Johannes Malalas
Johannes Malalas | |
|---|---|
| Gebore | Ἰωάννης Μαλάλας omstreeks 491 |
| Sterf | 578 |
| Beroep | geskiedskrywer, redenaar |
Johannes Malalas (Grieks: Ἰωάννης Μαλάλας, transliterasie: Iōánnēs Malálas) (omstreeks 491, Antiogië, - 578, Konstantinopel) - Malalas is Siries vir redenaar - was 'n Bisantynse kroniekskrywer uit Antiogië (tans Antakya, Turkye) in die Laat Oudheid.
Malalas was van Siriese afkoms en het[1] eers later in sy lewe geleer om in Grieks te skryf (sy moedertaal was Siries).[2] Die naam Malalas is afkomstig van die Siriese woord ܡܰܠܳܠܰܐ malolo, 'redenaar, orator'; dit is die eerste keer deur Johannes van Damaskus gebruik om hom te beskryf. Die alternatiewe vorm Malelas is later gebruik, en het die eerste keer verskyn gedurende die bewind van Konstantyn VII.[3]
Malalas is opgevoed in Antiogië en was waarskynlik 'n regsgeleerde in sy geboortestad. Hy het waarskynlik tydens die bewind van Justinianus I na Konstantinopel verhuis (moontlik na die vernietiging van Antiochië deur die Perse in 540[4]). Al wat bekend is oor sy reise uit sy eie hand is sy besoeke aan Thessaloniki en Panias.[5]
Malalas is veral bekend as skrywer van die Chronographia (Χρονογραφία), 'n agtiendelige kroniek geskryf in die Grieks, waarvan die begin en einde verlore is. Dit beskryf die geskiedenis tot aan die tyd van keiser Justinianus I.
Die historiese waarde van die Chronographia lê veral in die feit dat Malalas baie persone en gebeurtenisse beskryf wat nie in ander bewaarde historiese bronne oorgelewer is nie. Tegelykertyd beskryf Malalas die gebeurtenisse op so 'n manier dat geskiedenis en legende nogal deur mekaar loop, sodat daar in wat hy beskryf baie onsekerhede bly oor die historiese verloop van gebeure.
Vanuit 'n letterkundige oogpunt is die belang van die Chronographia dat dit die oudste bekende voorbeeld is van 'n Bisantynse wêreldkroniek. Die Chronographia speel daarmee 'n groot rol in die bestudering van die ontwikkeling van hierdie letterkundige genre.
Verwysings
[wysig | wysig bron]- ↑ "John Malalas | Byzantine chronicler". Encyclopedia Britannica (in Engels). Besoek op 25 Januarie 2021.
- ↑ Lapidge, Michael (1996). Anglo-Latin Literature, Vol.1, 600-899 (in Engels). Bloomsbury Publishing. p. 98. ISBN 978-1-4411-0105-1.
- ↑ Thurn, Ioannis Malalae Chronographia, p. 1.
- ↑ Geoffrey Horrocks, Greek: A History of the Language and its Speakers (Longman Linguistics Library, 1997: ISBN 0-582-30709-0), p. 180.
- ↑ Thurn, Ioannis Malalae Chronographia, p. 1.
Bronne
[wysig | wysig bron]Uitgawes van die Griekse teks van die Chronographia:
- J. Thurn (red.), Ioannis Malalae Chronographia, Corpus Fontium Historiae Byzantinae (Berlyn - New York: Walter de Gruyter, 2000). ISBN 978-3-11-008800-7
Vertalings:
- E. Jeffreys, M. Jeffreys, R. Scott e.a., The Chronicle of John Malalas: A Translation, Byzantina Australiensia 4 (Melbourne: Australian Association for Byzantine Studies, 1986) ISBN 0-9593626-2-2
- J. Thurn, M. Meier, Johannes Malalas: Weltchronik (Stuttgart: Hiersemann, 2009) ISBN 978-3-7772-0911-1
Eksterne skakel
[wysig | wysig bron]- Erarbeitung eines historisch-philologischen Kommentars zur Weltchronik des Johannes Malalas, navorsingsprojek van prof. M. Meier, Universiteit van Tübingen.
Normdata  |
|
|---|