Lompat ke isi

Kabupaten Bengkulu Tengah

Wikipedia Minangkabau - Lubuak aka tapian ilimu
Kabupaten Bengkulu Tengah
Kabupaten di Bengkulu, Indonesia

Lambang
Nagara Indonesia
ProvinsiBengkulu
Tanggal paresmian24 Juni 2008
Dasa hukumUU No. 24 Tahun 2008
Ari jadi24 Juni 2008
Ibu kotaKarang Tinggi
Pamarintahan
 • BupatiDr.H. Ferry Ramli, SH. MH
 • Wakil BupatiSepti Periadi
Laweh
 • Total1.223,94 km2 (472,57 sq mi)
Panduduak (2020)[1]
 • Total116.706 jiwa
 • Kapadatan95,00/km2 (246,0/sq mi)
Demografi
 • EtnikSuku Rejang
Suku Melayu
Suku Jawa
 • AgamoIslam 98,31%
Kristen 1,42%
- Protestan 1,03%
- Katolik 0,39%
Hindu 0,24%
Buddha 0,03%[2]
 • BahasoIndonesia, Rejang, Lembak, Serawai
Zona wakatuWIB (UTC+07:00)
Jumlah kecamatan12
Jumlah kelurahan1 Taba Penanjung
Jumlah desa142
DAURp 461.312.109.000,- (2020)[3]
APBDRp 577.440.664.000,- (2015)
IPM▲ 67,61 ( Sedang ) (2020)
▲ 67,30 ( Sedang ) (2019)[4]
Kode Kemendagri17.09 Edit nilai pada Wikidata
Situs webbengkulutengahkab.go.id

Kabupaten Bengkulu Tengah adolah sabuah kabupaten nan barado di Provinsi Bengkulu, Indonesia, dengan ibukota kabupatennyo braado di kecamatan Karang Tinggi. Kabupaten iko dibantuak badasarkan Undang-Undang Nomor 24 Tahun 2008 nan marupoan pamekaran dari Kabupaten Bengkulu Utara. Pado tahun 2020, panduduk kabupaten Bengkulu Tengah bajumlah 116.706 jiwa, dengan kapadatan 95 jiwa/km².[1]

Sijarah

[suntiang | suntiang sumber]

Pado tahun 2007, Provinsi Bengkulu mampunyoi luweh wilayah kurang labiah 32.365,60 kilometer persegi dengan panduduak kurang labiah bajumlah 1.715.689 jiwa tadiri dari salapan kabupaten dan ciek kota, sadangkan Kabupaten Bengkulu Utara surang mampunyoi luweh wilayah 5.548,54 kilometer persegi dengan panduduak bajumlah 355.559 jiwa tadiri dari 18 kecamatan.[5]

Kamudian, aspirasi masyarakaik Bengkulu Tengah untuak mambantuak kabupaten surang taruih bakambang dikalangan masyarakaik nan akhianyo tabantuak presidium nan di ketuai dek M. Wasik Salik. Anggota presidium tadiri dari tokoh-tokoh masyarakaik Bengkulu Tengah.[5]

Aspirasi masyarakaik Bengkulu Tengah untuak mambantuak kabupaten surang nan tapisah dari Kabupaten Bengkulu Utara dituangkan dalam bantuak proposal nan disusun dek presidium nan kamudian diajuan ka DPRD jo Pamarintah Kabupaten Bengkulu Utara. Proposal pambantuakan Kabupaten Bengkulu Tengah mandapek pasatujuan dari DPRD Bengkulu Utara nan dituangkan dalam Keputusan Dewan Perwakilan Rakyat Daerah Kabupaten Bengkulu Utara Nomor 31 Tahun 2005 tanggal 26 November 2005 tentang Usul Pemekaran Sabagian Wilayah Kabupaten Bengkulu Utara manjadi Kabupaten Bengkulu Tengah dan Keputusan Dewan Perwakilan Rakyat Daerah Kabupaten Bengkulu Utara Nomor 14 Tahun 2006 tanggal 28 April 2006 tentang pasatujuan calon lokasi Ibukota, namo calon Ibukota Kabupaten Bengkulu Tengah.[5]

