Ir al contenido

Jorge Pueyo Sanz

De Biquipedia
Esta pachina ye escrita en ribagorzano.
Jorge Pueyo Sanz
Jorge Pueyo Sanz

Actualment en o cargo
Dende o 17 d'agosto de 2023
Naiximiento 31 d'octubre de 1995
Fonz, (Cinca Meya)
Partiu Chunta Aragonesista
Profesión Avogau y presentador de televisión
Alma Máter Universidat de Zaragoza

Jorge Pueyo Sanz (Fonz, Aragón, 31 d'octubre de 1995[1][2]) é un avogau conoixiu per estar reportero de'l programa de televisión en llengua aragonesa Charrín charrán[3] y presentador de'l programa de televisión A escampar la boira.[4]. Tamé realiza en llengua aragonesa el Noticiario matinal aragonés, una mena d'informativo de curta duración en Twitter.[5]

En lo politico é miembro de Chunta Aragonesista an é coordinador de Politica Llingüistica [6] y dende agosto de 2023 deputau per la provincia de Zaragoza en el Congreso d'es Deputaus.

Biografía

[editar | modificar o codigo]

Jorge Pueyo va naixer de Fonz, llugar de parla aragonesa de la comarca de la Cinca Meya. Va estudiar el Grau en Dreto en la Universidat de Zaragoza (2013-2017). Posteriorment va cursar el máster en acceso a l'advogacía y máster en dreto de la empresa en la Universidat de Deusto ICADE-Deusto (2017-2019).

En 2019, dispués de superar la preba d'acceso, va obtener el títol d'avogau y se va colechiar en el Colechio d'Avogaus de Zaragoza (REICAZ). Dende antonces ha estau exercendo como avogau. Ha treballau en firmas legals como Unive u Lawesome, concretament en la especialidat de Dreto mercantil.[7][8]

Activismo llingüistico

[editar | modificar o codigo]

Mentre la suya nineza va vivir situacions de desigualdat llingüistica, en las que es suyos mayestros feban de menos la llengua aragonesa.[9] Istos fetos le facioron intresar-se por a divulgación de l'aragonés.[10]

Ha feto cuantos poemas en aragonés, en 2018 va ganar chunto a Celia Naval el segundo premio "Condau de Ribagorza" en la categoría de rillatos curtos per el suyo poema "Tierra muixada".[11]

El suyo prochecto en favor de la divulgación de l'aragonés va prencipiar con una canal de YouTube, una mena de programa en aragonés que no triunfó. El 5 de mayo de 2019 se va enguerar el programa Charrín Charrán, el primer programa en aragonés de la televisión, presentau per Silvia Cebolla, a on va participar como redactor y reportero.[10] Encara que el suyo salto a la fama va arribar cuan en octubre de 2021 va prencipiar a publlicar un noticiario maitinal de llunes a chueus en aragonés per Twitter. En estar publlicau en rez socials el suyo conteniu va poder arribar a muita mes chent, el suyo primer video va alcanzar las 30.000 visitas, están compartiu per Ángel Martín.[12]

El 25 de mayo de 2022 se va enguerar el programa A escampar la boira, un programa de michanit pa Aragón TV, a on s'entrevista a personalidaz relevants en dentro y defuera d'Aragón en idioma aragonés.[13][14]

Trachectoria politica

[editar | modificar o codigo]

El 12 de chunyo de 2023 va anunciar en la suya cuenta de Twitter y d'Instagram, que sería el candidato numero uno de la llista de Chunta Aragonesista y Sumar per Zaragoza en las eleccions chenerals d'o 23 de chuliol.[15][16] Pueyo conseguiría acta de deputau en la XV Lechislatura y va estar nombrau portavoz adchunto de Sumar.[17] Dende un prencipio se va comprometer a usar la llengua aragonesa en las suyas intervencions pllenarias.[18]

Obras

[editar | modificar o codigo]
  • (es) El trato fiscal favorable como ayuda de Estado en el Derecho de la Competencia: El Caso Apple. Revista de derecho de la competencia y la distribución, ISSN 1888-3052, Nº. 21, 2017.

Referencias

[editar | modificar o codigo]
  1. ↑ (es) Pueyo Sanz, Jorge. Congreso de los Diputados
  2. ↑ (es) Jorge Pueyo en ElDiario.es
  3. ↑ (es) Aragón TV estrena 'Charrín Charrán', su primer programa en lengua aragonesa en Arainfo
  4. ↑ (es) Aragón TV estrena el miércoles el primer 'late night' en aragonés en El Periódico de Aragón
  5. ↑ (es) El noticiario en aragonés de un joven de Fonz que ha conquistado a Ángel Martín en Heraldo de Aragón
  6. ↑ (es) Directorio institucional y organico 2020-2023 en Chunta aragonesista
  7. ↑ (es) ¿Quién es Jorge Pueyo, el 'Broncano aragonés'? Heraldo de Aragón
  8. ↑ (es) El foncense Jorge Pueyo encabezará la candidatura de Sumar Aragón al Congreso por Zaragoza. Revista digital del Somontano de Barbastro - Rondasomontano.com, 13 de chunio de 2023
  9. ↑ (ca) Jorge Pueyo: «S’ha fet un pas més perquè el món de l’aragonès isca de l’endogàmia». El Temps
  10. ↑ 10,0 10,1 (es) Jorge Pueyo: “La peña está súper movilizada por el aragonés”. Entremedios, 20 de mayo de 2021
  11. ↑ (es) Emilio Sarroca gana el concurso de relatos “Condau de Ribagorza”. José Sánchez. Cadena SER, 24 d'abril de 2018
  12. ↑ (es) Un noticiario en aragonés arrasa en las redes sociales. Rebeca Augusto @rebeca_pau. RTVE.es, 18 de noviembre de 2021
  13. ↑ (es) Aragón TV estrena el miércoles el primer 'late night' en aragonés. El Periódico de Aragón, 23 de mayo de 2022
  14. ↑ (es) Jorge Pueyo, director de 'Escampar la Boira' de Aragón TV: 'Ahora estoy con el síndrome del impostor, por miedo a que nadie nos vea'. Maribel Sancho. Diario de Teruel, 21 de marzo de 2023
  15. ↑ (an) Jorge Pueyo anuncia su candidatura para el 23J en Twitter. Twitter, 22 de chunio de 2023
  16. ↑ (an) Jorge Pueyo anuncia su candidatura para el 23J en Instagram. www.instagram.com, 22 de chunio de 2023
  17. ↑ (es) Vicenç Vidal (MÉS) será portavoz adjunto tercero de Sumar en el Congreso turnándose con Jorge Pueyo (Chunta). Europa Press, 4 de setiembre de 2023
  18. ↑ (es) Pueyo hablará en aragonés en el Congreso: “Por fin podemos expresarnos como en nuestras casas”. Raúl Gascón Tella. Aragón Digital, 15 de setiembre de 2023
Obteniu de "https://an.wikipedia.org/w/index.php?title=Jorge_Pueyo_Sanz&oldid=2215174"