Saltar al conteníu

Jaco Pastorius

De Wikipedia
Jaco Pastorius
Vida
Nacimientu Norristown (es) Traducir, 1 d'avientu de 1951[1]
Nacionalidá Bandera de Estaos Xuníos d'América Estaos Xuníos
Muerte Broward Health (en) Traducir, 21 de setiembre de 1987[1] (35 años)
Sepultura Fort Lauderdale[2]
Causa de la muerte traumatismo contuso (es) Traducir
Familia
Fíos/es Felix Pastorius
Estudios
Estudios Universidá de Miami
Northeast High School (en) Traducir
Llingües falaes inglés[3]
Oficiu baxista, compositor, músicu de jazz, líder de banda, artista d'estudiu
Emplegadores Universidá de Miami
Miembru de Blood, Sweat & Tears
Weather Report
Xéneru artísticu Jazz
jazz-funk (es) Traducir
Instrumentu musical guitarra baxu
guitarra
bajo (es) Traducir
Discográfica Warner Bros. Records
Epic Records
IMDb nm0665141
jacopastorius.com
Cambiar los datos en Wikidata

John Francis Anthony "Jaco" Pastorius III (1 d'avientu de 1951, Norristown (es) Traducir – 21 de setiembre de 1987, Broward Health (en) Traducir) foi un baxista de jazz estadounidense, miembru del grupu Weather Report de 1976 a 1981. Trabayó con Pat Metheny y Joni Mitchell, y grabó dellos álbumes  como solista y líder de banda.[5] La so forma de tocar el baxu básase nel funk, los solos llíricos, los acordes de baxu y los harmónicos innovadores. A partir de 2017, ye l'únicu baxista eléctricu de los siete baxistes incluyíos nel Salón de la Fama del Jazz DownBeat,[6] y foi emponderáu como unu de los meyores baxistes eléctricos de tolos tiempos.[7][8]

Pastorius sufria d'adicción a les drogues y problemes de salú mental a lo llargo de la so vida profesional y, a pesar de la so amplia reconocencia, mientres la última parte de la so vida tuvo problemes para caltener puestos de trabayu por cuenta de la so falta de fiabilidá. Por frecuentes problemes financieros, quedose ensin llar a mediaos de la década de 1980. Morrió en 1987, como resultáu de les mancadures sufiertes nuna engarradiella fora d'un club de after hours nel sur de Florida.

Dempués de la so muerte, el so trabayu siguió influyendo nos músicos. Foi escoyíu para'l Salón de la Fama DownBeat en 1988. Foi'l tema del documental Jaco de 2014.

Biografía

[editar | editar la fonte]

Medrando nel sur de Florida

[editar | editar la fonte]

John Francis Pastorius nació'l 1 d'avientu de 1951 en Norristown, Pennsylvania. Yera'l mayor de trés fíos de Stephanie Katherine Haapala , la so madre finlandesa, y Jack Pastorius, un cantante y batería de jazz que pasaba gran parte del so tiempu na carretera. Jaco tenía ascendencia finlandesa, alemana, sueca ya irlandesa.

La so familia camudó a Oakland Park cerca de Fort Lauderdale cuando tenía ocho años.[9] Fort Lauderdale foi un llugar d'onde salieron personaxes musicales como Mark  Zeltser, concertista de pianu; Archie Shepp, saxofonista de free jazz; Reggie Sears, artista de R & B / soul, ex guitarrista de blues, una neña prodixu; Guitar Nubbit, músicu de blues, entre otros.

El llamatu de Pastorius, "Jaco", foi adoptáu y parcialmente influyíu pol so amor polos deportes, según pol árbitru Jocko Conlan. En 1974, entamó a solletralo "Jaco" dempués de que'l so vecín, el pianista Alex Darqui, escribiéralo mal: camudó la ortografía de “Jocko” a “Jaco” dempués de que'l pianista Alex Darqui unviáralu una nota y comu yera francés, asumió que'l nome solletrábase “Jaco”; a “Jaco” gustó-y la nueva ortografía.

El so hermanu llamólu "Mowgli" n'honor al neñu selvaxe d'El llibru de la selva porque yera enérxicu y pasaba gran parte del so tiempu ensin camisa na sablera, engatando árboles, corriendo pol monte y nadando nel océanu. Asistió a la escuela católica de San Clemente en Wilton Manors y foi molacín na Ilesia de San Clemente. Dempués foi a la escuela secundaria en Northeast High en Oakland Park. El so nome de confirmación foi Anthony, ampliando asina'l so nome a John Francis Anthony Pastorius. Foi intensamente competitivu y destacóse en béisbol, baloncestu y fútbol.[9]

Tocó la batería hasta que se mancó na muñeca xugando al fútbol cuando tenía trelce años. El dañu foi lo suficientemente severu como pa xustificar una ciruxía correutiva y lindó-y la so capacidá pa tocar la batería.[9]

Carrera temprana

[editar | editar la fonte]

Pastorius foi un músicu autodidacta. Nes sos propies palabres[10]: "Un tipu sentábase al pianu (yo nun sabía cuáles yeren les notes del pianu) y él tocaba una tríada de Do. Yo dicía: "¿Qué ye eso?" Y él dicía: "Esa ye una tríada de Do". Asina ye como lo faes, ¿sabes? Realmente nun tes que dir a la escuela nin nada. Nunca foi a la escuela, non pa deprender música."

En setiembre de 1963 formó la so primer banda llamada The Sonics xunto con John Caputo y Dean Noel cuando dibaa l'institutu.

El branu de 1966 incorpórase a "Las Olas Brass" como batería. Pero cuandu tien 15, los sos compañeros de "Las Olas Brass" convoquen al batería Rich Franks pa que lu sustituya nel so puestu. Jaco tía un bon sentíu del ritmu, pero inda ye nuevu ya inespertu nos escenarios. Quiciabes tamién sía por esa grave mancadura que tuvo va dos años nun partíu de fútbol americano.