Dukuangan Pamarintah Kabupaten Bengkulu Utara kapado masyarakaik Bengkulu Tengah untuak mambantuak kabupaten surang tatuang dalam Surat Bupati Bengkulu Utara Nomor 131/329/B.1 tanggal 28 April 2006 tentang Usul Pemekaran Bengkulu Utara, nan ditujuaan kapado DPRD jo Pamarintah Provinsi Bengkulu sarato jo parnyataan Bupati Bengkulu Utara Nomor 131/399/B.1 tanggal 10 Juli 2006 tentang Kasanggupan Pamarintah Kabupaten Bengkulu Utara mangalokasikan dana APBD Kabupaten Bengkulu Utara untuak Kabupaten Bengkulu Tengah.[5]

Aspirasi masyarakaik Bengkulu Tengah untuak mambantuak kabupaten surang mandapek dukuangan dari Pamarintah Provinsi Bengkulu nan dituangkan dalam Surat Gubernur Bengkulu Nomor 125/3453/B.1 tanggal 1 Juni 2006 parihal Usul Pambantuakan Daerah Otonom Baru Kabupaten Bengkulu Tengah, dan dukuangan DPRD Propinsi Bengkulu dituangkan dalam Surek Kaputusan DPRD Provinsi Bengkulu Nomor 15/KPTS/DPRD-2006 tanggal 19 Mei 2006 tentang Parsetujuan DPRD Provinsi Bengkulu tahaok pambantuakan Kabupaten Bengkulu Tangah.[5]

Sasudah mandapek pasatujuan dari Pamarintah Kabupaten Bengkulu Utara jo DPRD Bengkulu Utara sarato Pamarintah jo DPRD Propinsi Bengkulu pengurus presidium mangajukan usualan pambantukan Kabupaten Bengkulu Tengah ka Pemerintah pusat jo DPR RI. Kemudian usulan pambantuakan Kabupaten Bengkulu Tengah di bahas dek pamarintah Pusat jo DPR RI nan akhianyo malalui sidang paripurna pado tanggal 24 Juni 2008 dan disahkan Rancangan Undang-undang (RUU) tentang pambantuakan Kabupaten Bengkulu Tengah untuak manjadi Undang-undang. Rancangan undang-Undang nan alah disahkan dek DPR tasabuik akhianyo ditandotangani dek Presiden Susilo Bambang Yudhoyono manjadi undang-undang No. 24 tahun 2008 tanggal 21 Juli 2008 dengan Ibukota di Kecamatan Karang Tinggi.[5]

Manindaklanjuti UU No. 24 tahun 2008, sasudah mandapek pasatujuan Menteri Dalam Negeri, Gubernur Bengkulu Agusrin M. Najamudin, ST. pado tanggal 19 November 2008 malantiak Bambang Suseno manjadi palaksana tugas Bupati Bengkulu Tengah.[5]

Pamarintahan

[suntiang | suntiang sumber]

Daftar Bupati

[suntiang | suntiang sumber]
!Artikel utamo untuak bagian ko adolah: Daftar Bupati Bengkulu Tengah

Barikuik iko adolah Daftar Bupati Kabupaten Bengkulu Tengah, Provinsi Bengkulu, Indonesia dari maso ka maso.

No Bupati Mulai menjabat Akhir menjabat Prd. Ket. Wakil Bupati
—
H. Bambang Suseno, SKM, M.M.
2008
2010
—
—
—
Drs. H. Asnawi A. Lamat
2010
2011
—
H. Nana Sudjana, S.Sos
2011
2012
1
Dr. Ferry Ramli, MH
2012
2017
1
M. Sabri, S.Sos
—
Edyarsyah
2016
2017
—
—
(1)
Dr. Ferry Ramli, MH
22 Mei 2017
Petahana
2
[6]
Septi Feriadi


Dewan Perwakilan

[suntiang | suntiang sumber]
!Artikel utamo untuak bagian ko adolah: Dewan Perwakilan Rakyat Daerah Kabupaten Bengkulu Tengah

