica designa l'ensemble de las tecnicas realizadas per limitar los transferiments de calor entre un mitan caud e un mitan freg. L'isolacion termic es utilizada dins fòrça domènis incluissent per exemple: lo bastit (manten d'una temperatura de confòrt a l'interior d'un bastit en depensant lo minim d'energia), l'industria, l'automobila, la cadena del freg, la cosina e lo textil (sus tèrra, dins l'espaci, sota mar[1]...)
Escambis de calor
[modificar | Modificar lo còdi]Un escambi de calor se realiza entre dos mitans del moment qu'existís una diferéncia de temperatura entre aquestes dos mitans e tan mai que l'escart de temperatura es important. La calor se propaga del mitan caud cap al mitan freg per l’intermediari de la conduccion, del rai de calor, de la conveccion o per l'accion simultanèa d'un o mai d'aquestes fenomèns.
La tòca de l'isolacion termica es de reduire, veire suprimir, los escambis termics entre dos còrs de temperaturas diferentas. Pòt aver per tòca de gardar la calor presenta a l’interior d'un ostal, o gardar lo freg dins un refrigerator. Aquò passa per l'interposicion d'un material isolant entre lo mitan caud e lo mitan freg. Aqueste material mai sovent nomenat « isolant termic » pòt èsser una simpla sisa d'aire sec[alpha 1], veire lo vuèit d'aire entre aquestes dos mitans.
Bastit
[modificar | Modificar lo còdi]
L'isolacion d'un bastit permet de demesir los escambis de calor entre l'interior del bastit e l'environament exterior, e atal demesir los besonhs de caufatge e, tanben, de climatizacion. Aquesta isolacion se deu pensar en foncion de las constrenchas climaticas del luòc ont se situa lo bastit. L'isolacion termica es lo principi de basa de l'ostal passiu. Emprisona la calor a l'interior en ivèrn e garda l'ostal fresc en estiu. Una isolacion melhora redusís la consomacion d'energia; e, una reduccion de la consomacion d'energia implica, gaireben sempre, una reduccion de las emissions de GES (gas am efièch de sèrra). S'agís donc d'un bon començament dins la luta contra lo escalfament global.
La luta contra lo degalh d’energia passa per l’isolacion termica del bastit (interior o exterior), que siá caufada o refregida. En França, e dins fòrça païses, fa l’objècte de reglamentacions. En França, l’isolacion dels lotjaments novèls es obligatòri mas es tanben un mejan eficaç de reduire las despensas de caufatge e de climatizacion tot melhorant lo confòrt. Es encortjada pels poders publics pels biais d'ajudas financièras [2],[3] o de nòrmas[4],[5].
Expertisa termica
[modificar | Modificar lo còdi]
Una expertisa termica indica la qualitat d'isolacion d'un ostal[6]. Permet tanben de jutjar quinas solucions son mai adaptadas per melhorar las performanças energeticas e quina es la rendabilitat tocada per aquestes cambiaments.
Isolacion de las canalizacions
[modificar | Modificar lo còdi]
Las tudelariás d’aiga cauda devon èsser isoladas per mesura d’economia e aquestas d'aiga freja per evitar la condensacion e la formacion de givre o de glaç. Los escolaments (gotèras, dogats) devon pas èsser obliats. Pels tudèls de fèble diamètre (10 a 30 mm), existís d'estugs cilindrics en mossa de pausar sus de canalizacions en plaça. L'isolacion de tudèl de diamètre pichon se deu far amb un material performant, que senon aquò poiriá menar, paradoxalament, a aumentar las pèrdas del fach de la mai granda superfícia en contacte amb l'exterior.
Los robinets e autres accessòris pòdon èsser emborrassadas dins de la lanas isolanta mantenguda per un film prim de polietilèn e del riban adesiu.
Los regards exteriors abrigant de tampas devon èsser isolats amb de polistirèn expansat se son pas pro enterrats.
Nòtas e referéncias
[modificar | Modificar lo còdi]Nòtas
[modificar | Modificar lo còdi]- ↑ L'aire umid condusent fòrça mai la calor que l'aire sec e tan mai que l'umiditat es importanta.