Ente 1968 y 1969, a la edá de 17 años, Pastorius empezara a apreciar el jazz y había aforráu abondu dineru pa mercar un contrabaxu. El so tonu fondo y nidio atráxo-y, anque enterrió les sos finances. Tuvo dificultaes pal caltenimientu el preséu, lo qu'atribuyó al mugor en Florida. Cuando s'espertó un día y afayó que se rompiera, camudolu por un Fender Jazz Bass de 1962 que mercó colos cuartos que ganaba como repartidor de periódicos.[11]

Na so adolescencia tocó'l baxu para Wayne Cochran y los C.C. Riders.[12]

Pastorius playing bass shirtless in his early years
Pastorius el 27 de Payares de 1977

A principios de la década de 1970, Pastorius enseñó baxu na Universidá de Miami, onde lu recordaríen comu mal profesor por una simple razón: yéra-yos imposible a los alumnos siguir al xeniu que de la mesma yera incapaz de tresmitir les sos conocencies. Ellí fixose amigu del guitarrista de jazz Pat Metheny, que tamién taba na facultá. Con Paul Bley, Pastorius y Metheny grabaron un álbum, dempués tituláu ''Jaco'' (Improvising Artists, 1974).[13] Pastorius necesitaba cuartos porque se casara a los 18 años con Tracy Llee, una camarera que non yá foi l'amor de l'adolescencia: sería la gran muyer de la so vida. Darréu nació Mary y trés años dempués, John Francis IV. Con apenes 22 años, Pastorius tenía una familia que caltener. La gran oportunidá llegó-y en 1975 de la man de Bobby Colomby, batería da banda Blood, Sweat & Tears. El bon home intentó seducir a Tracy nel chigre onde ella trabayaba, y recibió una respuesta más sutil qu'un refugu: “Toi casada col meyor baxista del mundu”. Colomby tomóla en chancia y contestó-y que quería velu tocar. Jaco llegó descalzu, col baxu y una pelota de básquet. Y púnxose a tocar. “Los güeyos saliéronme de les órbites”, recuerda Colomby na conmovedora biografía de Bill Milkowski Jaco Pastorius, La estraordinaria y tráxica vida del meyor baxista del mundu.[14]

Pastorius dempués tocó nel álbum de debú de Metheny, ''Bright Size Life'' (ECM, 1976).[15]Grabó'l so álbum debú en solitariu, Jaco Pastorius (Epic, 1976) con Michael Brecker, Randy Brecker, Herbie Hancock, Hubert Laws, Pat Metheny, Sam & Dave, David Sanborn y Wayne Shorter;[16] esti álbum foi una gran meyora pal baxu eléctricu y pa munchos  ye'l meyor álbum de baxu enxamás grabáu; tal foi l'impactu de Jaco Pastorius que cuando esplotó na escena del  jazz foi reconocíu instantáneamente como un clásicu.

Bright Size Life

[editar | editar la fonte]

El primer día de Pat Metheny como alumnu de la Universidá de Miami foi cuandu conoció a Jaco Pastorius. Con Metheny y Pastorius tuvo a puntu de pasar daqué como lo qu'asocedió entre Eric Clapton y Jimmy Hendrix. Jimmy pidió tocar con Cream nel escenariu, Baker Bruce y Clapton aceptaron. Cuando-y preguntaron que quería tocar, Jimi respondió “Killing Floor”, unu cantar que Clapton  adoraba, pero entá nun apoderaba. Clapton  nun pudo siguir el pasu a Hendrix, y varáu, nun tuvo más remediu qu'abandonar l'escenariu. Cuandu Metheny escuchó tocar al maestru de los cuatro cuerdes quixo abandonar la música de momentu, pero nun acabó como Clapton dempués de ver y oir a Hendrix: tan atayáu qu'intentaba encender  un pitu detrás del escenariu ensin consiguilo. Metheny formaría'l so propiu tríu col batería del grupu de Gary Burton, Bob Moses, y col so almiráu amigu Jaco, actuando de forma regular por diversos chigres de la mariña Este.

El llabor, yá de docente, de Metheny na Universidá de Miami llevólu a escribir una serie d'exercicios musicales onde quería enseñar a los sos alumnos harmoníes más evolucionaes que lo impartío hasta entós n'escueles de música moderna. Asina, en xineru de 1974 compunxo una serie de temes de tinte contemporaneu, basaos nes estructures del jazz-rock que taba entós de moda, según nes del jazz clásicu.

Pal críticu de jazz Murray Horwitz, la melodía ye daqué malo de consiguir, inclusive nel jazz contemporaneu, influyíu inevitablemente pola música popular    que depende cada vez más de ritmos duros y cada vez menos de la melodía y harmonía. La melodía ye por eso, la razón pa Murray Horwitz  pola que Bright  Size Life tien de formar parte de  una biblioteca básica de jazz. Según la óptica de Horwitz, el guitarrista Pat Metheny, el baxista Jaco Pastorius y el batería Bob Moses yeren trés improvisadores melódicos. Y esa improvisación onde yera más patente y natural correspuendía al momentu en que'l tríu faía españar en directu: un Pat Metheny  intentando llevar un control de la situación, y un Jaco Pastorius, gamberru ya irreverente,  tratando de camudar el patrón establecíu por Pat y faciendo de cómpliz nes sos correríes al so compañeru de sección rítmica, Bob Moses. Un toma y daca ente'l mediu oeste de Metheny y la costa este de Jaco  Pastorius. Una tensión de la que ye testigu Bob Moses:

"Lo que tocaba Jaco yera bien potente, y la verdá ye que Metheny intentó suprimilo. Ello ye que tuvi que faer d'arbitro ente dambos. Esto ye, queríense bien pero coles mesmes nun paraben d'engarrase. Yo podía entender dambos puntos de vista. De primeres, la música nun yera de Jaco, senón que se trataba d'un proyeutu de Metheny. El lu entamara tou y había llamao a Jaco pa que tocara la música del. Polo tanto tratábase de daqué bien so. Pero coles mesmes, cuando tienes una formación d'esa calidá, tienes d'intentar buscar un puntu mediu. Si cuentes con daquién tan potente como Jaco, ya inclusive como yo, debes de tratar de permedialo tou. Eso nun asocedió de primeres, pero tres dos o trés actuaciones de prueba antes d'entrar al estudiu, Jaco diose cuenta de que nun había espaciu pa el. Asina que empezó a faese'l fanfarrón. Púnxose a faer coses como por casu pasar d'un valse a un reage metanes una tema y eso faía que Metheny perdiera los nervios. Cuando nos poniamos a tocar dalguna llocura cañera y agresiva entós l'espíritu de Jaco tomaba poder, Metheny solía responder cola bosanova más nidia y delicada, redirixía l'actuación escontra Jim Hall o Wes Montgomery, solo pa recuperar el control de la banda. Nunca nos dexaba de faer más de dos temes siguíes na mesma llinia. Había coses bien interesaes nel senu del grupu pero de toes formes iguábense pa tocar bien bona música".

