Jan Kempdorp

Jan Kempdorp
Dorp
Ou hoofkwartier van die interneringskamp
Jan Kempdorp  Jan Kempdorp se ligging in Noord-Kaap
Koördinate: 27°55′0″S 24°50′0″O
Land	Suid-Afrika
Provinsie	Noord-Kaap
Distrik	Frances Baard
Munisipaliteit	Phokwane
Stigting	1899
Oppervlak
• Totaal	19,07 km2 (7,36 vk. myl)
Bevolking  (2011)
• Totaal	24 220
• Digtheid	1 270/km2 (3 300/vk. myl)
Rasverdeling (2011)
• Wit mense	6.8%
• Indiërs/Asiërs	0.4%
• Bruin mense	12.9%
• Swart mense	79.4%
• Ander	0.6%
Taal (2011)
• Tswana	63.7%
• Afrikaans	19.8%
• Xhosa	9.7%
• Sotho	1.9%
• Ander	4.9%
Poskode (strate)	8550
Poskode (posbusse)	8550
Skakelkode	053

Jan Kempdorp is 'n dorp in die Noord-Kaap, Suid-Afrika wat onder die Phokwane Plaaslike Munisipaliteit ressorteer. Die dorp is 96 km noord van Kimberley en 43 km wes van Christiana geleë. Voorheen was dit die enigste dorp in Suid-Afrika wat oor twee provinsies, (Kaapland en Transvaal), versprei was. In 1994 is dit onder die Noord-Kaap ingedeel.

Geskiedenis

Ou swembad op die kampterrein

Ruïne op die ou kampterrein

Kruis met naambord op die munisipale begraafplaas

Die dorp lê aan die suidelike punt van die Vaalharts-besproeiingskema en het in 1938 as 'n kamp vir die werkers van die projek ontstaan. Die dorp het eers bekend gestaan as Andalusia, die naam van die plaas waarop die kamp gebou is. Die kamp het gegroei met tyd en is in 1954 geproklameer en na Boeregeneraal J.C.G. Kemp vernoem. Hy was destyds die minister van lande.

Destyds het die grens tussen die ou Transvaal en Kaapland deur die dorp geloop. Geen plaaslike owerheid kon dus gestig word nie en die taak is deur die Staatsdepartemente verrig. In 1964 is die Jan Kempdorpwet deurgevoer wat verseker het dat die Transvaalse helfte deur die Kaapprovinsie bestuur kan word.

Na die totstandkoming van die nuwe regering in 1994 met sy nege provinsies, het die grens van die Noord-Kaap en Noordwes nog steeds deur die dorp gegaan.

Omgewing

Die Graspan-natuurreservaat is 10 km suidwes van die dorp en is hoofsaaklik vir watervoëls ontwikkel.

Sien ook

• Lys van dorpe in Suid-Afrika

Bronne

• Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
• Rosenthal, Eric (1967). Ensiklopedie van Suidelike Afrika. Juta and Company Limited.

Eksterne skakels

• Wikimedia Commons het meer media in die kategorie Jan Kempdorp.