Kara
| Kara | |
|---|---|
  Kara Kara (Errusia) | |
 | |
| Ozeanoa | Ozeano Artikoa |
| Eskualdea | Errusia |
| Kontinentea | Asia |
| Koordenatuak | 77°N 77°E / 77°N 77°E |
| Azalera | 926.000 kilometro koadro |
| Sakonera | batez bestekoa: 131 metro |
Kara[1] (errusieraz: Ка́рское мо́ре, Karskoye more) Ozeano Artikoaren bazterreko itsasoa da, Siberiaren iparraldean dagoena, Zembla Berriaren eta Taimyr penintsularen artean. Erabat izoztua egoten da neguan, eta izotz zatiak izaten ditu udan.[2]
Geografia
[aldatu | aldatu iturburu kodea]Mendebaldean Zembla Berria du, eta Karako itsasarteak lotzen du Barents itsasoarekin; ekialdean, berriz, Iparraldeko Zembla uhartedia du. 1.450 kilometro luze eta 970 kilometro zabal da, eta 926.000 kilometro koadroko eremua hartzen du. Batez besteko sakonera 110 metrokoa da. Barents itsasoarekin alderatuta, Kara hotza da oso, urteko bederatzi hilabete ematen baititu izoztua. Ob, Jenisei, Pyasina eta Taimyr ibaiak isurtzen dira Kara itsasora.
Historia
[aldatu | aldatu iturburu kodea]XVI. mendeko mapetan Oceanus Scythicus edo Mare Glaciale izena izan arren, XIX. mendera arte ez zen ondo esploratu. Bigarren Mundu Gerran, Alemaniako itsaspekoak patruilatu zuten, sobietar itsaspekoak hondoratzeko asmotan, 1942ko udako Wunderland Operazioan.
Erreferentziak
[aldatu | aldatu iturburu kodea]- ↑ 159. araua. Euskaltzaindia (Noiz kontsultatua: 2011-04-11).
- ↑ Lur entziklopedietatik hartua.