Weather Report

[editar | editar la fonte]

Antes de grabar el so álbum de debú, Pastorius asistió a un conciertu en Miami de la banda de jazz fusión Weather Report. Dempués del conciertu, averóse al tecladista Joe Zawinul, quien dirixía la banda. Como yera la so costume, presentóse diciendo: "Soi John Francis Pastorius III. Soi'l meyor baxista del mundu".[17] Zawinul almiró'l so descaru y pidió una cinta de demostración. Dempués d'escuchar la cinta, Zawinul diose cuenta de que Pastorius tenía una habilidá considerable.[9] Caltuvieron correspondencia y Pastorius unviólu a Zawinul un toscu amiestu del so álbum en solitariu.

Dempués de que'l baxista Alphonso Johnson dexara Weather Report, Zawinul pidió-y a Pastorius que se xuniera a la banda. Pastorius debutó na banda nel álbum Black Market (Columbia, 1976), nel que compartió la siella de baxu con Johnson. Pastorius establecióse dafechu como únicu baxista de la banda pa la grabación de Heavy Weather (Columbia, 1977), que contenía l'ésitu nomáu al Grammy "Birdland".[12]Jaco solía utilizar dos amplificadores pal baxu, lo que vuelve'l soníu stereo, más espaciosu y dexa asina faer harmónicos nel baxu, cosa nunca vista.

[9] Mientres el so tiempu en Weather Report, Pastorius empezó a abusar del alcohol y les drogues illegales,[9] lo que exacerbó los problemes mentales esistentes y llevólu a un comportamientu erráticu.[18] Nesi momentu, producióse'l divorciu con Tracy, fechu que munchos señalen como'l puntapié inicial del so esvario mental. Hai quienes afirmen que Jaco nunca pudo superar la rotura de la so familia. Claro qu'enforma tuvo que ver la so enllargada ausencia poles xires y conocer a Ingrid Hornmüller, una exótica muyer nacida en Sumatra que-y daría más palantre dos fíos: los mellizos Felix y Julius. La relación con Ingrid a partir da llegada de los neños camudó rotundamente, pos ella dedicóse a protexelos de la degradación na que se diba sumiendo Jaco. Y esi cercu a la relación afondó los males del meyor baxista del mundu. En 1979 protagonizó un papelón en L'Habana, mientres un festival de jazz, cuando arruinó una actuación en tríu con Tony Williams y John McLaughlin. A fines de 1981, dexó Weather Report (un añu antes presentárense en Buenos Aires) y armó la banda de los sos suaños, una big band a la que llamó Word of Mouth y cola que grabó un enorme discu. La compañía (Warner) duldó en sofitar el trabayu pola tozudez de Pastorius d'abrir con Crisis, una anárquica (y poco comercial) pieza que remite a los tiempos libérrimos de Miles Davis.[14]

Word of Mouth

[editar | editar la fonte]
Pastorius na ciudá de New York City con Jorma Kaukonen detrás d'él a la esquierda, Marzu de 1986

Warner Bros. robló a Pastorius un contratu favorable a fines de la década de 1970 basáu na so habilidá innovadora y la so calidá d'estrella, qu'esperaben que conduxera a grandes ventes. Usó esti contratu pa montar el so big band Word of Mouth[9] formaos por Chuck Findley na trompeta, Howard Johnson na tuba, Wayne Shorter, Michael Brecker y Tom Scott nos preseos de llingüeta, Toots Thielemans n'harmónica, Peter Erskine y Jack DeJohnette na batería. y Don Alíes a la percusión. Esti foi'l grupu que grabó'l so segundu discu en solitariu, Word of Mouth (Warner Bros., 1981).[19]

En 1982, Pastorius realizó una xira con Word of Mouth como una big band de 21 integrantes. Mientres taba en Xapón, pa sorpresa de los miembros de la so banda, afaitóse la cabeza, pintóse la cara de negru y refundió el so baxu a la badea d'Hiróxima.[9] Una amistá tóxica col guitarrista Mike Stern y el chigre Grand 55 (alies “55 Grams”, pola cantidá de cocaína que se consumía ellí) nel Soho neoyorquín como xoril fueron pieces clave del so deterioru mental. Jaco pasábase los díes analayando totalmente borrachu o pasáu de drogues, armando shows que depués él mesmu encargábase de sabotear. Llegaba mayormente descalzu y podía pasar en cuestión de segundos del lloru a una postura ególatra. Tenía una enerxía desbordante y taba permanentemente en movimientu; inclusive podía tar dellos díes analayando por Nueva York ensin dormir. A fines de 1982, nuna xira per Italia, el so comportamientu erráticu provocó una batalla campal ente los 20.000 asistentes Diagnosticáron-y trestornu bipolar a fines de 1982 dempués de la xira.[20][21]Pastorius amosara signos de trestornu bipolar antes del so diagnósticu, pero estos signos fueron refugaos como escentricidaes, defectos de calter y pol mesmu Pastorius como una parte normal de la so personalidá desinhibida.[22][23] En 1983, Warner rompió'l venceyu por consideralu una persona intratable; en 1984, nel Playboy Jazz Festival, apenes pudo tocar unes notes y remató ulláu pol públicu. Una constante nos últimos años foi que, cuando'l so estáu torgába-y coordinar y tocar el repertoriu, xubía al máximu'l volume del so amplificador Acoustic 360 y, totalmente aburuyáu, acometía con una versión de Purple Haze, de Jimi Hendrix.[14]

