Kamala Harris
Kamala Devi HARRIS [ˈkɑ.mə.lə ˈdeɪvi ˈhæ.ɹɪs] (naskiĝis la 20-an de oktobro 1964) estas usona politikistino kaj advokato kiu servis kiel Usona senatano por Kalifornio ekde 2017.[1] Ŝi estas la Vicprezidanto de Usono ekde 2021.
Naskita en Oakland, Kalifornio, Harris estas diplomiĝinto de Universitato Howard kaj la Universitato de Kalifornio. Ŝi komencis sian karieron en la oficejo de la distrikta akuzisto (district attorney) de Kantono Alameda, antaŭ ol labori en la oficejo de la distrikta akuzisto de San-Francisko kaj poste en la oficejo de la urba akuzisto de San-Francisko. En 2003, ŝi estis elektita distrikta akuzisto de San-Francisko. Ŝi estis tiam elektita Attorney General (proks. justicministro/ĉefakuzisto) de Kalifornio en 2010; ŝi estis re-elektita en 2014.
Ŝi venkis Loretta Sanchez en la 2016 Senata balotado kaj tiel sukcedis Barbara Boxer, fariĝanta tria virina senatano de Kalifornio kaj la dua afrika-usona virino kaj la unua sud-azia usonano en la Usona Senato.[2] Kiel senatano, ŝi subtenis sanreformon, ŝanĝon de la leĝoj rilate al kanabo, vojon al civitaneco por sendokumentaj enmigrintoj, la DREAM proponon, malpermeson de specifaj armiloj kaj progresa imposta reformo. Ŝi akiris nacian atenton por siaj demandoj al la Trump-oficialuloj dum la senataj sesioj.[3]
Harris kandidatiĝis por la 2020 Demokrata prezidenta kandidatigo kaj allogis nacian atenton antaŭ ol fini sian kampanjon la 3an de decembro 2019.[4] Ŝi estis anoncita kiel vicprezidantkandidato de Joe Biden por la 2020 Usono prezidenta balotado la 11an de aŭgusto, fariĝanta la unua afrika amerikano kaj la unua azia amerikano esti elektita kiel la vicprezidantkandidato de prezidenta kandidato de grava partio.[5][6][7] Ŝi estas ankaŭ la tria virina usona vicprezidenta nomito de grava partio post Geraldine Ferraro kaj Sarah Palin.
Frua vivo kaj edukado
[redakti | redakti fonton]Kamala Devi Harris naskiĝis la 20-an de oktobro 1964, en Oakland, Kalifornio. Ŝia patrino, Shyamala Gopalan, estis mam-kancera sciencisto kiu elmigris de Tamil Nadu, Barato en 1960 por doktoriĝi en endokrinologio ĉe UC Berkeley.[8] Ŝia patro, Donald J. Harris, estas Stanford Universitata emerita profesoro de ekonomikoj, kiu elmigris de brita Jamajko en 1961 por diplomaj studoj en ekonomikoj ĉe UC Berkeley.[9][10]
Harris kreskis en Berkeley, Kalifornio, kun sia pli juna fratino, Maya Harris.[11][12]
Kiel infano, Harris vivis nelonge sur Milvia Street en centra Berkeley kaj tiam ŝia familio translokiĝis al la supra etaĝo de duetaĝa konstruaĵo sur Bancroft Way en Okcidenta Berkeley, areo ofte nomita "the flatlands". Kiam ŝi komencis infanĝardenon, ŝi prenis buson kiel parto de lerneja malapartigo al Thousand Oaks Lernejo, publika lernejo en pli prospera kvartalo en norda Berkeley.[13] La buso veturigis ŝin al lernejo kie, du jarojn antaŭe, estis 95% blankuloj. En 1969, 40% el la studentoj estis neblankuloj.[14]
Ŝi kreskis en du religioj - iranta al baptista preĝejo kaj hindua templo, dum ŝi kaj ŝia fratino foje vizitis la familion de ilia patrino en Madras (nun Ĉenajo, Chennai), Barato.[15] Ŝi komprenas la tamilan iomete, laŭ sia memoraĵo.[16]
Ŝiaj gepatroj divorcis kiam ŝi estis sep; ŝi diris ke kiam ŝi kaj ŝia fratino vizitis sian patron en Palo Alto semajnfine, la infanoj de najbaroj ne estis permesitaj ludi kun ili ĉar ili estis nigraj.[15] Kiam ŝi estis 12, Harris kaj ŝia fratino translokiĝis kun sia patrino al Montrealo, Kanado, kie ilia patrino akceptis esploran pozicion ĉe Juda Ĝenerala Hospitalo kaj instruis ĉe Universitato McGill.[17] Harris iris al Westmount mezlernejo en Westmount, Kebekio, kaj finis en 1981.
