Kaouenn
| |||
|---|---|---|---|
 Kaouenned
| |||
| Rummatadur filogenetek | |||
| Riezad : | Animalia | ||
| Skourrad : | Chordata | ||
| Kevrennad : | Aves | ||
| Urzhad : | Strigiformes | ||
D'ar vevoniezh   e tenn ar pennad-mañ. | |||
Kaouenn a zo un anv hollek roet da veur a evn-preizh noz renket e kerentiadoù ar Strigidae hag hini an Tytonidae.
Stummoù all an anv
[kemmañ | kemmañ ar vammenn]- Stumm latin : cauanus a vije a orin galianek(Daveoù a vank)
- Stumm kembraek : cuan
- Henn (Goueloù)
- Kohan (Bro-Wened)
- Distaget e vez kohonn pe kouhonn e meur a lec'h(Daveoù a vank)
Spesadoù gant kaouenn en o anvioù
[kemmañ | kemmañ ar vammenn]- Kaouenn-erc'h, (Bubo scandiacus), arouez ar C'hanada
- Kaouenn penn tev pe ar gloud (Strix aluco)
- Kaouenn vihan (Athene noctua), evn an doueez Atena
- Kaouenn gorr (Glaucidium passerinum)
- Kaouenn-dTengmalm (Aegolius funereus)
- Kaouenn-Oural (Strix uralensis)
- Kaouenn lapon (Strix nebulosa)
- Kaouenn an taiga (Surnia ulula)
Kaouenned a vez graet ivez eus ar Strigidae a raer hoperien-noz pe skrijerien-noz eus anezho.
Evel an evned-preizh all e tenn ar c'haouenned o boued diwar preizhañ ar bronneged bihan (krignerien d'an aliesañ), evnigoù hag amprevaned.
Arouezouriezh
[kemmañ | kemmañ ar vammenn]Diskouezet e oa ar c'haouenned dindan savboentoù enebet a-hed an istor hag ar broioù :
- evit ar Gresianed e oa ar gaouenn vihan, evn ar furnez, perzh an doueez Atena;
- evit ar Romaned e oa an evned-preizh noz, evned ar gwrac'hed (stryxae e latin), ar pezh a gaver e levrioù Harry Potter hiziv c'hoazh;
- en danevelloù keltiek Mabinogion eo ar gaouenn ur mallozh. Ar gaouenn gentañ eo Blodeuedd, ur plac'h graet diouzh bleuñv. Kastizet eo en ur vezañ lakaet da gaouenn.
- er Grennamzer e oa un dispriz bras dezho gant ar gouerien pa oant arouez ar gwidre, da lavaret eo e chaseont pa ne c'hell ket o freizhoù gwelet anezho. Tapet e oant ha staget ouzh an dorioù war-bouez tachoù.
Arouez meur a gêr eo dont va vezañ ar gaouenn :
- kemeret he deus Kawan ar gaouenn evel hec'h arouez. Ur raktres evit sevel ur skingomz brezhonek e Kawan a vije bet anvet Kaouenn FM a zo bet nac'het gant ar c'hConseil Supérieur de l'Audiovisuel e 2007. Gant spi ma vo cheñchet diviz ar CSA eo bet krouet al lec'hienn Internet Kaouenn.net.
- ar gaouenn eo ivez arouez Dijon, e Bro-C'hall.
Sevenadur
[kemmañ | kemmañ ar vammenn]Anvet eo bet ur strollad sonerezh elektronek diouzh ar ger kaouenn en e stumm gwenedek: Kohann.