A pesar de l'atención de la prensa, Word of Mouth vendióse mal. Warner Bros. nun quedó impresionáu poles cintes de demostración de Holiday for Pans.[9]Pastorius llanzó un tercer álbum, Invitation (1983), que yera una grabación en vivu de la xira Word of Mouth de Xapón. A midida que los problemes d'alcohol y drogues apoderábense da so vida, tuvo problemes para atopar trabayu y terminó ensin llar. En 1984 entró na so vida Teresa Nagell, una guapura exótica que, a diferencia de les sos otres muyeres, acompañábalu nes xires y trataba d'estabilizalu nos sos momentos de frenesí. Sicasí, les sos engarradielles yeren selvaxes. De sópitu, los sos vieyos compañeros d'aventures empezaron a ingresar en centros de rehabilitación y los sos colegues evitaben tocar con él porque nunca sabíen en qué podía terminar l'aventura. Los qu'intentaben ayudalu finalmente arrenunciaben. Jaco quedó solu colos sos demonios. Daquella, adoptara una costume: metese en conciertos ayenos ya intentar xubir a escena ensin previa invitación. Casi siempres yera sacáu al angazu. Tamién solía entrar en disquerías y llevase corriendo tolos discos nos qu'apaecía (al berru de “son mios”) y regalalos a estraños na cai. Y como nun podía recomponese por que lu tomaren en serio, cada refugu provocábalu mayor dañu. Como cuando nun quixeron recibilo nel sellu Blue Note, quitóse la ropa y entamó a correr desnudu pol antepar del edificiu.

En 1985, mientres filmaba un video instructivu, Pastorius díxo-y al entrevistador, Jerry Jemmott, qu'anque fuera emponderáu de cutiu pola so habilidá, deseyaba que daquién-y diera un trabayu.

En 1986, el so hermanu Gregory persuadiólu de qu'ingresara nun hospital psiquiátricu. Ellí finalmente diagnosticáron-y la enfermedá mental que básicamente-y provocaba actividá frenética, verborraxia, visiones fantástiques, escesu d'autoestima, desatención, velea, enclín a la autodestrucción al traviés d'alcohol, drogues y atracción por situaciones de riesgu físico. Sicasí, cuando tiempu dempués volvió a la cai, nada camudara. Pastorius nunca almitió la so enfermedá.

Al salir del hospital psiquiátricu, prepara una versión amenorgada de Word of Mouth pa faer una xira europea. Esta vegada, el so comportamientu desafináu sobro l'escenariu repitíuse n'Italia. En 1983, Warner ruempe'l so contratu, porque él aportuna con una música que nun tien un enfoque comercial.

A fines de 1984, empecipia otra relación con Teresa Naggell. Tamién, xunto col batería Rashied Ali, entama una xira pelos países del Caribe, qu'inclúi talleres d'enseñanza. Jaco paez estabilizase nesos viaxes, pero, al añu siguiente, n'Europa, mientres la promoción del discu grabáu con Melvin, vuelve'l so comportamientu erráticu. Participa d'un discu promocional del boxeador Muhammed Ali, que'l so oxetivu ye llograr dineru solidario, pero esi álbum nunca llega a publicar.[24]

Ente agostu y setiembre del 86, Jaco llama per teléfonu a les grandes discográfiques pa intentar iguar un contratu, anque l'antecedente con Warner yera motivu suficiente pa resabiar. L'únicu día que sale del hospital ye pa faer un amiestu de Holiday for Pans, el proyectu qu'anunciaría'l so regresu triunfal a les tables. Fuera, l'únicu que lo esperaba yera el batería Brian Melvin, que lu lleva a vivir con él a San Francisco y caltenelu controláu cola medicación prescrita, lloñe de les drogues. Jaco empieza a recuperase, anque llueu otru conflictu va faer taramellar la so estabilidá: Teresa ta embarazada y decide albortar; él refuga esa decisión, pero tampoco s'atopa en condiciones de criar a un fíu. N'ochobre del ‘86, graba temes del batería pa Jazz Street (1989) y en payares, previu pasu pol departamentu de James Cannings en Nueva York, parte a una xira europea pa promocionar Stuttgart Ária y ende, n'avientu, queda'l rexistru de Heavy 'n Jazz (1992).

Cuando Nueva York dio-y la llombu y convirtióse en persona non prestosa en tolos sitios nocherniegos, decidió volver a Fort Lauderdale con Teresa, onde los chigres adulces tamién-y fueron cerrando les puertes pol so comportamientu impredicible. Pa esa dómina convocó a grabar un video nel que yera entrevistáu pol so colega Jerry Jemmott, una especie de clínica de baxu eléctricu. Jemmott introducíulu con unu tabayón d'aponderamientos, como un panexíricu. Pastorius, los güeyos inyectaos en sangre, la mirada perdida y la cara de daquién diez años mayor, namás atolena a contestar: “¡Conseguime un show!”. Yera la gran paradoxa: el meyor baxista del mundu nun tenía ónde tocar nin ónde cayese muertu. La so única compañía yeren los vagamundos, los ensin techu, a quien podía impresionar col baxu o coles sos dotes pal básquetbol en dalguna plaza pública, onde Jaco solía pasar munches nueches dormiendo.[14]

“Pa mi, Jaco foi'l Sid Vicious del jazz”, sentenció Stanley Clarke, virtuosu baxista estadounidense. Namás miqueru qu'esa definición (Sid Vicious yera un pésimu baxista, al que-y apagaben l'equipu en vivu porque nun atotaba una nota).

Muerte

[editar | editar la fonte]

Escontra xineru del ’87, cuandu camudó con Teresa a la casa de la so madre en Fort Lauderdale, la relación ensin discutinios dura pocu. Ellí Pastorius vuelve resultar intratable. Repite les sos conductes neoyorkinas: duerme na cai, enfílase, provoca disturbios, termina na cárcel de Pompan. El 10 de setiembre, una muyer con nome alemán paga la fianza por que'l so almiráu músicu pueda recuperar la llibertá.

