James L. Brooks

James L. Brooks

Biografía
Nacemento	9 de maio de 1940 (84 anos) Brooklyn, Estados Unidos de América
Educación	Universidade de Nova York Weehawken High School (en)
Actividade
Lugar de traballo	Nova York Os Ánxeles Estados Unidos de América
Ocupación	guionista, produtor de televisión, realizador, escritor, produtor de cinema, director de cinema, produtor
Período de actividade	1965 -
Empregador	CBS John Charles Walters Company (en) MTM Enterprises (pt) Gracie Films (pt)
Membro de	Writers Guild of America, West
Premios
(1982)  Óscar ó mellor guión adaptado, premiado polo traballo Terms of Endearment (1982)  Óscar ó mellor filme, premiado polo traballo Terms of Endearment (1982)  Óscar ó mellor director, premiado polo traballo Terms of Endearment (1977)  Primetime Emmy Award de melhor roteiro em série de comédia (pt) , premiado polo traballo The Mary Tyler Moore Show (pt) (1971)  Primetime Emmy Award de melhor roteiro em série de comédia (pt) , premiado polo traballo The Mary Tyler Moore Show (pt)  National Board of Review Award ao mellor filme  premios do Sindicato de Directores  Premio Globo de Ouro  Premios Emmy do Primetime  premios do Sindicato de Guionistas dos Estados Unidos
Descrito pola fonte	Obálky knih,
Páxina web	graciefilms.com

James Lawrence Brooks, nado en Nova York o 9 de maio de 1940, é un director, produtor e guionista estadounidense.

Traxectoria

Brooks naceu no barrio de Brooklyn pero criouse en North Bergen, dentro da área metropolitana de Nova York; comezou a realizar un curso de relacións públicas na Universidade de Nova York pero deixou os estudos sen rematar, traballando na CBS e tras dous anos acadou un posto como escritor para a CBS News. En 1965 mudouse aos Ánxeles, traballando como escritor para documentais de David L. Wolper, tras coñecer ao produtor Allan Burns conseguiu un traballo como guionista na serie My Mother the Car, traballou en numerosas outras series e en My Friend Tony (1969) foi o xefe de guionistas, creando en 1969 a serie Room 222. Grant Tinker contratou a Brooks e Burns para MTM Productions, creando The Mary Tyler Moore Show en 1970, unha das primeiras series en amosar unha muller traballadora, solteira e independente como protagonista principal recibiu boas críticas e supuxo o primeiro Emmy para Brooks. Rhoda (1974-1978) e Lou Grant (1977-1982), tamén ideadas por Brooks e Burns, apareceron como series derivadas de Mary Tyler Moore. En 1978 deixou MTM Productions para crear, xunto a outros empregados de MTM, a produtora John Charles Walters Company, onde creou a serie Taxi (1978-1982) que gañou múltiples Emmys pero que se cancelou dúas veces polos seus baixos índices de audiencia.

En 1979 comezou a traballar no cine, nese ano escribiu e coproduciu o filme Starting Over. En 1983 produciu, escribiu e produciu A forza do cariño, que gañou tres Óscar. Baseou o seu seguinte filme Broadcast News nas súas propias experiencias xornalísticas, recindo dúas candidaturas aos Óscars. O seu traballo de 1994 I'll Do Anything non tivo boas críticas e As Good as It Gets (1997, coescrito con Mark Andrus) foi un éxito de portelo. Non realizou outro filme ata 2004, Spanglish. En 2010 foi a estrea do seu sexto filme How Do You Know. Brooks tamén produciu e axudou a Cameron Crowe en Say Anything... (1989) e Wes Anderson e Owen Wilson en Bottle Rocket (1996).

Brooks volveu á televisión en 1987 como o produtor executivo de The Tracey Ullman Show e contratou a Matt Groening para crear unha serie de curtas animadas para o programa, que acabaron por ter a súa propia serie independente The Simpsons en 1989, que gañou numerosos premios e que despois de máis de vinte anos aínda se segue a producir. Brooks tamén coproduciu e coescribiu a adaptación ao cine The Simpsons Movie (2007)

Ao longo da súa carreira Brooks recibiu 47 candidaturas aos Emmy, gañando 20.