Barikuik iko adolah komposisi anggota DPRD Kabupaten Bengkulu Tengah dalam duo pariode tarakhia.[7][8]

Partai Politik Jumlah Kursi dalam Periode
2014-2019 2019-2024
PKB 2 ▼ 0
Gerindra 4 Steady 4
PDI Perjuangan 4 Steady 4
Golkar 4 Steady 4
NasDem 4 Steady 4
PKS 1 Steady 1
Perindo (baru) 3
PPP 2 Steady 2
Hanura 4 ▼ 3
Jumlah Anggota 25 Steady 25
Jumlah Partai 8 Steady 8


Kecamatan

[suntiang | suntiang sumber]
!Artikel utamo untuak bagian ko adolah: Daftar kecamatan dan kelurahan di Kabupaten Bengkulu Tengah

Kabupaten Bengkulu Tengah nan tabantuak badasarkan UU No. 24 tahun 2008 tadiri dari anam kecamatan, yaitunyo kecamatan Taba Penanjung, kecamatan Pagar Jati, kecamatan Karang Tinggi, kecamatan Talang Empat, kecamatan Pematang Tiga jo kecamatan Pondok Kelapa.[5]

Geografis

[suntiang | suntiang sumber]

Kaadaan ilkim di Bengkulu Tengah tagolong ka tipe iklim A   (tropis basah) dengan kalembaban kiro-kiro 70 – 87 %. Jumlah bulan pangujan 10 bulan dimulai dari bulan Oktober dan barakhia pado bulan Juli.  Tamperatur rato-rato tahunan Kabupaten Bengkulu Tengah 25 0 C – 27 0 C dengan curah hujan bulanan 230 – 620 mm, dan  jumlah hari hujan bakisar 10 – 23 hari. Kabupaten Bengkulu Tengah barado pado katinggian 0 – 541 m dpl dengan pasebaran sporadis sahinggo tofografi wilayahnyo  bagalombang jo babukik dengan derajat kelerengan antaro 5 – 35 %. Wilayah nan relatif data dengan tingkek kalerengan rato-rato 5 % talatak di wilayah Kecamatan Pondok Kelapa. Lokasi dengan titiak tatinggi hinggo 541 m dpl barado di kawasan hutan linduang di pabatasan dengan Kabupaten Kepahiang. Sadangkan daerah tarandah talatak di wilayah Kecamatan Pondok Kelapa dengan katinggian 0 – 15 m dpl.[9]

Rujuakan

[suntiang | suntiang sumber]
  1. ↑ a b "Kabupaten Bengkulu Tengah Dalam Angka 2021" (pdf). www.bengkulutengahkab.bps.go.id. hlm. 9, 64. Diakses tanggal 10 Maret 2021. 
  2. ↑ "Visualisasi Data Kependuduakan - Kementerian Dalam Negeri 2020". www.dukcapil.kemendagri.go.id. Diakses tanggal 10 Maret 2021. 
  3. ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 10 Maret 2021.  [pranala nonaktif permanen]
  4. ↑ "Metode Baru Indeks Pembangunan Manusia 2019-2020". www.bps.go.id. Diakses tanggal 10 Maret 2021. 
  5. ↑ a b c d e f g h "Sejarah – Kabupaten Bengkulu Tengah" (dalam bahasa Inggris). Diakses tanggal 2020-06-20. 
  6. ↑ "Bupati dan Wakil Bupati Benteng Resmi Dilantik". Klik Warta. 22 Mei 2017. Diakses tanggal 17 Januari 2019. 
  7. ↑ "Parolehan Kursi DPRD Kabupaten Bengkulu Tengah Pariode 2014-2019". Diarsipkan dari versi asli tanggal 2022-09-12. Diakses tanggal 2021-07-18. 
  8. ↑ Perolehan Kursi DPRD Kabupaten Bengkulu Tengah 2019-2024
  9. ↑ "Iklim dan Topologi". 

Pautan lua

[suntiang | suntiang sumber]
Diambiak dari "https://min.wikipedia.org/w/index.php?title=Kabupaten_Bengkulu_Tengah&oldid=3149494"