Post mezlernejo, Harris ĉeestis Howard-Universitaton, historie nigrula universitato en Vaŝingtono, D.C. Ĉe Howard, ŝi faris staĝon en la poŝta ĉambro por Kalifornia senatano Alan Cranston, prezidis la ekonomikan socion, gvidis la debatan teamon kaj aliĝis al Alpha Kappa Alpha fratinaro.[18] Harris diplomiĝis de Howard en 1986 kun dufaka Bakalaŭro de Arto en politika scienco kaj ekonomiko.
Harris tiam revenis al Kalifornio por studi juron ĉe la Universitato de Kalifornio, tra subtena programo.[19] Ĉe UC Hastings, ŝi servis kiel prezidanto de ties ĉapitro de la Asocio de Nigraj Jurstudentoj. Ŝi diplomiĝis kun Doktoro de Juro en 1989 kaj estis agnoskita de la Kalifornia Baro en junio 1990.
Advokata kariero (1990–2017)
[redakti | redakti fonton]En 1990, Harris estis dungita kiel dua distrikta advokato en Alameda, Kalifornio.[20] En 1994, parolanto de la Kalifornia Asembleo Willie Brown (kun kiu Harris estis en rilato) nomumis Harris al ŝtataj komisionoj.[20] Harris prenis ferian tempon de sia laborposteno por labori en la pozicioj.[20][21] En februaro 1998, la San-Franciska distrikta advokato Terence Hallinan varbis Harris por labori kiel subtena distrikta advokato.[22] Tie, ŝi fariĝis la estro de la karierkrima fako, super kvin aliaj advokatoj, kie ŝi persekutis hommortigon, domŝteladon, rabon kaj kazojn pri seksa atenco. En aŭgusto 2000, Harris prenis novan laborpostenon ĉe Sanfranciska Urbodomo, laboranta por urba advokato Louise Renne. Harris respondecis pri la grupo rilate al familioj kaj infanoj, fokusante pri maltraktado kaj neglektado de infanoj.
En 2003 ŝi kandidatiĝis por iĝi distrikta advokato de Kalifornio. Harris gajnis kun 56 procento de la voĉdono, fariĝanta unua neblanka distrikta advokato de Kalifornio. [23] Poste ŝi iĝis distrikta advokato de San-Francisko (2004–2011). Harris estis re-elektita en 2007 sen alternativa kandidato.[24] En 2011–2017 ŝi estis la advokato ĝenerala de Kalifornio. Harris kontraŭas mortpunon kaj esprimis la kredon ke vivo en malliberejo estas pli bona alternativo.[25]
Usona Senato (2017–2021)
[redakti | redakti fonton]
En februaro 2016, la Kalifornia Demokrata Partio voĉdonis por aprobi Harris, kiu ricevis preskaŭ 80 procentojn de la voĉdono.[26] Tri monatojn poste, Guberniestro Jerry Bruna aprobis ŝin.[27] Ŝi kontraŭis la nomumojn de Neil Gorsuch kaj Brett Kavanaugh al la Supera Kortumo de Usono. Ŝi estis unu el la celoj de la poŝtbombatakoj en oktobro 2018. [28]
Prezidenta baloto en 2020
[redakti | redakti fonton]En januaro 2019, Kamala Harris anoncis sian kandidatiĝon por la prezidanteco de Usono. En decembro ŝi retiriĝis de ĝi, kaj en marto 2020 ŝi publike subtenis Joe Biden. Biden konsideris Harris, sed ankaŭ Elizabeth Warren, Val Demings kaj Keisha Lance Bottoms. Biden anoncis ke li elektis Harris la 11-an de aŭgusto 2020. Ŝi estas la unua afrika-usona kaj la unua azidevena esti elektita kiel la vicprezidenta nomito por grava partio.
