Johann Hieronymus Kniphof
Johann Hieronymus Kniphof (24 Februarie 1704 in Erfurt – 23 Januarie 1763) was 'n Duitse geneesheer en plantkundige. Hy het medies studeer aan die Universiteite van Jena en Erfurt en word in 1737 'n professor in geneeskunde aan laasgenoemde instelling. In 1745 het hy Andreas Elias Büchner (1701–1769) opgevolg as direkteur van die biblioteek in Erfurt, en word twee jaar later die dekaan van die fakulteit geneeskunde. In 1761 word hy as rektor van die universiteit verkies.[1]
By Erfurt het hy 'n groot en indrukwekkende herbarium saamgestel, waaroor hy in 1733 'n werk gepubliseer het met die titel "Botanica in originali".[2] Dit word as Kniphof se magnum opus beskou, en dit sou uiteindelik in verskeie uitgawes gepubliseer word. Dit was bekend vir die gebruik van 'n voorbereiding/druktegniek bekend as "natuurdruk", wat destyds 'n min-begrypde proses was wat Kniphof bemeester het om besonderhede van verskeie botaniese eksemplare af te druk.[1]
Die plantgenus Kniphofia (familie Asphodelaceae) is ter ere van hom deur die plantkundige Conrad Moench (1745–1805) genoem.[3]
Verwysings
[wysig | wysig bron]- ↑ 1,0 1,1 Erfurt-Web-de. Johann Hieronymus Kniphof, bedeutender Botaniker, Mediziner und Universitätsrektor aus Erfurt
- ↑ WorldCat title Botanica in originali.
- ↑ USDA Plants Profile Kniphofia Moench