Pastorius desendolcó un vezu autodestructivu de provocar engarradielles de chigre y dexase cutir.[9]Dempués d'afletase nel escenariu nun conciertu de Santana nel Teatru Musical Sunrise en Sunrise, Florida'l 11 de setiembre de 1987 y ser espulsáu de les instalaciones, dirixó'l seu camín cara'l Midnight Bottle Club en Wilton Manors.[25] Según los informes, dempués de patiscar una puerta de vidriu y nega-y la entrada al club, viose metíu nuna confrontación violenta con Luc Havan, un emplegáu del club que yera espertu n'artes marciales solména-y una paliza que-y ruempe dellos güesos de la cara y del craniu, amás d'un brazu; los golpes son tan brutales que xuno dos güeyos da víctima movióse da so cuenca.

[26]Pastorius foi hospitalizáu por múltiples quebres faciales y mancadures nel güeyu derechu y el brazu esquierdu, y cayó en coma.[27] Hubo señales alentadores de que saldría de la coma y recuperaríase, pero llueu s'esmorecieron. Una hemorraxa cerebral unos díes dempués provocó-y la muerte cerebral. El so cuerpu entá vivía, gracies a la respiración asistida, pero los médicos faen un tráxicu anunciu a la familia: yá nunca volverá espertar. Anque'l so corazón llate, la so mente nun volverá funcionar. Diez díes dempués de la paliza, los padres del infortunáu individuu apuerten a siguir el conseyu del personal sanitariu y autoricen la retirada da respiración asistida. Quitáron-y el soporte vital y morrió'l 21 de setiembre de 1987, a la edá de 35 años nel Broward General Medical Center en Fort Lauderdale.

Dicía na nota funeraria del New York Times, que Jaco foi «un Monet con sentíu del ritmu». El guitarrista Pat Metheny dixo que yera "una lleenda", Herbie Hancock llamólu "un fenómenu" y pa Hiram Bullock foi "un verdaderu xeniu al nivel de Mozart".

Luc Havan enfrentóse a un cargu d'asesinatu en segundu grau. Declaróse culpable d'homicidiu y foi sentenciáu a ventidós meses de prisión y cinco años de llibertá condicional. Dempués de cumplir cuatro meses en prisión, foi puestu en llibertá condicional por bon comportamientu.[28]

"Sentí pena por Luc", dixo l'hermanu de Jaco, Gregory. "Él foi solo'l preséu de la muerte de Jaco".

Influencies musicales

[editar | editar la fonte]

Les influencies musicales incluyeron a James Jamerson, James Brown, The Beatles, Miles Davis y Stravinsky. Otres influencies musicales inclúin: Jimi Hendrix, Duke Ellington, Charlie Parker, Paul Hindemith, Frank Sinatra, Tony Bennett, The Band, Santana, Frank Zappa, Bob Marley, Rocco Prestia, Tommy Cogbill, Ray Charles, Charles Mingus, John Coltrane, Otis Redding, James T. Doggington, Cannonball Adderley y Jerry Jemmott.

Presencia escénica y técniques baxístiques

[editar | editar la fonte]
Jaco Pastorius, Jazz nel Opera House, San Francisco CA 2/22/82

Hasta aproximao 1970, la mayoría de los baxistes de jazz tocaben el 'baxu acústicu vertical', tamién conocíu como contrabaxu. Nesi momentu, con poques esceiciones (como los baxistes de los tríos que dirixía Bill Evans), los baxistes solíen permanecer en segundu planu col batería, formando la sección rítmica, ente que el saxofonista, el trompetista o'l vocalista remanaben la melodía y dirixíen la banda. . Pastorius tenía otres idees pal baxista. Tocó un baxu eléctricu al que-y quitara los trastes. Tocó rápido y fuerte, cantó y fixo cucurrabucos. Espardió polvu nel escenariu pa poder baillar como James Brown. Bromió y faló col ensame. Describíase a sí mesmu como un vagamundu da playa de Florida, de cutiu diba descalzu y ensin camisa. Yera altu, delgáu y fuerte, y pa daquién que practicaba deportes, el llamatu de "Jocko" quedába-y bien. Los sos pulgares teníen "doble articulación" y los sos deos yeren llargos y delgaos.[9][17]

Pastorius asitiando'l so baxu eléctricu nel suelu pa demostrar los sos armónicos

Dempués d'aprender sobro harmónicos artificiales, amestólos a la so técnica y repertoriu. (Los harmónicos naturales, tamién conocíos como harmónicos de cuerda abierta, tóquense tocando llixeramente la cuerda nun traste mientres se puntea la cuerda, lo que da como resultáu una nota que suena como una campana. Los harmónicos artificiales, tamién llamaos falsos harmónicos, impliquen tocar una nota primando la cuerda contra un traste cola mano esquierda como de costume mientres usa un deu o pulgar de la mano derecha nel traste una octava más alta,[9] tocando y deteniendo simultáneamente la nota.[29]) Un exemplu que se cita de cutiu ye la introducción a "Birdland".

Destacó poles sos virtuoses llinies de baxu que combinaben ritmos afrocubanos, inspiraos n'artistes como Cachao López, con R&B (rhythm and blues) pa crear llinies de funk de semicorchea sincopá con notes fantasma. (Les ghost notes o notes pantasmes, dan-y a les llinies de baxu una autosuficiencia única, creando la sensación d'escuchar una batería dientro del baxu, lo que nun ye d'estrañar, pos una ghost nun ye más qu'un soníu percutíu qu'escarez de nota dalguna)[30]

Tocaba con una técnica de ''pulgar d'ancla móvil" na mano derecha, fondiando na pastilla de la ponte mientres tocaba les cuerdes Mi y La y faciendo callar la cuerda Mi col pulgar mientres tocaba cuerdes más altes. Los exemplos inclúin "Comi On, Come Over" del álbum Jaco Pastorius y "The Chicken" de The Birthday Concert.

Nuna entrevista inédita que se fixo a Jaco en 1976[10], l'entrevistador, Tony Bacon, entrugó:

-El soníu del baxu en «Continuum» ye bien especial. ¿Pues cuntame cómo lu fixisti?

-Toqué'l cantar enteru dos vegaes, nota per nota, asina ye como lo fixi. Tol mundu piensa que lo fixi cola ayuda de la electrónica, pero nun usé nengún pedal nin electrónica. Tou ta nes mios manes. Pero nesti cantar en concretu toqué dos vegaes tou nota por nota, inclusive'l solu, tou. Esto ye daqué únicu, pretendía sonar como un dúu cantando al unísonu.

