Ixone Aroma

Ixone Aroma
	; Irudi gehiago
Bizitza
Jaiotza	Durango, 1982ko irailaren 7a (42 urte)
Herrialdea	Bizkaia, Euskal Herria
Familia
Ama	Marisa Barrena
Hezkuntza
Heziketa	Euskal Herriko Unibertsitatea : Euskal Filologia; Mondragon Unibertsitatea
Hizkuntzak	euskara; gaztelania
Jarduerak
Jarduerak	dantzaria, irakaslea eta wikilaria

Ixone Aroma Barrena (Durango, Bizkaia, 1982ko irailaren 7a) euskal dantzaria, dantza irakaslea, euskara eta literatura irakaslea, wikilaria eta feminista da.

Emakume aitzindaria euskal dantza tradizionalean parekidetasunaren aldeko urratsak ematen. 2015ean Durangaldean, jaietako egun handian, Dantzari dantza dantzatu zuen lehenengo emakumeetariko bat izan zen. Arteako Gaingorri dantza taldearen sortzailea eta irakaslea da,

Arteako Kafrangak talde feministako kidea da.

Biografia

Ixone, txiki-txikitan hasi zen dantzan. Durangoko Tronperri dantza taldean eman zituen lehen dantza-pausoak. Nerabezaroan Kriskitin dantza taldean hasi zen eta urteak daramatza talde horretan dantzari. Euskal Herrian ez eze, Katalunian, Galizian, Espainian, Grezian, Letonian, eta Idahon ere egin izan du dantzan.

Ogibidez euskara eta literatura irakaslea da. Kurutziaga ikastolan egin zituen lehen ikasketak, Durangoko Institutuan batxilergoa, Euskal Filologia ikasi zuen EHUn eta Berrikuntza didaktikoa eta metodologikoen diseinu eta aplikazioari buruzko Masterra Mondragon Unibertsitatean. 2014tik, Euskal literaturara irakurleak hurbiltze aldera, urtero, Hitzez eta Ahotsez literatura egitasmoa antolatzen duen taldeko partaidea da.

Dantzari dantza

2015ean Durangoko jaietan Dantzari dantza dantzatu zuten 4 emakumeetariko bat izan zen. Durangalde osoan emakumeek Dantzari dantza, plazan, jaietako egun handian, dantzatu zuten lehen aldia izan zen. Harrezkero, parekidea da Dantzari dantza Durangoko jaietan.^[1]
2016an Gerediaga Elkarteak Izurtzan antolatutako 49. Merinaldeko Ezpatadantzari Egunean, lehen aldiz, parte hartu zuten 3 emakumeetariko bat izan zen. Aurreko 48 edizioetan gizonezkoek baino ez zuten dantzan egin.^[2]^[3]
2017an Iurretako plazan lehen aldiz dantzatu zuten emakumeek Dantzari dantza, Gerediaga Elkarteak antolatutako 50. Merinaldeko Ezpatadantzari Egunean. 84 gizonen ondoan plazaratu ziren 4 emakumeetariko bat izan zen Ixone.^[4]^[5]

Literatura

2014. urtean Sarri, Hitzez eta Ahotsez literatura egitasmoa jarri zuen martxan beste 5 euskaltzalerekin batera. Hitzaldi, solasaldiak eta jendaurreko irakurraldia dira egitasmoaren ardatza. Berrimet Master Amaierako Proiektua ekimen honen inguruan garatu zuen.^[6] Harrezkero, urtero antolatu izan da Hitzez eta Ahotsez literatura ekimena. Hurrengo edizioetan itsasoa, Durangaldeko idazleak, bidaia, lurra, askatasuna, maitasuna eta ametsak izan dira auketatutako gaiak.^[7]

Wikilari

2021ean Artean wikilari taldea sortzen ahalegindu zen eta harrezkero Arratia eta inguruko emakumeak bistaratzen dihardu, taldelanean, euskarazko wikipedian.

