Jan Alexandrowitsch Nepomnjaschtschi
Jan Alexandrowitsch Nepomnjaschtschi (russisch: Ян Александрович Непомнящий}}; wetenschaplich Transliteratschoon Jan Nepomnjaščij; * 14. Juli 1990 in Brjansk is en russisch Schachgrootmeester.
Leven
[ännern | Bornkood ännern]Nepomnjaschtschi hett dat Schachspeel all mit veereenhalf Johren lehrt. He is in en intellektuellen un literaturbegeisterten Familie upwussen; sien Grootvader Boris Nepomnjaschtschi weer en in Brjansk bekannt Lyriker. Nepomnjaschtschis eerste Schachtrainer weern neben sien Unkel Igor Nepomnjaschtschi Walentin Jewdokimenko as ok Meester Waleri Silberstein un Grootmeester Sergei Janowski. As he söben Johr olt weer, weer he all Speler vun de 1. Kategorie, en Johr later Meesteranwärter.[1] He hett tallriek russische un internatschonalen Jöögdmeesterschapen wunnen. Ünner annern wurr he 2000 in Kallithea (Chalkidiki) Jöögdeuropameester U10, 2001 an glieker Stäe Sieger vun de Kategorie U12, in Peniscola 2002[2] hett he den Titel verteidigt. 2002 hett he Jöögdweltmeesterschap U12. 2003 wunn he en Jungmeesterturnier in Kirischi vör Ildar Chairullin, Dmitri Andreikin un Maxim Matlakow un een Johr later de russische Jöögdmeesterschap U18.
2005 wurr he in Belfort Jöögdweltmeester U16. 2006 hett he sück mit en deelten tweeten Platz in de eerst russisch Liga in Tomsk, en Qualifikatschonsturnier för de russisch Meesterschap, eerstmals för dat Finale vun de russisch Meesterschap, de in dat sülvig Johr in Moskau utdragen wurr, qualifizeert. 2007 wurr he tweet achter Michał Krasenkow, den he besiegen kunn, bi dat Corus-C-Turnier in Wijk aan Zee. In dat sülvig Johr wunn he weer dat Jungmeesterturnier vun Kirischi (nah Wertung vör Rauf Məmmədov, Parimarjan Negi un Sawen Andriasjan).[3] 2007 kreeg he vun de FIDE den Grootmeestertitel.
Den bit dorhen gröttsten Erfolg in sien jung Karriere fier he in’n Februar 2008, as he dat Aeroflot Open in Moskau winnen dee. He reck 7 Punkte ut 9 Partien un wurr alleenig Eerst vör Alexander Motyljow un Alexei Drejew. Sien Sieg broch hüm ok en Inlaaden in to de Düörpmer Schachdaag 2008, en vun de weltwiet ansehnst Eliturniere, bi dat he den deelten 2. Platz recken dee.[4] Kört dorup wunn he en vun de weltgröttsten Open, de Chess Classic in Mainz. Mit dissen Sieg drüff he 2009 um de Schnellschach-Weltmeesterschap spelen, bi de he in dat Finale mit 1:3 gegen Lewon Aronjan ünnerleegen weer. In’n März 2010 wunn he in Rijeka de Europameesterschap mit 9 Punkten ut 11 Partien vör Baadur Dschobawa un Artjom Walerjewitsch Timofejew. In‘n Dezember 2010 wurr he nah en Steekkamp gegen Sergei Karjakin russisch Landsmeester. In‘n Juli 2018 wunn he mit 5 Punkten ut 7 Partien eerstmals de Düörpmer Schachdaag.
Över den FIDE Grand Prix 2019 kunn he sück för dat Kandidatenturnier 2020 qualifizeeren.
Sein bither hööchste Elo-Tall reck he mit 2776 in’n September 2019, wat dormals Platz 5 vun de Welt weer.
Natschonalmannschap
[ännern | Bornkood ännern]Nepomnjaschtschi hett an de Schacholympiade 2010 mit de tweet russisch Mannschap un an de Schacholympiade 2014 mit de russisch Mannschap deelnommen. He reck 2010 an dat eerste Brett un 2014 an dat Reservebrett jewiels dat dartbeste Eenzelergevnis.[5][6] He hett buterdem an de Mannschapsweltmeesterschapen 2011 un 2013 teil deelnommen. 2013 wunn he mit Russland, 2011 reck he an dat darte, 2013 an dat veerte Brett dat beste Eenzelergevnis.[7] An de Mannschapseuropameesterschap hett he 2011 un 2015 deelnommen un dorbi 2015 mit Russland wunnen un ok dat dartbeste Ergevnis an dat veerte Brett reckt.[8]
Vereens
[ännern | Bornkood ännern]In de russische Mannschapsmeesterschap speel Nepomnjaschtschi 2006 för Tomsk-400, mit de he in dat glieker Johr den European Club Cup wunn[9], 2007 för Elara Tscheboksary, 2008 un 2009 för SchSM-64 Moskau, 2010 för Ural Jekaterinburg, 2011 un 2012 för Ekonomist-SGSEU-1 Saratow as ok 2013 bit 2016 för SchSM-Nasche Nasledije Moskau. 2017 speel he denn för Siberia Novosibirsk[10].
Weblinks
[ännern | Bornkood ännern]
Jan Nepomnjaschtschi. Mehr Biller, Videos oder Audiodateien to’t Thema gifft dat bi Wikimedia Commons.
Enkeld Nahwiesen
[ännern | Bornkood ännern]- ↑ Biographisch Angaven luut Анна Рудницка - Ход за Яном (russisch)
- ↑ Jörg Schulz: Europameisterschaft U10-U18. JugendSchach Utgaav 9/2002, S. 4–14 (Bericht, Tabellen, Fotos un Partien).
- ↑ Turnierergebnisse 2000-2007 luut Chessbase Megabase 2008
- ↑ Sparkassen Chess Meeting 2008 im Dortmunder Schauspielhaus up TeleSchach
- ↑ Jan Nepomnjaschtschi sien Ergevnisse bi Schacholympiaden up olimpbase.org (engelsch)
- ↑ Brettpries bi de Schacholympiade 2014 up chess-results.com
- ↑ Jan Nepomnjaschtschi sien Ergevnisse bi Mannschapsweltmeesterschapen up olimpbase.org (engelsch)
- ↑ Jan Nepomnjaschtschi sien Ergevnisse bi Mannschapseuropameesterschapen up olimpbase.org (engelsch)
- ↑ Jan Nepomnjaschtschi sien Ergevnisse bi European Club Cups up olimpbase.org (engelsch)
- ↑ Jan Nepomnjaschtschi sien Ergebnisse bi russisch Mannschapsmeesterschapen up olimpbase.org (engelsch)