Equipamientu

[editar | editar la fonte]

Bass of Doom (Baxu da perdición, comu él lu llamó)

[editar | editar la fonte]
Jaco tocando'l Bass of Doom n'un show con Weather Report en 1977.

Pastorius tocó dellos baxos Fender Jazz a lo llargo de los años, pero'l más famosu foi un Jazz Bass de 1962 al que llamó Bass of Doom. Cuando tenía 21 años, Pastorius adquirió'l baxu, que foi modificáu quitando-y los trastes. Creía que los trastes yeren una torga, una vegada llamólos “badenes”.

Nun ta claro cuándo y-quitó los trastes, yá que les sos alcordances variaron a lo llargo de los años. Una hestoria ye qu'usó un cuchiellu pa la mantega pa quitar los trastes y que dempués selló el diapasón con resina epoxi pa evitar que les dures cuerdes de baxu Rotosound RS-66 qu'usaba comiérense la madera desnudo.

[31][32]

Una anécdota, cuntada por Allyn Robinson nuna entrevista con Robert Sturrken nel so programa Nightlife and Music with the Maestro en WYLK Lake 94, afirmaba que Pastorius quitó-y los trastes solu cuatro hores antes d'un conciertu con Wayne Cochran.

En 1986, el baxu foi reparáu polos luthiers Kevin Kaufman y Jim Hamilton, dempués de que se rompiera en munchos cachos.[33]Dempués del arreglu, Pastorius grabó una sesión con Mike Stern (el llexendariu guitarrista que tía l'habilidá única de xugar cola delicadeza y el llirismu de Jim Hall, el swing de Wes Montgomery y l'ataque aturbolinao y enchío d'eletricidá de Jimi Hendrix) , y llueu el baxu foi robáu d'un bancu d'un parque en Manhattan en 1986. Foi atopáu nuna tienda de guitarres en 2006, pero'l dueñu de la tienda negóse a apurrilo. La familia Pastorius reclutó abogaos pa ayudar, pero casi s'arruina en 2010. Robert Trujillo, baxista de Metallica, consideraba a Jaco Pastorius como unu de los sos héroes, y sintió que la familia tendría de tener el baxu. Trujillo ayudó a pagar por que-y lo devolvieren.[34][35]

Fender empezó ufiertando al mercáu una versión ensin trastes del so Jazz Bass estándar a mediaos de la década de 1980, y en 1999 empezó a ufiertar el "Fender Jaco Pastorius Jazz Bass" nes sos series Artist y Custom Shop. Estos preseos inspirense nel Bass of Doom, cola versión Custom Shop con un diapasón selláu con resina epoxi.[36] Na década de 2000, la marca económica de Fender, Squier, ufiertó'l "Squier Vintage Modified Fretless Jazz Bass", que tamién recordaba al preséu de Jaco.[37]

Dende la década de 1980, otres compañíes ufiertaron baxos ensin trastes similares o inspiraos nel Bass of Doom, como Tokai[38] y Edwards[39]

En pallabres de Neil Stubenhaus, el Bass of Doom yera: "súper llixeru, col mástil estrechu, y bien bono de tocar. Cada nota nél ye perfecta, y desempéñase nes melodíes mas fácil qu'otros baxos ensin trastes".

Amplificación y efectos

[editar | editar la fonte]

Pastorius usó los controles de ecualización "Variamp" nos sos dos amplificadores Acoustic 360[40] (fabricaos por Acoustic Control Corporation) pa aumentar les frecuencies de rangu mediu, acentuando asina'l tonu de gurníu natural del so Fender Jazz Bass pasivu ensin trastes y combinando cuerdes de entorcháu redondu (el soníu final d'esti entorcháu ye mas brillosu y con mas harmónicos que l'acabáu flatwound, amás ten mayor sustain).

El Acoustic 360/361 yera un amplificador diseñáu pa grandes escenarios, pol so pesu, potencia y tamañu, y nun yera un amplificador fayadizu para sales pequeñes o clubes. Asina mesmu, yera un amplificador desaxeradamente robezu, pensáu para la carretera y pa un baxista que tivera de xira y dispunxera de roadies que lu movieren. Yera un amplificador bien caru, solo al algame de baxistes y les bandes con un presupuestu folgosu o que nun-yos importara empeñase, como Jaco.

Tamién controló el color del so tonu con una unidá de retardo dixital MXR de montaxe en rack qu'alimentaba un segundu equipu d'amplificador acústicu de plataforma. El retardu o delay básicamente repite lo qu'acabamos de tocar ciertu numbero de vegaes, c'unos milisegundos de retrasu, y de normal un volume decreciente. Si la repetición ye rápida, l'efeutu ye similar a un Reverb, ente que si ye lenta, va producir un efectu cascada bien distintu.

Mientres los postreros trés años de la so vida usó bafles Hartke debíu al calter de los conos d'altavoz d'aluminiu (a diferencia de los conos d'altavoz de papel). Estos apurrieron un soníu claro y brilloso. Polo xeneral, usaba'l retardo nuna manera de coru, apurriendo un efectu de duplicación estéreo brillante. De cutiu usaba'l control de fuzz integráu nel Acoustic 360. Para'l solu de baxu "Slang / Third Stone From the Sun" nel álbum en vivu de Weather Report 8:30 (1979), Pastorius usó'l retardo dixital MXR, que copia la nuesa señal, y reproduzla unos intres más tarde, recreando l'ecu producíu al pegar un berru nos montes, pa superponer y repitir una figura d'acordes y dempués fixo un solu sobro él; la mesma técnica, con un riff de baxu en bucle, pue escuchase mientres el so solu nel video del conciertu de Joni Mitchell Shadows and Light.