Prezidenta baloto en 2024
[redakti | redakti fonton]Same la paro prezidanto Joe Biden kaj vicprezidanto Kamala Harris ankaŭ kandidatis por la prezidanta baloto en 2024, kaj komune kampanjis ĝis la 21-a de julio 2024, kiam Joe Biden anoncis sian retiriĝon de la prezidanta konkurso. Li subtenas vicprezidanton Kamala Harris kiel novan kandidaton de la demokratoj, kaj fakte lanĉiĝis ŝia prezidanta kampanjo ankoraŭ samtage.
Referencoj
[redakti | redakti fonton]- ↑ "Tucker Carlson doesn't pronounce Kamala Harris's name correctly, and doesn't seem to care".
- ↑ Arkivita kopio. Arkivita el la originalo je 2020-10-14. Alirita 2020-08-13.
- ↑ "Kamala Harris enters 2020 Presidential Race".
- ↑ "Kamala Harris Says She’s Still ‘in This Fight,’ but Out of the 2020 Race".
- ↑ "Joe Biden picks Kamala Harris as his running mate".
- ↑ "Joe Biden selects California Sen. Kamala Harris as running mate".
- ↑ "Kamala Harris' selection as VP resonates with Black women".
- ↑ "Obituary: Dr. Shyamala G. Harris".
- ↑ "PM Golding congratulates Kamala Harris-daughter of Jamaican – on appointment as California’s First Woman Attorney General".
- ↑ Stanford University – Department of Economics.
- ↑ "Justice Dept. lawyer Tony West to take over as acting associate attorney general".
- ↑ "A 'female Obama' seeks California attorney general post".
- ↑ "Did Kamala Harris’ Berkeley childhood shape the presidential hopeful?".
- ↑ "Fact check: Kamala Harris was correct on integration in Berkeley, school district confirms".
- ↑ 15,0 15,1 "artikolo How race helped shape the politics of Senate candidate Kamala Harris el la gazeto LA Times".
- ↑ Kamala Harris becomes first Black and Tamil woman to run on major US ticket.
- ↑ "intervjuo Kamala Harris grew up idolizing lawyers el la gazeto SF Gate".
- ↑ "Howard Alumna Becomes First Woman Elected as California Attorney General", Howard University, la 17-an de decembro 2010.
- ↑ "informo pri la subtena programo LEOP".
- ↑ 20,0 20,1 20,2 "artikolo 2 More Brown Associates Get Well-Paid Posts el la retejo LA Times".
- ↑ Byrne, Peter, "Kamala's Karma: She's smart, she's experienced, and she's running for DA. But she's Willie Brown's ex-girlfriend, and her opponents are trying to crucify her for that Arkivigite je 2020-02-13 per la retarkivo Wayback Machine," S.F. Weekly, September 24, 2003.
- ↑ "nojaĵeto el la retejo newspapers.com".
- ↑ Soltau, Alison; Fletcher, Ethan (10-a de decembro 2003). "Harris ousts veteran Hallinan". The San Francisco Examiner
- ↑ "artikolo Kamala Harris celebrates unopposed bid for district attorney el la gazeto SF Gates".
- ↑ intervjuo el la retejo Kapitolo de Kalifornio (la 15-an de aprilo 2009).
- ↑ "informo el la retejo sacbee.com".
- ↑ "informo el la retejo LA Times".
- ↑ "informo el la retejo sacbee.com".
Literaturo
[redakti | redakti fonton]- (2009) Smart on Crime: A Career Prosecutor's Plan to Make Us Safer. Chronicle Books. ISBN 978-0-8118-6528-9.
- (2019) Superheroes Are Everywhere. Penguin Young Readers Group. ISBN 978-1-984837-49-3.
- (2019) The Truths We Hold: An American Journey. Diversified Publishing. ISBN 978-1-984886-22-4.
Eksteraj ligiloj
[redakti | redakti fonton]
| ||||||
