Jan Ast
Jan Ast (němsce Johann Ast; * 1. junija 1655 we Wojerecach, † 3. meje 1733 w Budyšinje) bě serbski ewangelski farar a přełožowar.
Wón wopytowaše wot 1670 do 1679 Budyski gymnazij a studowaše wot 1679 w Lipsku ewangelsku teologiju. Po zakónčenju studija skutkowaše wot 1686 do 1690 jako farar w Husčanskej wosadźe a wot 1690 hač do swojeje smjerće při Michałskej cyrkwi w Budyšinje.
Ast płaći jako wuběrny prědar a dobry přełožowar kěrlušow. W lěće 1701 je prěnje serbsko-ewangelske spěwarske sobu zestajał a wudał.
Žórło
[wobdźěłać | žórłowy tekst wobdźěłać]- Arnošt Simon: Ast, Jan. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 35