Kammerwald
 | |
| Staat: |  Däitschland
|
| Land: |  Rheinland-Pfalz
|
| Gemengen: | Ruet op der Our Bauler Körperich |
| Ënner Lëtzebuergescher Verwaltung vun: | 23. Abrëll 1949 |
| bis: | 1. Oktober 1959 |
| Gréisst : | 526 ha[1] |
| Héicht : | 365 m (Moyenne) |
| Koordinaten : | 49° 56’ 24’’ N 06° 13’ 58’’ O |
De Kammerwald ass e Bësch an Däitschland a Rheinland-Pfalz, nërdlech vu Ruet op der Our, an de Gemenge Ruet a Bauler deen tëscht 1949 an 1959 vu Lëtzebuerg annexéiert war.
Virgeschicht
[änneren | Quelltext änneren]No der Néierlag vun Nazi-Däitschland am zweete Weltkrich goufen et Stëmmen, déi eng Erweiderung vu Lëtzebuerg an den däitschen Territoire era gefuerdert hunn, als Reparatioune wéinst dem Krich. Dës Stëmmunge si virun allem aus dem Riets-Nationalisteschen Eck vum politesche Spektrum komm. Sou huet d'Letzeburger Nationalunio'n méifach hir Fuederungen no enger Extensioun vum Lëtzebuerger Staatsgebitt bis un d'Saar däitlech gemaach.[2]
Déi Uspréch goufen ënner anerem domat begrënnt, well d'Herzogtum Lëtzebuerg déi Gebidder nom Wiener Kongress 1815 huet missen u Preisen oftrieden, an datt Lëtzebuerg dowéinst en historeschen Usproch op déi Gebidder hätt. An deem Kontext gouf och vun enger "Desannexioun" geschwat, gemengt ass déi vun Däitschland.
Déi deemoleg Lëtzebuerger Regierung huet manner ambitiéis Pläng an d'A gefaast, déi eng Grenzännerung vun nëmme 5 – 10 km no Oste virgesinn hunn. Dës Virschléi goufen an de Joren 1946 an 1947 den Alliéierten ënnerbreet, goufen awer net accordéiert. Déi waren nëmme bereet, fir kleng Grenzännerunge zougonschte vu Lëtzebuerg matzedroen.[3]
Annexioun
[änneren | Quelltext änneren]Den 23. Abrëll 1949 um Mëtteg huet déi franséisch Verwaltung an Däitschland de Kammerwald mat der Uertschaft Ruet an dem Neischeierhaff per Veruerdnung u Lëtzebuerg ofgetrueden.[4]
Den 11. Juni 1959 huet Lëtzebuerg per Vertrag op d'Gebittsuspréch am Kammerwald verzicht. Als Géigeleeschtung huet d'Bundesrepublik Däitschland 58,3 Millioune Mark u Lëtzebuerg ausbezuelt.
Den 1. Oktober 1959 gouf de Grenzverlaf erëm op dee vu virun 1949 zeréckgesat.[5]
Literatur
[änneren | Quelltext änneren]- Volker Bingenheimer, Morgan Kuntzmann: "Luxemburger Annexionspläne: Neues Land im Osten." wort.lu, 25.07.2020.
Referenzen
[Quelltext änneren]- ↑ Vom Kammerwald und der Viandener Ourgrenze. Luxemburger Wort. Gekuckt de(n) 20 Juni 2021.
- ↑ Kammerwald. gr-atlas.uni.lu. Gekuckt de(n) 2021-06-20.
- ↑ Luxemburg am Ende der Besatzungszeit und der Neuanfang - regionalgeschichte.net. www.regionalgeschichte.net. Gekuckt de(n) 2021-06-20.
- ↑ Verteilte digitale Rechtsquellen. deposit.d-nb.de Archivéiert de(n) 2021-06-24. Gekuckt de(n) 2021-06-20.
- ↑ Kammerwald. gr-atlas.uni.lu. Gekuckt de(n) 2021-06-20.