Job Mokgoro
| Job Mokgoro | |
Premier van die Noordwes
| |
| Ampstermyn 22 Junie 2018 – 26 Augustus 2021 | |
| Voorafgegaan deur | Supra Mahumapelo |
|---|---|
| Opgevolg deur | Bushy Maape |
Lid van die Noordwes provinsiale wetgewer
| |
| Ampsbekleër | |
| Termynaanvang 22 Junie 2018 | |
Persoonlike besonderhede
| |
| Gebore | Tebogo Job Mokgoro 15 Mei 1948 Kimberley, Kaapprovinsie, Suid-Afrika |
| Nasionaliteit | Suid-Afrikaner |
| Politieke party | African National Congress |
| Eggenoot/-note | Yvonne Mokgoro |
| Alma mater | Universiteit van Toledo |
Tebogo Job Mokgoro (gebore 15 Mei 1948) is 'n Suid-Afrikaanse akademikus en politikus, tans premier van die Noordwes asook 'n lid van die Noordwes provinsiale wetgewer vir die African National Congress (ANC) is. Hy is tot albei posisies ingehuldig in Junie 2018.
Agtergrond en opvoeding
[wysig | wysig bron]Mokgoro is op 15 Mei 1948 in Kimberley in die destydse Kaapprovinsie gebore. Hy het verskeie administratiewe en akademiese kwalifikasies, waaronder 'n meestersgraad en 'n eredoktorsgraad in openbare administrasie van die Universiteit van Toledo. Mokgoro is met Yvonne Mokgoro, 'n afgetrede regter van die Konstitusionele Hof, getroud en die egpaar het vyf kinders.[1]
Loopbaan
[wysig | wysig bron]Nadat hy in die Verenigde State gestudeer het, het Mokgoro 'n dosent aan die Universiteit van Bophuthatswana geword. Voor die verkiesing van 1994 is hy aangewys as een van die administrateurs van die Uitvoerende Oorgangsraad. Die raad het die taak gehad om die tradisionele tuislande, soos Bophuthatswana, in die nege nuwe provinsies op te neem. Ná die verkiesing het die nuutverkose premier Popo Molefe vir Mokgoro as die direkteur-generaal van die Noordwes provinsiale regering aangestel. Hy is weer in 2014 tot die pos aangewys.[1]
Mokgoro het al ook as die direkteur-generaal van die Suid-Afrikaanse bestuursontwikkelingsinstituut gedien. Hy het klas by die Wits se Nagraadse Skool vir Openbare en Ontwikkelingsbestuur aangebied. Hy was ook 'n beleidsontleder vir die Ontwikkelingsbank van Suider-Afrika (DBSA). Sy mees onlangse posisie was skoolhoof van die Nasionale Bestuurskool.[1]
In Junie 2018 het die ANC se Nasionale Werkkomitee Mokgoro as hul premierskandidaat aangewys, nadat Supra Mahumapelo 'n maand tevore uit die pos bedank het. Hy is as 'n "kompromiskandidaat" beskou aangesien die provinsiale ANC in faksies verdeel was. Die wetgewer het hom op 22 Junie 2018 as premier verkies.[2] Na die verkiesing van 2019 is hy tot sy eerste volle vyfjaartermyn verkies.[3]
Verwysings
[wysig | wysig bron]- ↑ 1,0 1,1 1,2 Mahlati, Zintle (21 Junie 2018). "Who is Job Mokgoro?" (in Engels). IOL. Geargiveer vanaf die oorspronklike op 6 Junie 2020. Besoek op 6 Junie 2020.
- ↑ "Nuwe Noordwes-premier ingehuldig". Maroela Media. 22 Junie 2018. Geargiveer vanaf die oorspronklike op 6 Junie 2020. Besoek op 6 Junie 2020.
- ↑ "ANC-leiers in Noordwes aangestel". Maroela Media. 21 Mei 2019. Geargiveer vanaf die oorspronklike op 2 Julie 2019. Besoek op 6 Junie 2020.
Eksterne skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.- (en) Tebogo Job Mokgoro by People's Assembly.
- (en) Tebogo Job Mokgoro: The right man for the job. City Press.
