John William Colenso
John William Colenso | |
|---|---|
 Portret van John William Colenso deur Samuel Sidley in 1866 | |
| Gebore | 24 Januarie 1814 |
| Sterf | 20 Junie 1883 (op 69) |
| Nasionaliteit | .svg?lang=af){kind=small} Verenigde Koninkryk |
| Beroep | Biskop, wiskundige, teoloog, Bybelse geleerde en sosiale aktivis |
| Bekend vir | eerste Anglikaanse biskop van Natal |
| Termyn | 1853–20 Junie 1883 |
| Voorganger | Nuwe amp |
| Opvolger | Hamilton Baynes |
| Eggenoot | Sarah Frances Bunyon (vanaf 1846) |
| Kinders | Harriet Emily, Frances Ellen, Robert John, Francis "Frank" Ernest en Agnes |
| Ouer(s) | John William Colenso (vader) |
Biskop John William Colenso (1814–1883) was die eerste biskop van die Anglikaanse Kerk in Natal (1853–1883).
Hy is in 1814 in St. Austell, Cornwall, gebore. Hy is aanvanklik as wiskundige opgelei, maar is in 1846 georden en word predikant van Forncett St. Mary in Norfolk en in 1853 treë hy na Suid-Afrika om die pos van Biskop van Natal op te neem.[1]
'n Verskil oor die uitleg van die Bybel lei daartoe dat hy deur die biskop van Kaapstad van sy amp onthef word. 'n Hofsaak volg en hy beroep hom uiteindelik op die Britse Privy Council, wat beslis dat die koloniale kerke nie wetlik aan die Anglikaanse Kerk in Engeland gebind is nie en daarom by gebrek aan 'n vaste reëling nie gehoorsaamheid aan mekaar kan opdwing nie. Van besondere belang vir die Suid-Afrikaanse situasie was sy bewering dat as 'n man wat poliginie beoefen hom tot die Christendom bekeer, hy al sy vrouens moet behou, aangesien hy reeds 'n plig teenoor elkeen onderneem het.[2]
Dit was veral op Colenso se aandrang dat Langalibalele van Robbeneiland na die vasteland vir aanhouding teruggebring is. Later het sy dogter ook as pleitbesorger vir Dinuzulu opgetree.
Colenso se nagelate dokumente word bewaar in die staatsargief van Kwa Zulu-Natal. Dit gee interessante inligting oor Colenso se lewe en sy tyd en veral oor die lewe van die Zoeloes in Natal en Zululand.
Die dorp Colenso is na hom vernoem.
Lees ook
[wysig | wysig bron]Verwysings
[wysig | wysig bron]- ↑ O'Connor, JJ; Robertson, EF. "John William Colenso". MacTutor (in Engels). School of Mathematics and Statistics, University of St Andrews, Scotland. Besoek op 28 Maart 2022.
- ↑ "A question of authority". Church Times (in Engels). London. 22 September 2017.
The usual practice of enforcing the separation of wives from their husbands, upon their conversion to Christianity, is quite unwarrantable, and opposed to the plain teaching of our Lord.
Bibliografie
[wysig | wysig bron]- Leverton, B.J.: The Colenso Papers. In: Lantern. Tydskrif vir Kennis en Kultuur. Jaargang 14, nr. 4, Junie 1965
Eksterne skakels
[wysig | wysig bron]
Wikimedia Commons het meer media in die kategorie John William Colenso.
