Jeff Xavier

Jeff Xavier
	;
Biografía
Nacemento	7 de setembro de 1985 (39 anos); Pawtucket, Estados Unidos de América
Educación	St. Raphael Academy (en) ; Manhattan University (en)
Altura	185 cm
Actividade
Ocupación	baloncestista
Período de actividade	2009 -
Nacionalidade deportiva	Estados Unidos de América ; Cabo Verde
Deporte	baloncesto
Liga	Baloncesto masculino da División I da NCAA
Posición de xogo	Base e Escolta
2004–2006
Traxectoria
Participou en
2015	FIBA Afrobasket 2015 (pt)
2009	FIBA Africa Championship 2009 (en)

Jeffrey Nunes Xavier, nado o 7 de setembro de 1985 en Pawtucket (Rhode Island, Estados Unidos), é un ex-xogador profesional de baloncesto internacional caboverdiano. Cunha estatura de 1,86 metros xogaba na posición de escolta.

Traxectoria

Jeff Xavier graduouse no instituto St. Raphael Academy da súa cidade de natal, Pawtucket, en 2004, recibindo unha bolsa para xogar ao ano seguinte coa Universidade de Manhattan na NCAA. As súas boas actuacións nesa universidade fixéronlle chegar unha oferta da Universidade de Providence, á cal non rexeitou. Segundo o regulamento da competición o troco de universidade supón unha penalización dun ano sen xogar, tempo que se adicou a adestrar, para finalmente poder xogar dúas temporadas cos Providence Friars.

Finalizada a súa etapa universitaria recibiu unha oferta do "Orlando National Tournament", incorporándose despois á selección nacional de Cabo Verde, coa que disputou o torneo "African Championships in Libya", conseguindo ser finalmente máximo anotador do campionato con 27,2 puntos por encontro. Posteriormente sería contrato para xogar na Liga LEB polo Club Baloncesto Breogán de Lugo, onde na tempada 2009-2010 conseguiu media de 12,9 puntos, 1,9 rebotes e 1,5 asistencias por encontro.

O 28 de novembro de 2018, anunciouse a súa fichaxe polo Básquet Coruña para o resto da tempada 2018-19.^[1] Tras tempada e media na Coruña, Xavier anunciou a súa marcha do equipo laranxa.^[2] En 2020 Xaveir asina polo Cáceres Patrimonio de la Humanidad, onde permanece unha temporada. Ao ano seguinte segue xogando en LEB Ouro, esta vez para o Unicaja Banco Oviedo. Despois da finalización da temporada, o xogador anuncia a súa retirada do baloncesto profesional.