Jølstravatnet

Jølstravatnet
innsjø
Sett frå Vassenden ved utløpet til vatnet.
Land	Noreg
Fylke	Vestland
Kommune	Sunnfjord
Høgd over havet	206-207 moh.
Areal	39,25 km²
Middeldjupn	88 m
Største djupn	233 m
Volum	3,454 km³
Kystlengd1	68,48 km
Koordinatar	61°29′45″N 06°07′54″E
Jølstravatnet 61.495833333333°N 6.1316666666667°E / 61.495833333333; 6.1316666666667
Wikimedia Commons: Jølstravatnet
1 Kystlengd er eit unøyaktig mål som kanskje ikkje er standardisert for denne artikkelen.

Jølstravatnet er eit stort vatn midt i Sunnfjord kommune i Vestland. Vatnet er over 30 km langt og ca. 40 km². Største djupne er 233 m, det vil seie at botnen på vatnet ligg under havnivå. Namnet på vatnet kjem frå bygda det ligg i, Jølster, som har namnet sitt frå det norrøne uttrykket jolmster, som tyder 'bråk' og 'larm'. Utløpselva heiter Jølstra og renn ut i sjøen i Førde 24 km vest for Vassenden i Jølster. Vatnet er kjend som eit av dei beste fiskevatna i landet. Rekordfangstane på garn og stong er 15.5 og 12.1 kg. Det føregår eit relativt stort næringsfiske i vatnet, og t.d. rakauren frå Jølster held høg kvalitet. I det heile er det svært fin kvalitet på fisken i dette vatnet, og dette skuldast i første rekke god regulering av fisket, men også rikeleg tilgang på næring for fisken. Jølstravatnet har gjennom tidene hatt fleire båtruter. Det knyter seg mykje dramatikk og ulukker til vatnet. Mange har drukna der og fleire store ras har teke både liv og eigedom

Eit eldre postkortbilete av Jølstra

Vatnet er ein sentral og dominerande del av landskapet i Jølster. Såleis har det vore motiv for mange målarar og fotografer. Den mest kjende i så måte er Nikolai Astrup (1880-1928), som har Jølstravatnet i mange av sine motiv.