Kapvera

Sainan' i Kapvera

Saritany maneho an' i Kapvera eo anivon' izao tontolo izao

Mari-piandrianan' i Kapvera

I Kapvera dia firenena ao Afrika Andrefana, izay fitambarana nosy miisa folo sy nosy madinika miisa dimy, manana velaran-tany mirefy 4 033 km², nahazo ny fahaleovan-tenany tamin' ny taona 1975. I Praia no renivohiny. Ity renivohiny ity ihany koa no tanàna lehibe indrindra. Mizara vondrona roa ireo nosy ireo, dia ny vondro-nosy Sotavento (i Brava, i Fogo, i Santiago ary i Maio) ao atsimo sy ny vondro-nosy Barlavento (i Boa i Vista, i Sal, i São Nicolau, i Santa Luzia, i São Vicente ary i Santo Antão) ao avaratra. Atao hoe Cabo Verde ny anaran' io firenena io amin' ny teny pôrtogey.

Misy mponina miisa 499 000 i Kapvera tamin' ny taona 2013 fa 583 255 kosa izany tamin' ny taona 2020. Atao hoe Kapverdiana ny vahoanan' i Kapvera, izay maro safiotra taranaky ny andevo afrikana taloha sy ny mpanjanatany eorôpeana (Pôrtogey). Kristiana katôlika ny ankamaroan' ny mponina ao. Ny fiteny pôrtogey no fiteny ôfisialy ao.

Niharan' ny haintany matetika nanomboka tamin' ny taona 1968 ity firenena ity. Tantsaka mpamboly ny antsasa-manilan' ny mponiana ao Kapvera na dia maina ny toetany ary tsy mahavokatra ny nofon-tany. Miankina amin' ny vola alefan' ny Kapverdiana avy any amin' ny firenena hafa sy amin' ny fanampiana ara-bola iraisam-pirenena ny toekaren' i Kapvera.

I Kapvera ao Afrika

Ny faritr' oran' i Kapvera dia -1.

Jereo koa

Firenena ao Afrika:

Sarin-tany maneho ireo nosy mamorona an' i Kapvera

Afrika Atsimo - Alzeria - Angôla - Benino - Borkina Fasô - Borondy - Bôtsoana - Ejipta - Eritrea - Esoatiny (Soazilandy taloha) - Etiôpia - Gabôna - Gambia - Ganà - Ginea - Ginea Bisao - Ginea Ekoatôrialy - Jibotỳ - Kamerona - Kapvera - Kenia - Kômôro - Kôtidivoara - Lezôtô - Liberia - Libia - Madagasikara - Malaoy - Malỳ - Maorisy - Maoritania - Marôka - Môzambika - Namibia - Nizera - Nizeria - Oganda - Repoblika Arabo Saharaoy Demôkratika - Repoblika Demôkratikan' i Kôngô - Repoblikan' i Afrika Afovoany - Repoblikan' i Kôngô - Roanda - Saô Tôme e Prinsipe - Seisely - Senegaly - Siera Leôna - Sodàna - Sodàna Atsimo - Sômalia - Sômalilandy - Tanzania - Tôgô - Tonizia - Tsady - Zambia - Zimbaboe.

Kôntinenta eto an-tany

• Afrika
• Amerika (Amerika Avaratra - Amerika Atsimo)
• Azia
• Eorôpa
• Ôseania
• Antarktika