Dokumentalak

2014an Kmovie lehiaketako 2. saria talde-lanean egindako "Zaunk" lanarekin.^[8]
2015ean Mendiak hubilduz laburmetrai lehiaketako 1. saria irabazi zuen "Hutsunea" lanarekin.^[9]
2016an Mendiak hubilduz laburmetrai lehiaketako 3. saria eskuratu zuen "Utah" lanarekin.

Zutabegile

Begitu Arratiako aldizkarian hainbat zutabe idatzi ditu

Erreferentziak

↑ «Neskek ere Dantzari-dantza egin dute lehenengoz, San Fausto egunean | Dantzanet» www.dantzanet.net (Noiz kontsultatua: 2020-03-11).
↑ «Emakumezko dantzariek parte hartu zuten atzo, lehenengoz, Ezpatadantzari Egunean - Izurtza» Anboto.org (Noiz kontsultatua: 2020-03-11).
↑ Orzaiz, Ion. «Durangaldea. Ez neska, ez mutil: dantzari» Berria (Noiz kontsultatua: 2020-05-08).
↑ «50. Ezpadantzari Eguna ospatu dute, Iurretako jaien barruan - Iurreta» Anboto.org (Noiz kontsultatua: 2020-03-11).
↑ Mbarrena. «Ezpatadantzari Egun gogoangarria» dantzan.eus (Noiz kontsultatua: 2020-03-11).
↑ mbilbatua. (2014-05-14). «Sarri, hitzez eta ahotsez» Berrimet bloga (Noiz kontsultatua: 2020-03-11).
↑ «280 literaturazale Hitzez eta Ahotsez jendaurreko irakurraldian» Durangon.com (Noiz kontsultatua: 2020.03.11).
↑ «Durangoko lagun talde batek Kmovie lehiaketako bigarren saria» Durangon.com (Noiz kontsultatua: 2020.03.11).
↑ «Ixone Aroma: "Tableta bategaz grabatu genuen Mendiak Hurbilduz lehiaketarako film laburra" - Durango» Anboto.org (Noiz kontsultatua: 2020-03-11).

Kanpo estekak

Ixone, Garain Soka-dantzan. Sustatu.eus
Erregelen erakustaldia Garain. Dantzan.eus bideoa
Ixone bere osaba Pedro Uriguen gudariaren gorpuzkien aurrean dantzan. Mugalari
Erika Lagoma, Ixone Aroma, Goiuri Iturriza eta Leire Arrietaren saioa Youtube Eraildako emakumeak gogoan Durangon, 2020/11/28

Datuak: Q84516294
Multimedia: Ixone Aroma / Q84516294

[1] «Neskek ere Dantzari-dantza egin dute lehenengoz, San Fausto egunean | Dantzanet» www.dantzanet.net (Noiz kontsultatua: 2020-03-11).

[2] «Emakumezko dantzariek parte hartu zuten atzo, lehenengoz, Ezpatadantzari Egunean - Izurtza» Anboto.org (Noiz kontsultatua: 2020-03-11).

[3] Orzaiz, Ion. «Durangaldea. Ez neska, ez mutil: dantzari» Berria (Noiz kontsultatua: 2020-05-08).

[4] «50. Ezpadantzari Eguna ospatu dute, Iurretako jaien barruan - Iurreta» Anboto.org (Noiz kontsultatua: 2020-03-11).

[5] Mbarrena. «Ezpatadantzari Egun gogoangarria» dantzan.eus (Noiz kontsultatua: 2020-03-11).

[6] tua. (2014-05-14). «Sarri, hitzez eta ahotsez» Berrimet bloga (Noiz kontsultatua: 2020-03-11).

[7] «280 literaturazale Hitzez eta Ahotsez jendaurreko irakurraldian» Durangon.com (Noiz kontsultatua: 2020.03.11).

[8] «Durangoko lagun talde batek Kmovie lehiaketako bigarren saria» Durangon.com (Noiz kontsultatua: 2020.03.11).

[9] «Ixone Aroma: "Tableta bategaz grabatu genuen Mendiak Hurbilduz lehiaketarako film laburra" - Durango» Anboto.org (Noiz kontsultatua: 2020-03-11).

[1]

[2]

[3]

[4]

[5]

[6]

[7]

[8]

[9]