Apaiciones como artista convidáu

[editar | editar la fonte]

Pastorius apaeció como convidáu en munchos álbumes d'otros artistes, incluyíu Ian Hunter de Mott the Hoople, y grabó un solu nel track principal del so álbum All American Alíen Boy en 1976. Puede escucháse-y nel álbum de Airto Moreira I'm Fine, How Are You? (1977). El so soníu característicu ye prominente en Everyday Everynight (1978) de Flora Purim, nel qu'interpretó la melodía de baxu d'una composición de Michel Colombier titulá "The Hope", y realizó el baxu y la voz nuna de les sos propies composiciones, titulá "Les Foles". Otres grabaciones incluyeron el trabayu en cuatro álbumes de Joni Mitchell ente 1976 y 1980 (Hejira; Don Juan's Reckless Daughter; Mingus; y Shadows And Light) y Land of the Midnight Sun d'A'l Di Meola, llanzáu en 1976. En llegando al final de la so carrera, trabayó de cutiu col guitarrista Mike Stern, el guitarrista Biréli Lagrène y el batería Brian Melvin.

Reconocencies y honores

[editar | editar la fonte]

Pastorius recibió dos nominaciones a los premios Grammy en 1977 pol so álbum de debú homónimu: una a la Meyor Interpretación de Jazz d'un Grupu y otra a la Meyor Interpretación de Jazz d'un Solista ("Donna Llee").[41] "Donna Llee" ye una improvisación estándar de jazz compuestu pol saxofonista Charlie Parker, anque otros atribúyenla'l trompetista Miles Davis dambos vanguardistas de la música bebop; el tema ye executáu a manera de balada pola dificultá obvia que representa la estrema velocidá de la música bebop. ‘Donna Llee’ foi l'himnu de Jaco Pastorius, unu cantar qu'interpretó una y mil vegaes.

En 1978, recibió una nominación al Grammy a la Meyor Interpretación de Jazz por un Solista pol so trabayu nel álbum Heavy Weather de Weather Report.[42]

La revista Bass Player dio-y el segundu llugar nuna llista de los cien meyores baxistes de tolos tiempos, detrás de James Jamerson, baxista de Motown qu'incluyía grabaciones inmortales con Stevie Wonder, The Temptations, Martha and the Vandellas, Marvin Gaye, The Four Tops y The Supremes

.[43] Dempués de la so muerte en 1987, los llectores de la revista Down Beat votaron pa incluyilu nel Salón de la Fama, xuniéndose a los baxistes Jimmy Blanton, Ray Brown, Ron Carter, Charles Mingus, Charlie Haden y Milt Hinton.[44]

Marcus Miller, bajista de Miles Davis, Luther Vandross y David Sanborn, dixo que "la composición de Jaco foi tan única como la so interpretación".[45]

Munchos músicos compunxeron cantares nel so honor, como "Jaco" de Pat Metheny nel álbum Pat Metheny Group (1978)[46]y "Mr. Pastorius" de Marcus Miller nel álbum Amandla de Miles Davis.

"Escribí Mr. Pastorius y tocar a Miles. A Miles gustó-y y empezamos a grabalo. Preguntóme cuál yera'l títulu. Nun taba seguru de cómo se sentía Miles por Jaco nesi momentu. Nun falamos enforma d'él. Díxi-y a Miles: “Llamar Sr. Pastorius. Puedo pensar n'otru títulu si non te paez bien ". Miles dixo: "Non, creo que ye bien prestosu nomar esto para Jaco".[47]

Otros que-y dedicaron composiciones inclúin a Randy Brecker, Eliane Elias, Chuck Loeb, John McLaughlin, Bob Moses, Ana Popović, Dave Samuels y los Yellowjackets.[9]

El 2 d'avientu de 2007, el día dempués del so cumpleaños, llevóse a cabu un conciertu llamáu "Tributu del 20 aniversariu a Jaco Pastorius" nel Broward Center for the Performing Arts en Fort Lauderdale, Florida, con actuaciones de Jaco Pastorius Big Band y apaiciones de Randy Brecker, Dave Bargeron, Peter Erskine, Jimmy Haslip, Bob Mintzer, Gerald Veasley, los fíos de Pastorius, John y Julius Pastorius, la fía de Pastorius, Mary Pastorius, Roxura Sullivan, Bobby Thomas Jr. y Dana Paul. Casi venti años dempués de la so muerte, Fender llanzó el Jaco Pastorius Jazz Bass, un preséu ensin trastes nel so Artist Series.

Foi llamáu "posiblemente'l baxista eléctricu más importante ya innovador de la hestoria" y "quiciabes el baxista eléctricu más influyente de l'actualidá".[48][49]

William C. Banfield, director d'Estudios, Música y Sociedá Africanos, en Berklee College, describió a Pastorius como unu de los pocos virtuosos estadounidenses orixinales que definieron un movimientu musical, amás de Jimi Hendrix, Louis Armstrong, Thelonious Monk, Charlie Christian, Bud Powell , Charlie Parker, Dizzy Gillespie, John Coltrane, Sarah Vaughan, Bill Evans, Charles Mingus y Wes Montgomery.[50]

Discografía

[editar | editar la fonte]
Artículu principal: Discografía de Jaco Pastorius

Referencies

[editar | editar la fonte]
  1. ↑ 1,0 1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Apaez como: Jaco Pastorius. Identificador Find a Grave: 1995. Afirmao en: Find a Grave. Llingua de la obra o nome: inglés.
  3. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  4. ↑ URL de la referencia: https://www.theguardian.com/music/musicblog/2011/feb/25/weather-report-fusion-jazz-great-moments. Data de consulta: 8 setiembre 2023.
  5. ↑ Harrison, Angus (March 6, 2015). "Jaco Pastorius Is the Most Important Musician You Might Have Never Heard Of | NOISEY". Noisey.vice.com. Retrieved January 14, 2016.
  6. ↑ "DownBeat Archives". downbeat.com. Retrieved September 22, 2018.
  7. ↑ "Readers Poll: Top 10 Bassists of All Time". Rolling Stone. March 31, 2011. Retrieved September 22, 2018.
  8. ↑ Johnson, David. "The Greatest Bass Player In The World: Jaco Pastorius". Indianapublicmedia.org. Retrieved March 30, 2019.
  9. ↑ 9,00 9,01 9,02 9,03 9,04 9,05 9,06 9,07 9,08 9,09 9,10 9,11 9,12 Milkowski, Bill (1995). Jaco: The Extraordinary and Tragic Life of Jaco Pastorius, "The World's Greatest Bass Player". San Francisco: Miller Freeman. ISBN 0-87930-361-1. Error de cita: La etiqueta <ref> ye inválida; el nome «Milkowski 2005» ta definíu delles vegaes con distintu conteníu
  10. ↑ 10,0 10,1 https://reverb.com/news/jaco-pastorius-on-how-he-learned-bass-and-composition-bacons-archive
  11. ↑ Bob Bobbing (2007), Jaco and the upright bass; Jaco Pastorius official website biography
  12. ↑ 12,0 12,1 «Jaco Pastorius Opens Up in His First Guitar World Interview From 1983». Guitar World (28 August 2013). Consultáu'l 31 May 2017.
  13. ↑ Bob Bobbing (2007), Jaco and the upright bass; Jaco Pastorius official website biography
  14. ↑ 14,0 14,1 14,2 14,3 https://www.lanacion.com.ar/lifestyle/jaco-pastorius-gloria-y-ocaso-del-mejor-bajista-del-mundo-nid2062224/
  15. ↑ Ginell, Richard S. "Bright Size Life". AllMusic. Retrieved May 31, 2017.
  16. ↑ «Jaco Pastorius Credits». AllMusic. Consultáu'l 31 May 2017.
  17. ↑ 17,0 17,1 Trjullo, Robert (Producer) (2015). Jaco (DVD). Los Angeles: Slang East/West. Error de cita: La etiqueta <ref> ye inválida; el nome «DVD2» ta definíu delles vegaes con distintu conteníu
  18. ↑ Tom Moon 1987
  19. ↑ Yanow, Scott. "Word of Mouth". AllMusic. Retrieved June 1, 2017.
  20. ↑ "'Jaco,' a Documentary About the Jazz Musician Jaco Pastorius". Nytimes.com. Retrieved September 22, 2018.
  21. ↑ "Metallica's Robert Trujillo On His Hero, Jaco Pastorius". Npr.org. Retrieved September 22, 2018.
  22. ↑ Milkowski 2005
  23. ↑ Grayson, 2003
  24. ↑ https://sobreelmargen.blogspot.com/2017/09/jaco-pastorius-una-matriz-de-estilos.html
  25. ↑ Stanton, Scott (2003). The Tombstone Tourist (2nd ed.). New York: Pocket Books. ISBN 0-7434-6330-7.
  26. ↑ Stratton, Jeff (November 30, 2006). "Jaco Incorporated". New Times Broward-Palm Beach. Retrieved July 19, 2011.
  27. ↑ Krause, Renee (September 16, 1987). "Noted Musician Listed As Critical After Altercation". Sun Sentinel. Retrieved February 15, 2014.
  28. ↑ Zimmerman (1 December 2011). «Happy Birthday, Jaco Pastorius!». New Times Broward-Palm Beach. Consultáu'l 12 June 2017.
  29. ↑ Stix, John (2000). Bass Secrets: Where Today's Bass Stylists Get to the Bottom Line. Cherry Lane Music Company. páxs. 46–. ISBN 978-1-57560-219-6. Retrieved June 26, 2017.
  30. ↑ http://bassborja.blogspot.com/2010/06/leccion-de-slap-ghost-notes_22.html
  31. ↑ "The Life of Jaco". jacopastorius.com. Retrieved June 20, 2017.
  32. ↑ Duffy, Mike (June 21, 2010). "Metallica's Trujillo Rescues Jaco Pastorius' Bass of Doom". Fender News. Retrieved June 20, 2017.
  33. ↑ "Remembering Jaco Pastorius: A Tribute to His Favorite Gear". reverb.com. Retrieved May 24, 2018.
  34. ↑ Johnson, Kevin (May 31, 2010). "Robert Trujillo Helps Pastorius Family Reclaim Jaco's "Bass of Doom"". No Treble. Retrieved June 11, 2017.
  35. ↑ Bradman, E.E. (January 15, 2016). "Jaco! The Story Behind Robert Trujillo's Intense New Documentary". BassPlayer.com. Retrieved June 11, 2017.
  36. ↑ Bacon, Tony; Moorhouse, Barry. (2008). The bass book: a complete illustrated history of bass guitars. Hal Leonard Corporation, second edition. p. 101-103. ISBN 0-87930-924-5
  37. ↑ "Squier Vintage Modified Fretless Jazz User Reviews | zZounds". Zzounds.com. Retrieved October 4, 2019.
  38. ↑ http://brochures.yokochou.com/guitar-and-amp/tokai/1981/en_04.html
  39. ↑ https://reverb.com/au/item/30352616-2007-edwards-by-esp-jaco-pastorius-fretless-jazz-bass-guitar-made-in-japan?locale=en-AU
  40. ↑ "Acoustic 360 amplifiers". Acoustic.homeunix.net. Archived from the original on July 23, 2011. Retrieved July 19, 2011.
  41. ↑ Grammy Awards 1977", Awards and Shows, retrieved July 1, 2013
  42. ↑ "Grammy Awards 1978", Awards and Shows, retrieved July 1, 2013
  43. ↑ "The 100 Greatest Bass Players of All Time". BassPlayer.com. February 24, 2017. Retrieved June 11, 2017.
  44. ↑ "DownBeat Hall of Fame", DownBeat, retrieved July 1, 2013
  45. ↑ "JacoPastorius.com : Guest Artists : Marcus Miller". March 5, 2009. Archived from the original on March 5, 2009. Retrieved October 4, 2020.
  46. ↑ Metheny, Pat (2000). Pat Metheny Song Book (Songbook ed.). Milwaukee, WI: Hal Leonard Corp. p. 439. ISBN 0-634-00796-3.
  47. ↑ http://jacopastorius.com/features/perspectives-on-jaco/marcus-miller-on-jaco/
  48. ↑ Belew, Adrian; Di Meloa, Al; Fripp, Robert; McLaughlin, John (1986). Casabona, Helen (ed.). New directions in modern guitar. Milwaukee, WI: Hal Leonard. ISBN 0881884235.
  49. ↑ Starr, Eric; Starr, Nelson (2008). Everything Bass Guitar Book. Holbrook, MA: F+W Media. ISBN 9781605502014.
  50. ↑ Banfield, William C. (2010). Cultural codes : Makings of a Black Music Philosophy. Lanham: Scarecrow Press. p. 161. ISBN 9780810872868.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Jaco_Pastorius&oldid=4292629»